هذي قصيدة كتبته
من موقف حصلي
ان شا الله تعجبكم

ساير وقلبي

ساير وقلبي من همومه معبّا=حاير ودمعي من عيوني مصابيب
حزن(ن) بثر حزن(ن) وجمر(ن)مشبّا= بين المحاني بالضلوع المحاديب
هيل(ن)جذبني في طريقي يهبّا=مشْين بي اقدامي يبن المهابيب
ابحث مصادر ريحته في تنبّا =ريحه قريب وحسّ صفْق المطاليب
لاحظتِ شايب جالس(ن) في مشبّا=عنده دلال(ن)صافيات المشاريب
رحّب وهلّا يا هلابك وصبّا=فنجالِ يرخي بي هموم(ن) مكاريب
لاحظتِ في وجهه هموم(ن) تكبّا= من جوري إسنين(ن)بقلبه مشاذيب
نشّدت عن مابه وش اللي مخبّا=قال انتِ ذكرت(ن)عيال(ن) مغاريب
اقفو وخلو من تعب بالمربّا=ياجعلهم في حاميات اللواهيب
ون رحتِ لحداهم ببيته تغبّا=ماكني والد له ولا لي مطاليب

وسلامتكم طالت اعماركم

تحياتي الشاعر خالد الصالح البريدي التميمي

المشاركة الأصلية كتبت بواسطة ريف النشاما (المشاركة 393129) الشاعر الرائع خالد البريدي صح لسانك و لاهنت على هذه الابيات الرائعة و الله يصلح حال الشباب و يهديهم يارب دمت بخير ريف النشاما

المشاركة الأصلية كتبت بواسطة لينا البراهيم (المشاركة 393137) صح لسان شاعرنا ابيات رائعه .. ننتظر جديدك كل الشكرلك :r:

المشاركة الأصلية كتبت بواسطة راعي العليا (المشاركة 393164) خالد البريدي صح لسانك على هذه الرائعة والتي لا نستغربها من قامة كقامتك دمت كما تحب0