حبيت انقل لكم هذا المساجله بين الشاعرين الكبيرين رحمهم الله بين الامير محمد الاحمد السديري وصديقه الخاص الشاعر زبن بن عمير العتيبي رحمهم الله تعالى


اذ قال الشاعر الامير محمد الاحمد السديري:

يازبن ودعناك في يوم الاثنيـن=لعلها لك ياخو صنعـا مسافيـر
بجيرة الله ياعشيـر الغلاميـن=يامقفي عنـا ذكرنـاك بالخيـر
نغليك يوم إنك بعيد عن الشيـن=وريف لضيفك في ليال المعاسير
يوم تغيبه عندنا قـدر عاميـن=ويوم نشوفك فيه عز وتباشيـر
هذا الفراق اللي نظرناه بالعيـن=وعز الله انك ناوي بالمحاديـر
يازبن يالبراق بالله الـى ويـن=واسلم ورد العلم يازبن العميـر

فأجابه زبن بن عمير قائلا

وانـا بعـد ودعتـك الله بتسعيـن=وداعة من حفـظ والـي المقاديـر
ياباذل الحسنى علـى المستحقيـن=ونطاح بالضيقات وجـه المناعيـر
ياللي بدرب الطيب جالك براهيـن=ولبست بالبيضـا ثيـاب مشاهيـر
يبون دربك ناس واجـد وعجزيـن=يجي لهم من دون دربـك عواثيـر
ولا يختفي فعل به النـاس داريـن=لين انها تمحى الجبـال المزابيـر
من يوم عنك اقفيت والقلب والعيـن=عندك,, وفي جسمي تشب السواعير

تقبلو مني كل التحايا

http://www.21za.com/pic/thankyou002_files/8.gif
مساجله

شعريه
عنوانها الوفاء

والاخاء والصفاء

واردف الشاعر
زبن بن عمير ( رحمه الله)
برده الذي توجه بالاعتراف بالواقع الملموس
لشخصية الامير محمد الاحمد السديري

والتي رسمها بريشه الكرم والطيب وشيم الرجال

والبيت الذي قبل الاخير هو ما نعايشه الآن بسيرته التي شمخت كالجبال الراسيه
والخالده بذكر السامي الابدي

اطيب المنى سلطان الوفاء
http://img471.imageshack.us/img471/1425/l44rvv5.gif

المشاركة الأصلية كتبت بواسطة عبدالرحمن السميري (المشاركة 15258) . هم اهل الشعر ماهي غريبة عليهم..

المشاركة الأصلية كتبت بواسطة خالد الدغيلبي (المشاركة 15365) صوت وصدى يعودا بنا الى زمن الاصاله , ,