مرثية مرشد البذال بسموه
/ / خطب دهاني من عظام الدهايا=خطب مسا الاثنين من بعد الأغراب ذاعت به الأخبار ما هي حكايا=حطوه بالنشوه و أذاعوه بخطاب خطب بعث بالقلب عطب الكوايا=أثر على جرح تدمدم و لا طاب فزيت نابي غارس بالشفايا=كنه يلامس ثومة القلب مشهاب الأمر صادر ولا تفيد الشكايا=ما قدّر الله صار و الأمر غلاب لا و الله إلا راح رجل الحمايا =اللي ملك في ساحة المجد مرقاب تكانفنه موحشات المنايا=لين أشعلنه شلعة الجاز بالناب خلّن مقاعد طير شلوى خلايا =الاسم فيهن حي و الاّ الشخص غاب سلّط على دنيا بها هالسوايا=تأخذ عزيز القوم من بين الاصحاب راح الذي من بين كل النحايا=مثل السراح على البعد جذاب لو كان خلّف من يسد الهوايا=عيال و اخوان لهوم ذكر وحساب لاشك ياليته تساق الهدايا=حتى محمد ينفدي عنه بارقاب لو كان ما في دبرة الله معايا=ان قلت و ان ما قلت عطب السهم صاب يالعين هاتي من دموعك بقايا =والا غزير الدمع قد هل سوراب ابكى محمد بالعيون الشقايا=وخلي دمعك في ثرى القاع مغراب تذكري يا عين عذب السجايا=اللي كمل عرفه على طيب الأطياب يا الله عساه من النفوس البرايا=وانك تجاوز عنه يا رب الارباب ياغافر الزلات هي والخطايا=تحط له في جنة الخلد مضراب مرحوم يا عز الخوى و الدنايا =مرحوم يا جلاّل عسرات الانشاب ومرحوم يا حلال صعب القضايا=زبن المخيف اللي من الخوف مرتاب ليا زبن قصره طويل الحجايا=نسىالخطر من يوم يدخل مع الباب ومرحوم يا راعي الصحون الملايا=ياللي مضيفه قال به كل لقاب ومرحوم يا قايد جموع السرايا=في حكم اخو نوره دفعهن للأجناب عبد العزيز مدرَّسه للخفايا=ركّز على ولد السديري و لاخاب خلاّه يمشي بالجيوش البلايا=اللي ذخايرها القنابل و الاطواب اكل من الجمع المعادى ضحايا=ودوّر على جيزان تدويرة عقاب و اليوم راحت هالسواليف روايا=ما كنهن ذكرن بتاريخ و كتاب ما عاد باقي منهن إلاالسمايا=افترت الدنيا كما فر دولاب اليوم في قبر بهاك النزايا=يمطر عليه مبكر الوسم ضباب تمشي به الوديان هي و الشغايا=لين انها تخضر فياضه بالاعشاب أضنه يمه تحيل الرعايا=واهل البيوت اللي تشيد بالاطناب تزور قبره راكبات الحنايا=اللي تولع في هواهن و هو شاب وعندي خبر حبه ملاح الحلايا=رحل وهو فيهن كثير الاعجاب محمد عشير موضحات الثنايا =عشيرهن ومهدّين روس الأصعاب لياجت رجال من رجال طنايا= في ساعة من بينهم زجر واعتاب كم واحد قيد بحكم الجنايا= ذكر محمد ذكر سعدون لعقاب من عاد ناخذ من كلامه هدايا= ناخذ من امثاه تعابير واشباب عقبه برد القيل مالي نوايا= كلٍ يسامحني ترى خاطري طاب وصلو على المختار سيد البريا= اعداد خلق الله شبابٍ شياب . |
الساعة الآن 05:07AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية