|
مجاراة صاحبة الشعر النقي رهب
]
الحزن ما يحتاج شرح ومضامين = واحد وله وجه وملامح عديدهـ [/quote]نقراه بعيون الغلابا المساكين = حتى الغني يحس به في وريدهـ ورد(ن) تناثر في طريق المحبين= ما ينبت الا بالدموع الاكيدهـ من تجربة عمر ومحطات وسنين=شفت الحزن فالعمربيت القصيدهـ لكن انا اللي عارفه حزنها زين = من صفعة الماضي لصفعه جديدهـ ابا اختصر واحط بس العناوين = واكون في باقي سطوري زهيدهـ على يقين اني ولو صار تخمين = عن طعنة قلوب الخلايق بعيدهـ واصبر لو اني عايشه بين امرين = ماني حزينه بس ماني سعيدهـ يشرفني ان اجاري صاحبة سمؤ الحرف الفريد ومطوعت الحرف العنيد بهاذه المتواضعه امل ان تحوز على رضاكم جميع ٍ واذاقصرت فارجو المعذره
الحزن يابنت السديري عمى عين= لاحل فيها ما بقاله شريده بمر الولي مابين خف وجناحين=حكمة بديع الملك لأعطا عبيده لاحل بمره وسط خضر البساتين=لحا الكرب فيها جريده جريده يمناه تنزف من دموع المظانين=ويسراه هدة عز قوم مجيده عشش وفرخ في محاجر فلسطين=وحول على الشعب العراقي يبيده الحزن لي قصه معه عادها طين= واليوم بهديه البيوت الفريده لنه حظني قبل خمس ٍ وعشرين =عام وتبناني سنين مديده طفل ٍ حذفه الوقت مابين نارين=رمدة عيونه في فرح يوم عيده يزرع لأمل ورد على سور برلين=واحترت مابين القريب وبعيده في عينه اليمنى من الجيش صفين=وفي عينه اليسرا حياة ٍ زهيده يقبل علي لقفى من الليل ثلثين=يطوي قديمه ويتوهج جديده لا يتبع مذهب ولا تابع ٍ دين=معالم الذكر علينا تعيده لين اعتليت اللي تدك الميادين=صفر ٍ عصت بين الفخر والعقيده يابنت يابنت الشيوخ السلاطين=أهل العوايد في السنين الشديده الهرش لا يغريك لو له سنامين=ما فادته بلعكس حمله تزيده يالله عفوك يوم عرض الموازين=ولا الحياه فداه لوهي مديده |
يسلام عليك يالشاعر
ابيات محكمه ومجاراه أكثر من رائعه نص عانق الافق بروعته صح لسانك مدد طبت |
اقتباس:
اخوي سعود صح بدنك والاروع حظورك اشكر حظورك المتواضع لاهنت |
الغالي
الشاعر عبدالعزيز محمد الشلوه الله انه يسعدك ويوفقك لما فيه الخير اسعدني كثيرا ان اكون من ضمن المصافحين لهذه المجارات لقصيدة الاميره ام نواف وفعلا اجدت المجارات بقصيده رائعه واجمل من جميله وصح لسان الاميره ولسانك ملايين ولا يكفن تقبل تحياتي |
اقتباس:
ابو محمد مرورك شرف ومجاراتي لقصيده ام نواف شرف وصح بدنك استاذي سفير المعاني لاهنت ع مرورك |
صح لسانك ياعبد العزيز
رائعه و ما فيها هرجه و مجاراه جزله دمت بخير و عافيه و صح لسانك يالقرم ريف |
ريف النشاما الاروع حظورك اخوي القدير لاهنت |
عبدالعزيز اسعد الله روحك نص صوت وصدى .. شموخ حر ..وعمق تجربه ..وبعد رؤى .. نص صاغه ..جواهرجي حرف ....ومهندس شعر ..اضاء ..معالم الطريق ..بحكمة خبير. تحياتي ..ودمت بخير |
اقتباس:
انا سعدت بمرورك المتواضع اخوي كن بخير |
شاعرنا القدير محمد الشلوه
صح لسانك .. واعتلا شانك مجاراه اكثر من رائعه يعطيك الف عافيه . . الجموح |
| الساعة الآن 08:38AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية