الحب حرفين وتِّصل بين قلبين=سكن بوسط قلوبنا واحتواها
والحب نسمه ذايبه بين روحين=اشعل مشاعرها وبين هواها
والحب نظره ساحره بين طرفين=رسم جمال الكون ساعة لقاها
والحب نغمه هاديه بين سمعين=ترقص قلوب إذا تعالى صداها
والحب لمسه دافيه بين كفين =تفوح نفحات الغلا من نداها
والحب قبله ساخنه بين ثغرين=كل المشاعر تبتهج من هناها
والحب ضمة ود ما بين خلين=تنشر تباشير الفرح من دفاها
والحب كلمه نايمه بين سطرين=تسعد نفوس وقد تسبب شقاها
والحب موضوعي وكل العناوين =قصه بدت ولا انتظر منتهاها