لا تغفل عن الرقم 940
لا تغفل عن الرقم 940 سالفة صارت أمس وقفت عند احد مطاعم الفلافل وأنا كنت انتظر الطلب وقف راعي سيارة ونزل وطلب الشاب سأل العامل السوري ليه لابس قفاز واحد جاوب السوري : هذا اشتغل فيها وهذا أحاسب والعامل السوري وهو يتكلم كان ماخذ الخبز بيده اللي بدون قفاز وحطه على الطاولة وقال الشاب وهو يضحك طيب ليه تمسك الخبز باليد اللي ما فيها قفاز السوري أنحرج وصار يبرر تبريرات مالها معنى وقال الشاب المفروض اللي يشتغل ما يحاسب يكون واحد ثاني وأنا في ذيك اللحظة قلت فيه ذباب وخره عن الصواني وقال الشاب شف هذا زبون يقول عندك ذباب في المحل والعامل السوري شوي بيقوله مالك دخل تبي تأكل ولا اطلع برى والشاب طايح فيه أسئلة المهم من ضمن الأسئلة اللي كان يسألها وهو يضحك سؤال حسيت السوري منجد بينفجر وسؤال هو ليه منت مغطي شعرك وراح الشاب من ورى الكونتر يعني دخل عنده وارتسمت على وجه العامل علامة استفهام وتعجب كبيره وقال معك مفتش الصحية وتعال شوف وجه العامل من زود ماهو احمر من النار يوم سمع كلمة مفتش الصحية صار وجهه تقول طماطة وشهب وجهه في نفس الوقت المهم أن الرجال دخل المطبخ حقهم وصار يعطي الملاحظات وطلع واحد من العمال مجروحة يده وقال لا أشوفك هنا إلا لما تعالج جرحك وسأل العامل الأول أبو وجه احمر مشهب عطني شهادتك الصحية قال ما معي قال اطلع برا أنت وياه المهم شب فيهم لكن بأسلوب جداً مهذب وفيه نصح وقال أنا ما جيت هنا عشان استقعد كله عشان مصلحتكم ومصلحة الزبائن لو الواحد جاه تسمم أو أي مرض انتقل عن طريق العدوى راح يدعي عليكم ويوم طلع الرجال قعدت اسولف وياه عن بعض المطاعم اللي تحتاج مراقبة فقال لا تتردد أي مطعم تشوف عليه ملاحظة اتصل على 940 وعطهم اسم المطعم والشارع واترك الباقي عليهم وكان معه ورقة قال شف هذي الورقة هذا اسم المطعم وتاريخ التبليغ والملاحظات اللي عليه وها أنا جيته وشفت وش صار بعينك يا جماعة عليكم بكل مطعم أو بوفية أو مخبز أو غيره تجدون عليه ملاحظة تبلغون أنا أول ما كنت مصدق فيه مفتشين أقول كلام فاضي ما فيه رقابه ولكن شفت بعيني ومن اليوم راح ابلغ عن أي مطعم عليه مخالفات انشرها لمصلحة الجميع عبر الأيميل |
سعد
الله يعطيك العافيه يارب نقل رائع وفيه غايه الاهميه جزاك الله الف خير والي موازين حسناتك ان شاء الله هناك اهمال يكون من بعض العاملين مقصود وغير مقصود علينا الانتباه والله يجزيهم بالخير علي حرصهم ورعايتهم وانتباههم والله يجزي الدوله كل الخير علي ذالك كل التقدير والاحترام مشكور |
الللللللللللللللللله يشرف مقدارك اخوي خاطر مثل ماشرفتي بمرورك ولله يخوك نقلته من كثل ما اشتهي الفلافل الصبح واشوف بعض المحلات الي تحوم التسبد ( الكبد ) واطلع من المحل وانا نفسي بالساندوش :D |
سعد
نقل مفيد جدااا الله يعطيك ألف عافيه إن شاء الله الكل يستفيد من هالموضوع لأن بصراحه بعض المطاعم فغاية الرداءه ومدري كيف غافله عنهم وزاره الصحه تقبل تواجدي |
اكيد بيتقبل تواجودك تواجدك شرف :) |
سعد
طرح رائع لخبر أروووع سرني التواجد بين هذه الأسطر لك مني التحية والتقدير والاحترام |
الساعة الآن 02:06AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية