يــا عــم مـا للإبـن ِ عــم إلاّ إبن ِ عــمّ ٍ لــه لـزم=لاغـاب إبـن عـمـه لـظـرف يقوم هو بالـ لازمه
من غيرته ما يرمي فـصـِـلة الرحم تحت الجزم=و إن ضـاقـت بمن له فهو يبقى معاه ملازمه
سنايده لامال ينصره إن تضعضع وانهزم=عكس إبن ِ عــمً يذكرون إن إبن ِ عمه هازمه
رجلً يـبـيـّـض وجهك بلاعزم و شلون إن عزم=قوي باس ضلوعه لكسب الجمايل عازمه
هرَم قـِـيـَـم عملاق يعجز لايحـجـّـمـِـه القزم=مهما تكون لقمعه خساس الشوارب جازمه
يملك مباديء تـقـسم إن مادنـّـقت ذل لـرُزِم=تكمن من أقصى عـَـشـرَة أظهر وأكثر فمحازمه
له كلمة ً وحده إذا قاله مشابه وإلتزم=لوهي سيوف تودّي لقتله وجت متعازمه
ياصعب كسر أواسـط الأعواد لاصارت حـِـزم=غـيـر إنـكـسـاري لاغدا سهل ويديهم حازمه
يــا عـَـم مـالـي مـن أحد وأفزّعه وقت الـلـّزم=عـرفت لـيه الـحين ابكي والبكى وش لازمه