يا من لقلب كل ما ألتم الاشفاق =من عام الأول به دواكيك وخفوق
يجاهد جنود في سواهيج الاطراق= ويكشف له أسرار كتمها بصندوق
الى عن له تذكار الأحباب واشتاق =باله وطف لخاطره طاري الشوق
قربت له من غاية البن ما لاق =بالكف صافيها عن العذف منسوق
احمس ثلاثٍ يا نديمي على ساق =ريحه على جمر الغضا يفضح السوق
واحذرك والنية وبالك والاحراق =واصحا تصير بعاجل الحمس مطفوق
إلى أصفر لونه ثم بشت بالاعراق= صفرا كما الياقوت يطرب لها الموق
وعطت بريح فاضح فاخر فاق= لا عنبر ريحه بالانفاس منشوق
كبه بنجر يسمعه كل مشتاق =راع الهوى يطرب الى دق بخفوق
واحشه بدلة مولع كنها ساق =بلورة مربوبة تقل غرنوق
خله تفوح وراعي الكيف يشتاق =الى طفح له جوهر صح له لوق
اصغر قموره كالزمرد بالاشعاق= واكباره الطافح كما صافي الموق
زله على وضحاً بها خمسة ارناق =هيل ومسمار بالاسباب مسحوق
مع زعفرانٍ والشمطري الى انساق =والعنبر الغالي على الطاق مطبوق
إلى اجتمع هذا وهذا بتيفاق =صبه كفيت العوق عن كل مخلوق
بفنجال صين صافي عنه الارماق= تغضي وكرسيه غدان لمعشوق
إلى صب فابصر جوهره تقل شبراق =رنق تصور بالحمامة على الطوق
شكل غرا الفنجال لونه كما ارناق =دم لقلب وان مزع منه معلوق
خمر الى منه تساقى بالارياق =عليه من ماء صافي الورد مذلوق
راعيه كنه شارب كاس ترياق =كاس الطرب وسرور من ذاق له ذوق

المشاركة الأصلية كتبت بواسطة الحظ العنيد (المشاركة 242046) هااااااذي اكبر دلة قهوه جبناها علشانك http://filesplus.abunawaf.com/2007-0...taezsqv66c.jpg

المشاركة الأصلية كتبت بواسطة عبير الروح (المشاركة 242076) ياحامسين الكيف لا تحرقونه = حذراء عن الشعله تغير نقدها صبه على اللي ربعته يدهلونه = له ربعة من راح منها حمدها . . وهذي نوعين من القهوه قهوه عربيه http://www.kashtah.com/4images/data/media/2/dlah.jpg واسبرسو http://i44.tinypic.com/2s9c0ap.jpg وبالعافيه..