|
مااقول :نفسي ملوله
مع الاعتذارللانقطاع القسري التمس قبول هذه البويتات
الليل زان وضايح البرق وهّاج=وامسيت اعشق الليل لوزادطوله والمُعصرات أعطت من الماء ثجّاج=وطربت لاخبارالمطرمع سيوله ومن الفجر..نويت سَفره ومنهاج=وجمسي بعد مااوكدت لونه وزوله دقّيت سلف،ومقدمه شعّ بسراج=لين اكتشفت الارض قدمه وحوله ومن المحطّه دون حيره ولااحراج=كلٍّ من الدكان عبّى حثوله!! ويَم الجنوب ..أرخيت رجلي الى الصّاج=ولاشفت مثلي حي يشعب ذلوله!! ومرّيت داري..بس ماني بمنعاج=دارالجدوداللي خلامن نزوله واصلت ومزون السحب فوقي افواج=نوٍّ تشوّقني حقايق ثعوله وبل ..وبرَد..والدرب تغشاه الامواج=مدري عن المنظر..وش اللي باقوله! الشمس ماتلقى مداخيل وابراج= والغيم غطّى المرتفَع مع سهوله والارض من قوّالمطر راحت افلاج=وكم قريةٍ باثرالسيول معزوله يالله ياللي ماعلى بابك سياج=ياعلمٍ بالكون عرضه وطوله تجعل لنا من كل ماضاق مخراج=وكل الصعاب تصير بامرك سهوله واناليا حسّيت فى جوّي ازعاج=فلّيتها..مااقول :نفسي ملوله |
الغالي
الشاعر الغواص اهلا وسهلا والف مرحبا بك وهذا الحضور يشفع لك الله انه يسعدك ويوفقك بجميع اوقاتك بكل خير واسعدني كثيرا ان اكون اول المصافحين لهذه القصيده الاجزل من جزله بما تحمله من معاني ومضمون واخراج شعري من شاعر قدير ومتمكن وصح لسانك وعلا شانك مليون ولايكفون تقبل تحياتي |
يالله يـالـلــي مـاعـلــى بــابــك ســيـــاج
يـاعـلــمٍ بـالـكــون عــرضــه وطــولـــه تجعـل لـنـا مــن كــل مـاضـاق مـخـراج وكـل الصعـاب تصـيـر بـامـرك سهـولـه آمين الله يسمع منك ياعملاق وانالـيـا حـسّـيـت فـــى جـــوّي ازعـــاج فلّيـتـهـا..مـااقـول :نــفــســي مــلــولــه والله ونعم وصح لسانك ولاهو غريب الابداع على الغواص اجمل تحية م القلب |
سلمك الله يابومحمد وهذاماعوّدتناعليه من دماثة الخلق
شكراًجزيلاً . |
اقتباس:
اشكرك من الاعماق على ماتفضّلت به من اسلوب اسعدني . حفظك الله . |
والمُـعـصـرات أعـطــت مـــن الـمــاء ثـجّــاج وطــــــربــــــت لاخــبــارالــمــطــرمـــع ســــيــــولـــــه الشاعر الغواص عودا" حميدا" ومرحبا بالشعر وأهله قصيدة تهطل رذاذ على الروح وتلامس الوجدان في حكاية نحتاج إلى تطبيق مافيها وأن لنا عند رب كريم الف باب كلها خير ... صح لسانك وسلم اليراع يـ قدير انحناءة غيمة وياسمينة :r: |
الشاااعر الغواااااااااص
صح لسانك ياالذيب تقبل مروري طال عمرك |
صح لسانك
جزالة وقوه لاهنت |
زمان العجايب
عاجزعن شكرك ومقدّراطلالتك المؤثره حفظك الله اخوك الغواص |
| الساعة الآن 09:38PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية