ياشـيـخ يامفـنـي المواحـيـل والحـيـل =يـادرع قومـه وامتـه وقـت الأنـشـاب
ياحصنـهـا العـالـي رفـيــع المـنـاويـل=مـن لاذ بـه يبـعـد عـلـى كــل طــلاب
يافـزعـة المظـلـوم ريـــف المقـالـيـل=ابـو اليتيـم وعــز مــن لالــه أقــراب
يامحـمـد الأحـمـد عشـيـر المشـاكـيـل=يـاريـف ربـعـه والمسـيّـر والأقــراب
وإن جــا نـهـارٍ فـيـه كــز المراسـيـل=بيـن الجمـوع وكلّـحـن فـيـه الأنـيـاب
تشـوف أبـو خـالـد عـقـاب الهذالـيـل=مـن فـوق قبـاً تقـحـم الـعـود مـوثـاب
لــه هـمــة عـلـيـا تـنــوس القـنـاديـل=وله في اللقا صولات ابـا زيـد وذيـاب
فيمـا مضـى يثنـي سـريـع المحـاويـل=دون الرمـك لاحـذف القـوم الاسـلاب
والـيـوم هــو زيزومـهـا مـثـل ماقـيـل=بانت عقب ضرب القنابـل والأطـواب
يشهـد علـى ماقيـل ماضـي الأفاعـيـل=مـن لابـة تِقـدم إلـى هـاب مـن هــاب
مـنـازلـه لأهـــل الشـكـالـه مـداهـيــل=منـصـاً لشجـعـانٍ يـلـفـون الأشـنــاب
ولايـنـزل الا فـــي رفـيــع المـنـازيـل=ولاحط من دونـه عـن النـاس حجّـاب
مجـمـع رجــالٍ مابـهـم خـايـع الـقـيـل=مجلس شريف يجمع أجناب وأصحاب
ياشـيـخ عيـنـي كــن فيـهـا سمـالـيـل=كــن الجـفـون مشـبـحـات بـلأطـنـاب
أسهـر ودمعـي مـثـل وبــل الهمالـيـل=وأقعـد وأقـوم وكـل شـي لــه أسـبـاب
دخلـت لـي مـدخـال سـهـل المداخـيـل=ياليتـنـي فـكـرت قـبـل ادخــل الـبــاب
وزل القدم بي وسـط شـرك المحابيـل=وأصبحت أنـا مـا بيـن مايـح وجـذاب
واسـلــم ودم مـــا غـــردن البـلابـيـل=ذخـرٍ لمـن ناشـه مـن الوقـت مخـلاب
واعـذر وسامـح واقبـل العـذر تكميـل=يابـو هـلا يـا ستـر غضـات الأشبـاب

قـــم يامحـيـسـن شـــب نـــار المعـامـيـل=صفصف عليها السمر من زين الأخشاب
وإن ولّـعـت واستضـرمـت باللهب حـيـل=يـجـذب سـنـاهـا بـالـدجـى كـــل شـــراب
وإن صـرّمـت والجـمـر فـيـهـا دحـامـيـل=أزرق سـنـاهـا ذايـــب يـلـهــب الــهــاب
إحمـس عليـهـا الـبـن مــن غـيـر تقلـيـل=واحـذر عواقـب مـن هـرج عايـبٍ عــاب
ودقــــه ولـقـمـهـا وزود لــهــا الـهــيــل=حـتـى يـصـيـر الـكـيـف طـــب لـلألـبـاب
مـاهــا قـــراحٍ صـافــيٍ مـــن شـهـالـيـل=مـن وبــل رايــح داجــي الغـيـث نـحـاب
يـاحـلــو صـبـتـهـا ابــيــض الـفـنـاجـيـل=لـي ذاقهـا الممـروض مــن علـتـه طــاب
يـالـخـالـدي تــطــري عــلــي التـعـالـيـل=يــوم الـرقـيـب امـعـلـق تـقــل مـشـهـاب
يــوم الكـواكـب مـثـل لـــون المشـاعـيـل=وعنـا ردي الـخـال يــا الحـيـدري غــاب
جـانـا مـــن الـعــارض كـــلام بتفـصـيـل=مـن واحـد يشـكـي مــن الـنـاس عـجـاب
يشـكـي هــوا راعــي العـيـون المظالـيـل=وقبله اعقاب الخيل يشكـي علـى احجـاب
مـاجـور يـاشـاكـي هـــوا نـافــل الـجـيـل=الله يفـكـك مــن عـنـا عـكـش الأهـــداب
الطـيـر يشـبـك بـالـشـرك مـثــل مـاقـيـل=والصـيـد يـشـرف طــارده كــل مـرقــاب
إتــعــب وعــــد ابـنـايـفــات الأقــاذيـــل=ويبيـن لـك مـن هافـي الوسـط مـضـراب
حــرك قــدم رجـلـك إلـــى هـــود الـلـيـل=ومـن بـعّـد الملـقـاف فــي بنـدقـه صــاب
لازم يـاخـو نـاصــر تـحـصـل محـاصـيـل=تـصـادف الـغـرات تفـتـح لـهــا أبـــواب
مـعـهـن لـمــن عـنــاك تـلـقـا مـحـاويــل=ويبـهـج افــوادك طـقـة الـنــاب بـالـنـاب
تـشــم بـيــن إشـفــاه بـيــض مـعـاسـيـل=يكـسـر عليـهـا عـابــد وســـط مـحــراب
بـيــض يــشــادن قـحـويــان الـغـرامـيـل=فـيـهـن دواك وداك يــــا ذاك الأنــســاب
يـامـا مـــن الـخـفـرات ذقـنــا الغـرابـيـل=ويامـا عديـت اليـن عـرش الـقـدم عــاب
ويامـا زعـجـت الـويـل والحقـتـه الـويـل=ويـامـا دخـلـت ابـحـور لـجـات وغـبــاب
ويـامـا صطـابـي بالـهـوا ظـاهـد الـشـيـل=ويامـا عسفـت مـن العماهيـج الأصـعـاب
ويــامـــا تـلـويـنــا بـشــقــرٍ عـثـاكــيــل=أيضا ولا أخشى الناب من غاسق الـداب
أركـض لهـن لـوهـن اصـعـاب المنـاويـل=وعـلـي مــن سـمـر الحنـاديـس جـلـبـاب
اتـبــع هـــوا جــمــا تــقــود الـمـغـازيـل=مـع صحصـح تشـرب هـوا كــل خنـيـاب
عيني تعرف الزين بين الازاويل= وقلبي من الرثم الخراعيب مرعاب