|
ملاحظات لاخواني الشعراء
بسم الله الرحمن الرحيم
السلام عليكم ورحمة الله وبركاته اللهم صل على محمد وعلى آله وصحبه أجمعين وبعد في هذا الصرح العملاق رهب هناك تركيز على مقومات القصيدة من قبل مراقبي الاقسام الادبية بالذات ويوجد لدينا قسم الثقافة الادبية لنقل القصائد في ثلاث ظروف اما اختلال الوزن اختلاف القافية الثقل في بيت ما من القصيدة ربما حتى نحن نقع في هذا ةننقل قصائد بعضنا ونناقشنا في هذا القسم الذي لايطلع عليه سوانا وفي المقابل عندما ننقل قصيدة احد شعراءنا الكرام لايطلع عليها سوانا وهو فقط للنقاش حولها الحقيقة واجهنا احراجات كبيرة من بعض الاعزاء الشعراء ولاحظنا الاخذ على خاطرهم منَّا أحياناً انا اخرج من هذا الاحراج وخصوصاً عند الثقل غير المخل بالوزن في قولي للشاعر صح نبضك ولا اقول صح لسانك وهذا يدل على وجود خلل ما وسأواصل في هذه الصفحة بإذن الله في ادراج بعض الملاحظات اقسم بربكم بأني لاأفرق بين احد واني أتكلّم للأدب والأدب فقط |
مفيد جداً للطروق الشائعة من العملاق سعد مسهوج
.... ___________ بحر المسحوب تفعيلته = مستفعلن مستفعلن فاعلاتن امثله : = تدري وش اللي حيّر الناس امره ................والناس تتسال خفوقي علامـه ؟ اني اشيل بداخل القلـب جمـره ............واعطي على كثر الهموم ابتسامه ! =يمكن تحس اني مـع البعـد ناسيـك ---------------- لكن تأكـد .. مـا نسيتـك ثوانـي الالحان : -وش تنتظر - خالد عبدالرحمن -عندي كلام - اريااام -روحين في روح - فارس مهدي -البارحة - راشد الماجد _______________ هجيني شمالي : تفعيلته = مستفعلن فاعلن مستف الامثله : - البيرق اللي مع ابن فطيس .................ماني خلف كان ما اجيبه - الصبح محلا شبوب النار .................لاصرت مرتاح ومصلي الالحان: يا روحي روحي - خالد عبدالرحمن العشق - فارس مهدي الصبح محلا شبوب النار - شيله لحن الكسرات- اغاني الكسرات ملاحظة : الكسرات من الكسرة والكسرة فن شعبي اشتهر فيه اهل ينبع واملج والمناطق القريبة منهم. ___________ هجيني جنوبي : تفعيلته : مستفعلن فاعلن مستفعلن فاعلن الامثله : = كنت اتحجج ولو مالي معك حاجه! ....................والحيـــن محتــاج لك و لا معــي حجه بالامس من كثر ما اشوفك و نتواجه ...................ما اخذ من هموم قلبي والجفا سجه =هذا وانـا (وايلـي) بالحـب اداريهـا وافخر بطيب العرب واقلـط اشعـاري من لابة(ن) ما أنخلق منهـو يعاديهـا ولاجيت اوصف يفوق الوصف معياري الالحان : وصيت قلبي - ميحد حمد ماني مجازيك - تركي 2000 الكنه - السليمان وش فيك غايب - احلام ________________ رمل: تفعيلته = فاعلاتن فاعلاتن فاعلاتن فاعلاتن الامثلة : =يا وجـودي كـل مـا يخطـر علـى بالـي سـؤال والاجابـه حـيـل مــره .. والحـيـل يرثالـهـا ويـا وجـودي كـل مـا تبـرق عيونـي للشمـال أكتظـت همومـي وسـال الحـزن مـن همالـهـا الالحان : الذاهبة - خالد عبدالرحمن اسمحي لي يالغرام- محمد عبده (الحدا المدبول) تفعيلته : مستفعلن مستفعلن مستفعلن مستفعلن ياصاحبي عذرك معك لو منت ناوي تعتذر .......................السالفة يا صاحبي ما توصل حدود الزعل الحدا المشطور عرّب وليدك عرّبه ،،، والنار من مقباسها بنت الردي لاتاخذه ،،، لو هو طويلن راسها >من طواريق الحدا الديوان : مستفعلن مستفعلن مستفعل مثال : =الـيــوم جـيــت ووقـفـتــي مـحـسـوبــه وكــل ٍ يــقــدّم لأمّـحــلــة مـأجــوبــه مـا جـيـت اعـرّض صـورتــي بـالـشـاشــه وعـيـال (عـمــي) لـلـعــرب مـطـلـوبــه اللحن : ياطارشي= عيضة والطاروق السابق زايد حرف -موال : واللي عقد روس الحبال يحلها ....(يستخدم كثيرا بالمحاورة ) تفعيلته : مستفعلن مستفعلن مستفعلن ومن طواريق الحدا ايضا ولا يعرف له اسم حتى الان مستفعلن مستفعلن مستف اغاني : خلك بجنبي لاتخليني ودعتك الله يانظر عيني ______________ الشيباني او اللويحاني او الهزج بالفصيح تفعيلته : مفاعيلن مفاعيلن مفاعيلن مفاعيلن مثال: حسبت ان الطريق اللي بعدنـي عنـك يدنينـي وحسبت ان القلوب اللي هوت بالحـب خفاقـه وحسبت ان الزمن يعطي ولكن كيف يعطينـي وحسبت ان الصبر يبقى وانا ادري للصبر طاقه الالحان : الردية - خالد عبدالرحمن الا يا وقت- راشد الماجد العروس - خالد عبدالرحمن شيباني مشطور : تفعيلته : مفاعيلن مفاعيلن اغنية يا واحشنا - احلام ابو صالح- خالد عبدالرحمن _________________ لعبوني هو من بحر الرمل : تفعيلته : فاعلاتن فاعلاتن فاعلا مثال : =تستلـذ بطعنـتـي ..واجامـلـك وتستثير الضيق ..بالصدر الوسيع! مـا يريّحـنـي اذا .. بعامـلـك مثل ما سويـت بالحـب الرضيـع الالحان : انتظرته - خالد عبدالرحمن البراقع - محمد عبده يابلابل - الصريخ خبروني عنك - عبدالمجيد عبدالله _______________ هلالي : (المنكوس) تفعيلته : فعولن مفاعيلن فعولن مفاعيلن الالحان / كفاني عذاب الله يجازيك بأفعالك سليم سليم - اغنية فرقه عذرك معك - عبدالله رويشد _____________ صخري : تقعيلته : مفاعلتن مفاعلتن فعولن امثله : عـلـى اطـلال الـوفــا وقّـفــت سـاعــه واقـول ان الـجـفــى مـالــه شـفـاعــه اتـمـتـمـهـا بـصـدري لـيــن صــدري حـمـسّ قـلـبـي عـلـى نـار الـقـطـاعـه الالحان : الا يالله ياعالم بحالي - صالح الحريبي سألنا عنك يالمحبوب - راشد الماجد بحق الحب - محمد عبده بكيتك لين ملتني عيوني -حسين الجسمي ______________________________ _______ ملاحظة : 1-هذه مو كل الطواريق هذي الشائعه فقط . ما ابي اسوي زحمة بس اللي عنده اي طاروق ما يعرفه يرسله لي ويبشر بالجواب اذا اعرفه 2- قد يتسال البعض عن اختياري هذه الاغاني احب اقول ما اخترتها بس هذا اللي طرا على بالي اللحين وانصح اخواني دائما يكتبون على اللحن المرصوص يعني ما فيه مد باللحن ؟ 3- ما يمد باللحن الا حروف العلة وهي حروف المد ( أ , و , ي ). 4- اخي \ اختي اذا تمكنت من الوزن ان شاءالله راح اتوسع وتعرف طواريق كثيرة . 5- ارجوا قراءة المحسنات البديعيه واضافتها او توظيفه في قصائدكم لتكون اروع مثل المقابله والمرادفات والاستطراد والتوريه وما الى ذالك . 6- ابعدوا قد ما تقدرون عن التكلف لان الشعر بسلاسته وعفويته لا بالمفردات الغريبة ! وشكرا اخوكم سعد مسهوج العلاطي |
قبلها بعض المحسنات البديعيه وتعريفات
1- الطباق ( التضاد ) : لفضان متضادان و هو نوعان : إيجابي إذا كان المتضادان مختلفين تماماً مثل ( ليل – نهار ) ( صيف – شتاء ) و سلبي إذا كان التضاد من لفظ واحد بينهما أداة نفي مثل ( ينجح – لا ينجح ). 2-المقابلة : هو تضاد أكثر من لفظين على الترتيب مثل قولنا ( أذهب شتاء و إرجع صيف ) . 3-الجناس التام : و هو اتفاق اللفظين في الحروف و اختلافهما في المعنى مثل قولنا ( صلينا المغرب في بلاد المغرب ) . 4-الجناس الناقص : هو اختلاف اللفظين في بعض الحروف أو عددها أو ترتيبها أو شكلها . 5-السجع : هو إتفاق الفواصل في الحرف الأخير و لا يكون إلا في النثر مثل قولنا ( تباركت أرض أجدادي ، ففيها كان ميلادي ) فبين أجدادي و ميلادي سجع . 6-الازدواج : هو التوازن الموسيقي بين الفقرات من غير اتفاق في الحرف الأخير مثل قولنا ( لا يتبدل و لا يتغير ) . |
ياليت يعض اخواني الشعراء عندما يكتبون قصيدة المسحوب
يلحنونها قبل النشر على هذا اللحن بحر المسحوب تفعيلته = مستفعلن مستفعلن فاعلاتن امثله : = تدري وش اللي حيّر الناس امره ................والناس تتسال خفوقي علامـه ؟ اني اشيل بداخل القلـب جمـره ............واعطي على كثر الهموم ابتسامه ! =يمكن تحس اني مـع البعـد ناسيـك ---------------- لكن تأكـد .. مـا نسيتـك ثوانـي الالحان : -وش تنتظر - خالد عبدالرحمن -عندي كلام - اريااام -روحين في روح - فارس مهدي -البارحة - راشد الماجد |
ربما نحتاج في بعض الاحيان الى شيلة القصيدة او غنائها لنتأكد
من الوزن في جميع اجزائها |
| الساعة الآن 10:35AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية