|
يا قايد الشرطـه ويـا قايـد الجيـش
يا طير غرّد للهوى وأنفـض الريـش لازالـت أنسـام الهبـايـب لطيـفـه والجوّ هادي لو دخـل فيـه تشويـش ومشاعـرك ماهيـب دايـم رهيـفـه لا يختلـف لونـك فـدوك الخفافيـش اللـي تحـت جنـح الغـداري لفيفـه ما تنتهي نشـرة علـوم المطاريـش واللـي معـه علـم ٍ جديـد ٍ يضيفـه الغاويه جـاء مـن وراهـا دراويـش واحدهم أسود وجه .. وأسود صحيفه تنكـروّا للجـار والملـح والعـيـش مـا عندهـم غيـر الخيانـه وظيفـه سلامة الحدّ الجنوبـي مـن الطيـش ومن العبـث والشرذمـات الضعيفـه مدري فلول الشرّ تنقز علـى ويـش وشيطانهـا الاكبـر يصيـح لحليفـه روس الزيود اللي مافيهـا عراميـش قامت تعرمش بيـن جيفـه وجيفـه ! يا الحوثي اللي معك رشـاش حتّيـش هات الرصاصه وأخـذ عنهـا قذيفـه غشّاش ما تحتـاج للزيـف تغشيـش والواقـع المشهـود مكشـوف زيفـه المملكـه ماهيـب مرعـى كداديـش اللـي تـزوزي بالحمـول الخفيـفـه مهبط وحي ربّي علـى سيّـد قريـش نقـدّسـه .. ومقدّسـاتـه شريـفـه حبّه مثل وبـل المـزون المراهيـش للمسلميـن أهـل القلـوب النظيـفـه ما فيه ضيفة قات .. وضيوف تحشيش و الدين قاصـر والمذاهـب سخيفـه لا والله إلاّ دار روس المـداغـيـش يكـرم معزّبهـا .. ومحشـوم ضيفـه يا قايد الشرطـه ويـا قايـد الجيـش أمانـة ٍ مــن بينـكـم بالنصيـفـه حدّ الوطن ماهوب مسـرح تناويـش وأنتـم كفـو للمعضـلات الكليـفـه حطوّا عليه سيـاج وأبـراج تفتيـش بيـن العيـون المبصـره والكفيـفـه و لا ترحمـون مكبريّـن الطرابيـش أبـدوا لهـم فـوق الجبـال المنيفـه تعيـش يـا دار المناعيـر ويعيـش اللي وقـف مـن دون حـدّك بسيفـه |
صح السانك وافيه ومعاني كايفه تقبل مروري واعجابي
|
اقتباس:
حفيد المملكه بيض الله وجهك يالنشمي والله انها عملاقه وراقت لي كثيييييييييييييييييييير انت مبدع وجزل بصراحه تقديري |
روعه الكلمات صح لسانك ولاهنت
|
تعيـش يـا دار المناعيـر ويعيـش اللي وقـف مـن دون حـدّك بسيفـه ============== ياسلام عليك شاشت الروس .. وأعتلت فعلا .. كل همه تعتلي بك ياوطن صح لسانك .. دمت مبدعا محبكم / شيم نجد |
حفيد المملكه
هذه القصيده ملكيتها ( لسداح العتيبي) وتنقل الى مساحات ادبيه قسم المنقول لاهنت على النقل تحياتي |
| الساعة الآن 10:16PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية