لاواااااااااااااااااااااااااااه ؛؛مرثيتي في اخوي عبيد؛؛
أولا أسعد الله أوقاتكم وأشكر من وجه لي الدعوة لهذا الصرح متمثلة في ادارة هذا الصرح الراقي بجميع أعضائه من ادارة وأعضاء والذي يسمو و يزداد رفعة لأنه تشرف وحمل اسم أمير الشعر النبطي ,,الرجل الذي له بصمة سائدة وستبقى ما بقى الموروث الشعبي.. أبدأ مشاركتي معكم بقصيدة وإن كانت مأساوية لكن لها مكانة عندي لما نكنه لمن قيلت فيه من مشاعر صادقة صلو على النبي
لا وآآآآآه من عبرةٍ فالحلق مسجونه=ذالي شهر يا يبَه وأنا آتجرّعها لا وآآآآآه من حاطِب الخفّاق من دونه=جبّ الضلوع المحاني من مدارعها لا وآآآآآه من كتمةٍ فالجوف مكنونه=حتّى النّفس لا جرى كنّه يصارعها لا تنشد اللي فقد غاليه وشلونه=انشد عيونه إلا سالت مدامعها الناس لا صار من حولي يطرّونه=كنّ المناشير في جوفي تقطّعها مرّات أكلّم على نمرة تليفونه=وأهيم في ذكرياتٍ دايمٍ معها في ضحكته .. مشيته في نضرة عيونه=في هرجةٍ قالها لي كنّي أسمعها لا عاد في ليلة الجمعة تحرّونه=لا عاد ترجون بيبانٍ يشرّعها صحيح يا بوي شفناهم يشيلونه=نفسي فديتك يبه وشلون أبقنعها و أمّي تناديه منكسره و مغبونه=ودموعها ناقعه من فوق برقعها و الخفرة اللي تهل الدمع مشحونه=الجادل اللي فراق عبيد روّعها وصغاره اللي يبه فالبيت يرجونه=وشلون عنهم غيوم الحزن نرفعها والكسر كسرك يبه و النّاس ينعونه=عزّي لحالك فراق عبيد موجعها أبطلب اللي جميع الخلق في كونه=والكون في دبرته و أمره مسنّعها يرحمك يا عبيد من لطفه و من عونه=وزلاّتك اللي تجي فاللوح يشفعها وسلامتكم |
مبارك بن محيا/
اسعدني مصافحة قصيدتك الأولى في شبكة رهب الادبيه صصصصصصصصصصصصصصصصصح لسانك ياجزل ورحم الله الفقيد وتولاه بواسع رحمته جزله حتى اخر قطره انهمرت كشلالً عذب باالرغم من الحزن الا/انها الق على الق دمت ودام البوح الفاخر رفيق دربك وافر امتناني |
الاخ الفاضل مبارك غفر الله لاخيك واسكنه فسيح جناته قصيدة رائعة وجميلة صح لسانك وتقبل تحيا تى وتقديرى |
الغالي
الشاعر مبارك بن محيا اهلا وسهلا بك بشبكة منتديات رهب واسعدني ان اكون من ضمن المصافحين لهذه القصيده الرثائيه باخيك واللتي جادت بها قريحتك واللذي اسأل الله أن يغفر له ويسكنه فسيح جناته وان يظله الله في ظله يوم لا ظل الا ظله وصح لسانك وعلا شانك مليون ولا يكفون وتقبل تحياتي |
مبارك محيا
الله يرحم اخوك ويرحم اموات المسلمين اجمعين صح لسانك يامبارك واي والله انها موجعه بمعناها تحياتي . |
صح لساااانك الـــف وبيــــض الله وجهك لاهنت...
قصيــده تستحق ان نقف لها ونصفق لك بالرغم ماتحمل فيها من الم وحزن لفراق شخص عزيز على قلبك رحمــه الله وادخله فسيح جنانه ....... |
كمآ معتآد منك ،‘
آلتميز وآلابدـآع بطرحك آلرآقي ، طرح مميز رآئع بمعنى آلكلمه سلمت سلمت آنآملك لاحرمنآ آبدآعك آلمنشود‘ لك وردي‘ دُمـــت بــ ورود متفتحه بحيآتك |
مبارك
صح لسانك وعلا شانك الله يرحم اخوك دمت كما انت مودتي كل الحب |
هلا بك مبارك
صح لسانك ورحم الله ميتكم واسكنه فسائح جنانه اللهم امين اعانكم الله على هذا الفقد وهذا المصاب واعان الله والديك على فقده والبقا براسك انت واخوانك ولا حول ولا قوه الا بالله حقيقي ابكتني القصيده انا لله وانا اليه راجعون |
الشاعر / مبارك بن محيا
صح لسانك على هذه المرثيه المستحقه ورحم الله ميتكم عبيد ووالدينا واموات المسلمين وابدله الله دار خير من داره واهل خير من اهله وجعل قبره روضه من رياض الجنه والهمكم الصبر والسلوان .. انا لله وانا اليه راجعون |
الساعة الآن 08:01PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية