ضيقة البال
عزالله انه ضايقاً بالي اليوم = من ضيقتي كني بسجن انفرادي كن الفضا من ضيقة البال مزحوم = اضيق من المحشر بيوم التنادي النوم قضّيته كوابيس وحلوم = عجزت احقق راحتي من سهادي لا ساهراً سهراً بعيداً عن النوم = و لا نايماً نوماً لذيذاً وهادي الجو ضج وعج وغيوم وهموم = صارت على ماقيل داب الجرادي عجزت اميّز خيل الاصحاب والقوم = كل يهددنا نهار الطرادي امسيت من بعض الرجاجيل مليوم = واصبحت ابرهن موقفي بأجتهادي وانا بشر ماني من الذنب معصوم = ولا ني مكلّف في ذنوب العبادي يوم الوفا عند الرديين مزعوم = ناديت لاكن من يجيب المنادي واليوم طيري بالفضا يدرج الحوم = الله ولا وجهاً غشاه السوادي اتعب واعين النفس بالصبر واقوم = وامشي على البيدا طليق الايادي واصارع الدنيا بضربات وسهوم = يمكن تصيب ويصبح الضرب قادي جمر الغضا دسته بالاقدام مقسوم = واقول للشمات ثلج وبرادي كم يدّعي مثل السعيدين محروم = لوهو بوادي والسعاده بوادي من شأن مايلقابه النذل مثلوم = اللي يدوّر للنقايص عمادي لو للردي وسماً على الوجه ماسوم = وسماً على الجبهه للاعيان بادي ماينخدع به بالملمات مكلوم = اللي حداه من الصواديف حادي رضا الله اول فيه الانسان ملزوم = ورضا البشر وزعولهم شيء عادي |
الغالي الشاعر عبدالله المفضلي الشمري الله انه يسعدك ويوفقك بجميع اوقاتك ولقد اسعدني كثيرا ان اكون اول المصافحين لهذه القصيده الجميله و الرائعه بروعة حضورك وما تحمله من معاني انت شاعر مبدع بجميع اشعارك ولك باع طويل بالشعر وليس غريب عليك قوة الشعر وصح لسانك وعلا شانك مليون ولا يكفون وتقبل تحياتي |
الاخ الفاضل الشاعر
عبد الله المفضلى الشمرى صح لسانك على هذه القصيدة الرائعة والمعانى الجزله وتقبل تحياتى وتقديرى |
عبدالله
صح لسانك لين ترضى يالجزل تحياتي . |
عبدالله الشمري /
صح السانك مدد بلاعدد تحياتي ,, |
الشاعر القدير
عبدالله المفضلي الشمري معلقة من الجمال الشعري منبهرة جدا" بها صح بوحك مليووون |
كـم يدّعـي مثـل السعيـديـن مـحـروم لـوهـو بـــوادي والـسـعـاده بـــوادي مــن شــأن مايلقـابـه الـنـذل مثـلـوم الـلــي يـــدوّر للـنـقـايـص عــمــادي لو للردي وسماً على الوجه ماسوم وسمـاً علـى الجبهـه للاعيـان بـادي مايـنـخـدع بـــه بالمـلـمـات مـكـلــوم اللـي حـداه مـن الصـواديـف حــادي رضـا الله اول فيـه الانسـان مـلـزوم ورضا البشر وزعولهم شيء عادي ضيقة البال .. عزالله بعد قرائتي لهذه القصيده راحت الضيقة عبدالله المفضلي الشمري صح لسانك .. على هذه الرائعه |
كمآ معتآد منك ،‘
آلتميز وآلابدـآع بطرحك آلرآقي ، طرح مميز رآئع بمعنى آلكلمه سلمت سلمت آنآملك لاحرمنآ آبدآعك آلمنشود‘ لك وردي‘ دُمـــت بــ ورود متفتحه بحيآتك |
عبد الله المفضي صح لسانك قصيده بها الكثير .. الكثير كـم يدّعـي مـثـل السعيـديـن مـحـروم لــوهــو بــــوادي والـســعــاده بـــــوادي متميز بالطرح دام نبضك دمت بخير تحياتي رهب |
الساعة الآن 12:25AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية