ألله يرخّص الحــديد ! مصافحة أولى
اتشرف بتواجدي هنا واتشرف بمصافحة قلوبكم بهذه المتواضعه/
بعيد عن شعر التكلّف والمهايط و الغلو=وقريب من شعر البساطه أكتب حروف القصيد وبعيد عن قول النفاق ومدح أصحاب العلو=وقريب من قولت (( عسى الله /يرخص أسعار الحديد )) وعيت في جو انتكاسه للشعر يوم كتبوا=على جبيني أنت شاعر فاشل وشاعر بليد سألت نفسي ليه هالعالم على أسمي قسوا=وسألت نفسي ليه جرحي كل ما جاله يزيد؟ لقيت أشباه الرجال اللي من الخلف طعنوا=هم سبّت جروحي وهمّي/ هم سبب نزف الوريد ولقيت شلّه بالظلام وساكنه رابع قبو=هم علّة الساحه وللدرهم غدوا مثل العبيد ألو / ألو/ يامحرر الصفحات ياناقد ألو=ألو/ سلام وكيف حالك مانت عارفني أكيد ما تذكر اني يوم جيتك تحسب اني لك عدو=قفّلت في وجهي المجلّه وانت متكبّر عنيد ترى الكبر ما ينفع الرجال والدنيا يابو=تدور والحال يتغيّر يوم عبد / ويوم سيد وانا ترى والله مادري يوم اجي ان مانت بكفو=والا ترى ماكان جيتك أطلبك تنشر نشيد ترى الصحافة والنزاهه دوم مرتبطه ولو=مانت بنزيه شلون ردّك لاسئلة يوم الوعيد اسمع كلامي للأخير ولا تقاطعني هدو=أسمع كلام يجمّلك قدّام ربعك والبعيد أبيك تطلع فوق فوق / فوق فوق للبهو=وتترك دهاليز القبو لمجمّعت حفنة رصيد أبيك تنصف أي شاعر لا مدينة / لا بدو=لا شيخ/ لا أكبر أمير ولا محمد / لا يزيد وابيك تنصح في مقالاتك ضماير من غفوا=عن قولت الحق وتحاول تفرض الراي السديد وبعيد عن لون الصفار وقولت الناس فعلوا=وقريب من قول الحقيقه والامور اللي تفيد تعال نسلك بالثقافه والأدب درب السمو= وتعال نشعل شمعتين الصدق ويذوب الجليد وان كان تبغى الصدق/ والله داري ان مانت بكفو=لكن تريد / وانا اريد / (والله يفعل ما يريد) |
القدير / يحيى آل بالحارث سلم بنانك وسلم فكرك تمنياي لك بالتميز والتوفيق تقديري / عيون الفجـر |
يحي آل بالحارث
قصيدة مختلفة فعلا" تجعلنا نعيد قراءتها عدة مرات أنت مبدع ودمت بخير وسعادة |
وابيـك تنصـح فـي مقالاتـك ضمايـر مـن غفـوا عن قولت الحـق وتحـاول تفـرض الـراي السديـد وبعيد عـن لـون الصفـار وقولـت النـاس فعلـوا وقريـب مـن قـول الحقيقـه والامـور اللـي تفيـد تـعـال نسـلـك بالثقـافـه والأدب درب السـمـو وتعـال نشعـل شمعتيـن الصـدق ويـذوب الجليـد صح السانك يحي والله يهدي الجميع على طريق الصواب اما القصيده ففعلابعيده عن التكلف ملامسه لواقع مر بدء يتلاشى بفضل الله ثم بفضل المخلصين للشعر |
[table1="width:95%;"] | [/table1]يحيى وانت شاعر غصب عليهم والنزاهه معدومه عند ذالأشكال يحيى ارويتني شعراً صح لسانك صح لسانك تحياتي |
الغالي الشاعر يحى ال بالحارث حياك الله في شبكة منتديات رهب واسعدني مروري على متصفحك والحامل لهذه القصيده اللي تنم عن شاعر متمكن ومثل ما قال مشرفنا عقاب قصيده ولا اجمل منها ولا اروع وصح لسانك وعلا شانك يالغالي وتقبل تحياتي |
[table1="width:100%;"] | [/table1], ,, خارج / النص : ) يحيى ال بالحارث أتمنى أن تكون في تمام الصحه والعافيه / داخل / النص : ( انتهجت اسلوب مميز عن غيرك في تركيب القصيده . وهذا هو الابداع والتميز الذي الساحه الشعبيه بحاجه له . مميز يا يحيى , مودتي / حجاب ,, |
الشاعر / يحي ال بالحارث
انت شاعر جزل حياك الله أخوي بيننا وحال الساحه اعتقد لم يعد مثل ماكان تعددت منافذ الضوء وكثرت منابر الظهور وانت شاعر مبدع تستاهل الظهور تحياتي لك |
أهلا بك يحى / وأهلا بهذه الكميه اليانعة من الشعر ...!!
الشعر الحقيقي سينتصر رغم أنف الضجيج ...!! أهنأك عليك يايحى / وصباحنا بك شعر ...!! شكراً لك وشكراً عليك .. وأهلا بك كبيره ...!! |
يحيى بالحارث .. مصافحه راقية الحضور .. أمتعتنا فيها . صورّت حال الساحه الشعبيه وجسدت لنا واقع للأسف لايقبل التغيير . صح لسانك أخوي يحي وبانتظار جديدك . تحياتي وتقديري . |
الساعة الآن 07:27PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية