(((حسون سنتر)))
((حسون سنتر )) البارحه مريــت حــسون ســنــتر=قبل تغيب الشمس في حزة عصير وصدفه وانا احاسب يسار الكاونتر =على يميني شفت ســيد الغنادير حور العيون ولبس فاتن مخصر =جــمــالها مــاهو بصــبــغه وتزوير شيٍ بترتيبٍٍ وشيٍ منــثــر=وقفت انا محتار عجزت لاســيــر وحار القدم كني صويبٍ مكسر=قلت العفو مسيت يالزين بالخير يا خوخ يا رمان ياتوت سكر =ياورد يا جوري يا ضيعة التـعـبـير رد السلام وصد يمشي يتبختر =سألتها سؤال مــبهم بتشفير عابر سبيل وواجب انه يقدر=قالت: ترى العجله تجيب المخاسير خلك اديب ولاتحاول تجسر=الجـــو غيــــم وافهم العلم تحذير لاتندفع واصبر وكلش مقدر=قلت الوضع يابــنت كله تياسير لانتي عبله وانا ماني بعنتر =لكن ساقتني عليك المقادير في صدفة واللي مقَدر مقَدر =قالت اخوي جا وبكره على خـير بكره مثل هالوقت ان كان تقدر =وركبت خصوصي دون تاخذ مشاوير راحت وضاق البال والسوق سكر=والصدر بعده صـــار ضمن الحواشير وسلامتكم |
الغالي : فهد صح لسانك على هذه الجزله تصوير غايه في الروعه وبكره مر ورد لنا خبر عسى الأمر تيسير دمت كما تحب |
صح لسانك حتى ترضى
لاهنت |
فهد الفريدي
صح لسانك تحياتي |
الغالي الشاعر فهد الفريدي الله انه يسعدك ويوفقك لما فيه الخير اسعدني مروري على متصفحك ومصافحة هذه القصيده الجميله و الاروع من والرائعه وصح لسانك وعلا شانك ولاهنت تقبل تحياتي |
فهد
مسائك لقاء بمن تود نص سيناريو ..تسلسله ممتع ..ووصفه موجع ..اهتز خوخه ورمانه ..وتناثر سكره..ومخصره مرهق موقف ..اربك احساس شاعر ..اشركنا معه ..بفلاشات ضوء ..لحدث لازلنا.. ننتظر ألأجابه منه..عن بقية احداثه..هل تم ؟ فهد تحياتي ودمت بخير |
فهد الفريدي
لقد استمتعت بما خطه يراعك من تصوير وابداع سلااااام |
ذكرتني بأيام شبابي يالفريدي
قصيدة رائعة جدا وفيها تصوير مبدع لايروح بالكم بعيد أقصد كنت أشتغل كاشير يالفريدي تم نسخ وحفظ هذه القصيدة تحياتي باريسي |
فهد الفريدي
صح بوحك ولاهنت تحياتي.. |
الساعة الآن 07:18AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية