سـ ــ ــ ـاحة المحـــ ـــ ــاوره
http://www.viafy.com/uploads/a6d0462d91.gif
سلام مني سلام لغالب الوافي=اللي يجينا قراحه دايمٍ صافي نشتاق له لو يغيب ايام ويجافي =والشك مرفوع والزلات مدموحه انعشونا انعشونا ياعيال الحلال=وكل واحد يدور ياجماعه قبيله القصايد فرايد والمعاني جزال=نبي نقطف ثمرها كل يوم وليله |
والله ما انسى سفير الحرف والمعنى=ابو محمد على الطولات يجمعنى ماغاب عّنا دقيقه دايمٍ معنى =والشك مرفوع والزلات مدموحه السحايب سكايب ياسفير المقال=والقصايد تباها بكاسبين الطويله ما نوّفي حقوقك ياعضيد الرجال=الاصايل اصايل والااصيله اصيله |
اقتباس:
يامرحبا عد عشبٍ فاح من طيبة بالشاعر اللي مع اهل العرف نوحي به لو ما اعرفه زين .. يدري بي وانا ادري به الشك مرفوع والزلات مدموحة. المعاني ذهب ولحونها راس مال والقمر بان نوره مايبي لك دليلة هات زبدة معانينا وكب الجدال الذهب له خزينه والخزينة ثقيلة |
الليله ابي اهيّض خاطر الحاسب=والوقت كني اشوفه وقتٍ امناسب وابي اعشيك ياغالب ولااحاسب=والشك مرفوع والزلات مدموحه اقدح اقدح شراره لو يصير اشتعال=لاكن اعدل طريقك لايجي فيه ميله والله ادري بهمك صار كبر الجبال=يوم جتك القوافي يا الذيابي جزيله |
اقتباس:
بسلومنا البينه مانته بلازمني والسلم يلزمك يا زايد ويلزمني واظنها كان صارت وانت عازمني الشك مرفوع والزلات مدموحة كانها عودت للقدح مالك ومال خلها لي وانا اقدح زندها والفتيلة اختصاصي فتل وانقض قوي الحبال كيفي البن واكره نكهة الزنجبيلة |
انا معلم واعلم كل متعلم=والرد عندي ترى جاهز ومتولم ارفع ايدينك ياغالب بس واستسلم=والشك مرفوع والزلات مدموحه قالو انك كريم وافي ن با الخصال=وانا جيتك امسّير والظيافه طويله ليه تقطع وصال اللي يريد الوصال=وكاني ادفع ببيتك والله اكبر فشيله |
.
. . زايد المعذرة .. انقطع الاتصال عندي.. حسبي الله على الـ stc لو ان رئيسها مايستاهل.. عموماً لنا لقاء اخر. والسموحة. . . . . . |
الله يعطيك الف عافيه
بس ابي شي لو تقدر تسويه الردود من الاخوان اللي با الصفحه الاولي تقدر تشيلها لاني ما ادري ايش السبب ما اقدر ادخل الا با الصفحه الثانيه وةالثالثه ونبي الصفحه للمحاوره فقط ومن يرغب الرد يتفضل بس صارت صفحتين كلها كلام ومعذور والى اللقاء |
.
. . هلا اخوي زايد.. انا مدري وش المشكلة الصفحة الاولى ما اقدر ادخل عليها يعلق النظام عندي ( لم يحدث استجابة) الظاهر فيه مشكلة لايستطيع الاكسبلورر تجاوزها. عموما الردود لا استطيع اشيلها لانها غير مخالفة. تقديري لك اخوي. . . . . |
طيب ما تقدر اتطلع المشاركات اللي فيها بصفحه جديده
واعتقد ان سفير المعاني يستطيع ذالك نبي صفحه مخصصه للمحاوره نتونس فيها وتكون خاليه من الردود ومثل ماقلت لك اكيد توقيع احد الاخوه فيه مشكله والف شكر ولي عوده باذن الله |
الساعة الآن 07:25AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية