الشوق كـافر و الوله وجـــهـ لإبليس=وإن جيت أبنسى خلي الشوق كـــافر
ألبـس بيـاض البعد عـن كــل تـدنيس=وألقى سواد العشـق لأقـــفيت غــافر
حتى دمـوعي مـن فـراقك محــابيس=مابيـن رمش الـعين والـرمش ســافِر
أخـاف دمـعي يـســـتـثير القوامــيس=ويــصـير لخــيـول القــصايد حـوافـر
وأستلهم أبياتي وبعـض الأحـاسيـس=مــن كــل وجـــه أقـابـله لــو أسـافـر
وأخاف فـي لحظة غـدر أرجع أقـيس =كم هي المـسافة بيــن حافـر وحــافر
لكــنها ضــلوعي لــقلبك جــواسيس=وحـضي وأعرفه من عنا الوقت وافر
ماشـفتني حفنة عــظام وقـراطــيس؟=وجـهــود أحـزانـي عـلـيها تــظـافـر؟
كن الهمـوم لضــيقتي خــل وأنيــس=أسـمع صـداها فـي عــروقي تصـافر
حتى أنت ياحلمي بوسط الـكراريـس=أقــفـيت عنــي ليـن طــالـت أظـــافــر
ورجعت لي من عقب غـيبه بتكديس=مليون جـرح وحفرة فـــراق حــافــر
وليل وعـنا و آهات جوف وهواجيس=وقــلوب لــو حـــتى نتـجــاذب تـنافـر
مـهـما تقــول أبـيـش وأبـيك وأبـيس=وتبذل كثير حـروف شـوق و تِـــعافِر
نـسيت مــاتبــعد بدقـــه و تـســييس=ورجعت مـن رحـلة ضياعك مســافـر
تـرى الـغـلا صرح وقـواعد وتأسيس =وللـــود وجـــه إحــذر تــخـليه صافر
الشوق كافـــر والولـه وجـه لإبلــيس=وأموت ماأرجع لك لو الشـــوق كافر

المشاركة الأصلية كتبت بواسطة سفير المعاني (المشاركة 394697) الغاليه الشاعرة عوسج عيد مبارك وكل عام وانتي بالف الف خير والله انه يسعدك ويوفقك بجميع اوقاتك بكل خير ولقد اسعدني ان اكون اول المصافحين لهذه القصيده الجزلة بكل ما تعنيه الكلمة من معنى هنا شعر قوي بمعانيه ومضمونه ورائع حقا من شاعرة متمكنة بما تقدمه من شعر ناضج وصح لسانك وعلا شانك مليون ولايكفون وتقبلي تحياتي

المشاركة الأصلية كتبت بواسطة سر دار (المشاركة 394720) الله الله لله درك ارباك وشوق وعتب ونِهايات اعتاب الجزء الثاني في اواخر المرحله دانة شعر اضائت بيت القصيد و الأرجاء ارتوينا جزاله ولازال العطش كُن بخير ياشعر

المشاركة الأصلية كتبت بواسطة الفيلق (المشاركة 394721) .. صح لسانك عوسج مبدعه ..