انا تحدّاك لو تقدر وتنساني=لاني تحدّيت نفسي وانهزمت انساك
ما دام من يعشقك يازين صنعاني=صنعا وما فوقها يا هاجري تفداك
ابعد وحاول وربي حيل تلقاني=بانفاس صدرك ولو كل القسا خباك
شقيتني بين نصفينك عنى عاني=قصدك بترحل وتتركني على ذكراك
ليش الخجل دام في كفــّـيك اكفاني=ودام جرحي جنازه صوتها لبــّـاك
ليش الخجل دام رمشك شق شرياني=وجفن عيني ورمشه بينهم غطاك
ليش كل احلم احسك سيد احزاني=ليش كل شوقي ظنونك تاخذه منفاك
ليش بس اسمك يزلّزل كل اركاني=وكل نظره بعيني قايله ما احلاك
وحدك وربي جنونه بس خلاني=اهذي وبين الشوارع هلوسه اقراك
يا كم اضمك واحسك تخنق احضاني=لو كان في العمر من يعطي قسم اعطاك
استوحش الوقت من غيرك ويغشاني=صمت الطفوله ودوّر لين ما ألقاك
تبعد وانا انثر على ممشاك اشجاني=تعشق عذابي وبحر الآه .. ما كفــّـاك
من بيننا يا حبيبي للأسف جاني=اخطيتني او جنوني بالغلط اخطاك
من بيننا خنجره مغروس في الثاني=شوف خنجرك بين صدري حطته يــُـمناك
هذي الدما شاهده قدام العياني =انك بقاتل واني صرت من قتــّــلاك