شبكة رهب الأدبية-ريما محمد السديري - مجارات الشاعرضيدان بن قضعان لقصيدة الشاعرمدغم ابوشيبه

الــــســلااام علــيــكم ورحـــمه الله وبــركاااتــه

" هذه القصيدة مجاراه من الشاعر الكبير (( ضيدان بن قضعان )) لقصيدة ريالين إتصال لشاعر ((مدغم ابو شيبه )).."

اولاا قصيده ريالين تصاال لشاعر { مدغم ابو شيبه }

1 للـحـزن سـاحـاتٍ بـصـدري مـثـل سـاحـات الـقـتـال
فـيـهــا الاصــيــل مــــن الـمـهــار تــعــوّد بـخـيـالـهـا

2 ولا يطـفـي حـــر مـابــي مـــن حـرايــق وأشـتـعـال
الا الـدمــوع الـلــي مـــن عـيـونــي يــهــل هـلالـهــا

3 لازال فــيــهـــا دمـعــتــيــنٍ لــلــفـــراق ولاتـــــــزال
ذكـــرى هـنــوفٍ كـــل يــــوم أحـطّـهــا وأشـتـالـهـا

4 راحــت عـسـى الله مايلحقـنـي مـشـاريـه الـرجــال
تــقــول كــنّــي مـاخـلـقـت مــــن الــتــراب الاّلــهــا

5 عـــزّ الله أنّـــي مانـسـيـت أفعـالـهـا بـنــت الــحــلال
لـــعـــل ربــــــي مـايـجـازيـهــا بـــســـو أفـعــالــهــا

6 أكـبـر جريـمـه ترتكبـهـا فالـهـوى مــن وســـع بـــال
هــــذي ضـحـايـاهـا بـقـلـبــي شــيـــدوا تـمـثـالـهـا

7 وشلـون تهجرنـي وأنـا مالـي علـى الهـجـر أحتـمـال
وشـلـون تهملـنـي وأنـــا مـانـيـب أطـيــق أهمـالـهـا

8 وشـلـون تقطعـنـي بسـيـف البـعـد قـطّـاع الـوصـال
وأنــا لــو أقـطـع عــرق قلـبـي ماقـطـعـت اوصـالـهـا

9 وشـــلـــون ماتشتاق,,ماترحـم,,مـاتـذكـر,,مـاتـسـال
وشــلــون مـاتـطـلـق يــديـــنٍ كـبــلــت بـأغـلالـهــا

10 وشـلــون مـايـطــري عـلـيـهـا لاتـفـيــت فـالـظــلال
مـتـشـبــثٍ لاوقــفـــت جـنــبــه قــعـــد بـظـلالــهــا

11 مكسـور خاطـر والسـوال أعـووووذ مـن ذل الـسـوال
يـامــا أنـتـظـر مـــن بـــرج هاتـفـهـا يـبــث أرسـالـهـا

12 لـكــنّ مـــال الآدمـــي حـيـلـه لامـــن الـحــظ مـــال
الميـلـه الـلـي فــال ربـــي خـيــر لـــه مـــن فـالـهـا

13 هــي افقدتـنـي مــن هـنـا .. وأنــا فـقـدت الاتـصــال
مـــــن يـــــوم راحـــــت لارسـايـلـهــا ولا جـوالــهــا

14 يـاقــســوة الايـــــام والــحـــظ الـــــردي والاتــكـــال
عـلــى مـقـولـة ( للـمـواقـف والــلــزوم ارجـالـهــا )

15 يالله دخيـلـك مـــن تـردّايــة نـصـيـب وشـيــن فـــال
مــن حـيـرة آمــري لـيـت عـنــدي حـيـلـةٍ وأحتـالـهـا

16 أن أرخصـت قـدري وطاحـت قيمـتـي والهـجـر طــال
قـولـولـهــا تـــتـــرك مـكـابــرهــا وتـــاخـــذ بــالــهــا

17 أنا من اللي فوق .. فوق و فوق .. فوق و عال .. عال
تــركــد ويــركــد عـمّـهــا مـعـهــا ويــركــد خـالــهــا

18 لاوصــلـــت لـلــحــد هـــــذا لانــقـــاش ولاجـــــدال
تـبــعــد وتـنــكــف الامــــــور دقــاقــهــا وجــلالــهــا

19 لـو المفـارق صـعـب والنسـيـان ضــرب مــن الخـيـال
ارخــــاي راســـــي لايـــــروق الــهـــا ولايـحـلالـهــا

20 احـفـظ لـهـا قيـمـة غـلاهـا وأنتظـرهـا مــن شـمـال
وإذا نـسـتـنــي هـــــذي الـدنــيــا وهـــــذا حــالــهــا

21 أمّا أنـي أنساهـا .. نسـى الله مـن نسـى ذاك القبـال
يـاااااصــبّ روحـــي صـــب دلـتّـهـا عـلــى فنـجـالـهـا

22 قولـولـهـا لاستـخـسـرت فـيـنــي ريـالـيــن أتــصــال
تـهـدي عـلـى ( جمعـيـة الـصــم الـبـكـم ) جـوالـهـا

******************

وهذي قصيده{ ضيدان بن قضعان} مجاراة للقصيده ...

1 عزّ الله أنّي مبطيٍ ما أوحيت مـن غـرّ الجـزال
قصيـدةٍ تبـري خـوى راســي واقــوم ابرالـهـا

2 إلين لدت شبح عيني غصب وأغرانـي جمـال
اللوحه اللي تسجـد الريشـه علـى صلصالهـا

3 رسامهـا ماكـان (سلفـادور) أو كـان إحتمـال
دوبي لمحت البارحـه برقـه .. وعينـي يالهـا..

4 من عين لايمكن تلد الشبح فـي لعـب العيـال
تشـبـح كثـيـر أسـمــاء وتـقـراهـا ولاتقـرالـهـا

5 واليوم لو ماحب (ابوشيبه) ولاابغي له مجال
غصـبٍ علـي أثنـي عليـه إليـا حصـل مجالهـا

6 أنشهد أنّه صاغ له من هاي هاي وعـال عـال
قصـيـدةٍ تـسـوى دواويــن (الربَـيَـع) الحـالـهـا

7 قصيدةٍ دشـت مزاجـي غصـب مافيهـا جـدال
تقـول أنـا مـن رتـب اللولـو عـلـى سلسالـهـا

8 وأنا القصيده لااعجبتني مـا التفـت لقيـل قـال
والرابـح اللـي يجـزي الحسنـه بعشـر أمثالـهـا

9 حـقٍ علـي أعيدهـا وآقـف لهـا قــدر وجــلال
وأقـول : صـح الله لسـان الشاعـر اللـي قالهـا

وٍسلآمتكم