(( ياهاجسي حظّر وحسوتك المعاني والطروق 00 00 عان السحابة خيّلت يجذبك لمع بروقها )) ...
الأخوة والأخوات أعضاء هذا الصرح الشامخ
كل عام وأنتم بخير جميعاً عودة لكم بهذه المتواضعة إقبلوها وغضو الطرف عن ما يشوبها من نقص .... ياهاجسي حضّر وحسوتك المعاني والطروق=عان السحابة خيّلت يجذبك لمع بروقها في عبلةٍ فيها الخزامى والنفل شوفه يشوق=والمزنه الغرّا على العبلة تهل حقوقها يا ماحلا في مدلهم الليل لمعات البروق=في خايعٍ ما داج به غير البدو مع نوقها ويا ماحلا سج القدم بين الفيافي والعروق=وياماحلا طلّة جبين الشمس وقت شروقها وأنا ادري ان صيد النوادر عن جنابك ما يعوق=دايم حرار الصيد يالهاجس تفك سبوقها خابرك لامنك بيدت البدع بالنيّه صدوق=تسوقك الشيمة لقول الحق وانت تسوقها وأعرفك لامنك بديت ولا لقيت اللي يلوق=تشوم عن جلب الهزال ولا تجي في سوقها وأنا لك الله واثقٍ بك وانت لك حق الوثوق=لكن خذ علوم الوفاء واحرص على موثوقها وخلّك على قول العلوم الغانمة دايم سبوق=ترى الرجال اليوم تعرف من حسن منطوقها بعض العلوم اللي تنومس ترفع الرجّال فوق=وبعض العلوم البايهة سقم الرجال وعوقها وخلّك على خبري بحرفك ياعميل الخير ذوق=واحرص وراع اذواق خلق الله وراع فروقها وادري تغثّك هالخبول اللي يلوون الشدوق=ناسٍ غثاها طال لكن من يسد حلوقها من كثرهم صاب القصايد واكثر الساحة فتوق=خريمةً فتقت على الله من يخيط فتوقها أما انا وانته على عهد الجزالة مانبوق=نقطف ثمر عذب المعاني من جزال عذوقها ناخذ حقوق ونعطي أهل العرف والشيمة حقوق=ولا نلد العين في ناسٍ تلوّي شدوقها وان قلت لي ما انته برايق ؟ من ورى خشمك تروق=كله لعين الجادل اللي تنتظر معشوقها المهرة اللي تسكن بقلبي وفي كل ( ا ) معلوق=وانا ادري ان حبي سرى في دمها وعروقها أنا اشهد أني لشوفها دايم وخفّاقي شفوق=اللي جمميع اوصاف ترفات البني تفوقها في كل ليل يلوفني شوقي لشوفتها واتوق=لشوف غرّتها ليا قامت تلااعب طوقها اللي غلاها في الحشى ما عالمٍ عنه مخلوق=حقٍ لها عندي ولو تاكل حشاي حروقها ما ارضى اعرّضها لسان اللي على الشينة لحوق=اللي يلم علوم خلق الله ويردم فوقها ألي عليها ما يجي في حبها العذري عقوق=والها علي اسرارها ما ينفتح صندوقها والله ما أرجي من وراها لا صبوح ولا غبوق=أمشي على وضح النقا واعطي الرجال حقوقها ماني لغرّات العرب واعراض خلق الله سروق=ما أخبث من اللي ينتمي لأهل الوفاء ويبوقها وياهاجسي صدّر وحسوتك المعاني والطروق=عان السحابة خيّلت يذبحك لمع بروقها وسلامتكم جميعاً |
الغالي
الشاعر عبدالعزيز السليس كل عام وانت بخير واسعدك الله بالخير اسعدني ان اكون اول المصافحين لهذه القصيده المليئه بالحكم والمعاني والتصوير قصيده كامله وشامله واجمل من جميله وصح لسانك وعلا شانك ولاهنت وتقبل تحياتي |
ابوسامي
ناس غثاها طال لكن من يسد حلوقها انا شهد يابوسامي من يسد حلوقها كعادتك يابوسامي لك من الابداع نصيب تحياتي |
هلا ومسهلا أخوي
سفير المعاني وانت بخير وصحة وسلامة اسعدني تواجدك الأول وصح بدنك ورفع الله قدرك اخوي ودمت ودام تواصلك الراقي تحاياي وكل تقديري |
الله الله الله
يابوسامي جزل وصح ألسانك على هذه الفاخره فعلاً مبدع كعادتك لاعدمناك |
القدير / عبدالعزيز السليس ..
سلم بنانك وسلم بوحك.. تمنياتي لك بالسعادة.. تحيتي |
عبد العزيز السليس
ونعم والله معلقه تستحق ان تقال وتنقل بيت بقصيده وقصيده بالف روعه روعه ما نبض به قلبك هنا لا فض فوك ولا عثر اخوك صح لسانك على هذه الجزله دمت بخير في حفظ الله |
هلا ومسهلا ياعقاب
وابرك الساعات حضورك ومرورك الكريم على هذه المتواضعة دمت ودام تواصلك الراقي تحاياي وكل تقديري |
هلا ومسهلا أخوي متعب
ومرحبا بك وبحضورك ومرورك الكريم على هذه المتواضعة شهادة تشرفني وانا اخوك وصح بدنك ولاتهون جعلك تحيا دمت ودام تواصلك الراقي تحاياي وكل تقديري |
يعطيك العافيه اخوي عبد العزيز وبارك الله فيك
اختيار موفق وابداع ليس بغريب عنك صح لسانك ولا هنت |
الساعة الآن 02:30PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية