(( نوى الهاجس ))
السلام عليكم ورحمة الله وبركاته وأسعد الله جميع اوقاتكم بكل خير متواضعة تستجدي حنو ذوقكم ... يومه نوى الهاجس وجاله في قفص صدري زحام=أفز له فزّة وفا واقصر عنه كلافته وآقف معه وقفة صناديد المواقف والكرام=لأنه إذا هاز القصيد أعرف مدى حرافته ياما نخيته ثم فزع لي في المهمات الجسام=يومن قلبي من عنى الدنيا همومه لافته واليوم يومنه نخاني ماتحلويت المنام=يجني حصيله مثل جني التمر من خرافته يعرف مواجيب اللحى واعرف موازين الكلام=واصرف جنيهات الذهب على نظر صرّافته وأخاف من شرهة رفيقٍ من رياجيلٍ حشام=لو كان نفسي غير ربي في البشر ماخافته ياسعود انا طالبك خفف هالتشره والملام=خلاص عفت الوقت ذا كله ونفسي عافته لي عدّة أيامٍ وانا مازارني حلو المنام=عيني جفت حلو الكرى من هول شيٍ شافته وقتٍ يشيب به الرضيع اللي على حد الفطام=وشلون من شاف العجب في روحته وانكافته فيه الولد لا عاد يملك لا حيا ولا احترام=ولا يقلّد بالخليفه في زمان خلافته من ربشته قام يتهبّد كن في خشمه عرام=بذ الرجال اللي عليها علم من لقافته والرجل فيه من الوله والشوق طاويه الهيام=يرثع ورى عشق الصبايا والمراجل طافته ما يدري انه راح عمره عند لباس الزمام=لوهو تحسّف ما يرجع ما مضى حسافته حتى المبادي في زمان الضعف والذلّه تسام=والعرف ضاع العرف من يوم اختفوا عرّافته ونفوس خلق الله غدت من سوء ماتفعل عدام=والقلب وين القلب الأبيض وينها نظافته ؟ ياسعود .. انا طالبك خفف هالتشره والملام=خلاص عفت الوقت ذا كله ونفسي عافته وسلامتكم جميعا |
عبدالعزيز
صباح الهيل والزعفران كنت هنا ..تقهويت ..من دلال شعرك ..وقدعت ..من رطب سكري المعاني ...وتطيبت ..من فوح عود فكر نص مفرداته ..تراكيبها هندسيه ..وابياته سبائك ذهن ...زفراته موجعه ..لواقع مؤلم .. نص روحه شموخ ..لقمم النوايف ,.للمرجله فيه نبراس. عبدالعزيز تحياتي ..ودمت بخير |
ابوياسر
صح بوحك ولاغرابه كالعاده مبدع تحياتي |
الغالي
الشاعر عبدالعزيز السليس الله انه يسعدك ويوفقك لما فيه الخير اسعدني مروري لمتصفحك ومصافحة قصيدتك وما تحمله بطياتها من معاني انت شاعر ومبدع متمكن ولك باع طويل صح لسانك وعلا شانك مليون ولا يكفون تقبل تحياتي |
الأخ العزيز
أنا هلا ومسهلا بك وبحضورك ومرورك على هذه المتواضعة وصح بدنك ولاتهون وانا اخوك دمت ودام تواصلك الراقي لاعدمتك تحاياي وكل تقديري |
شاعرنا القدير : عبدالعزيز صح لسانك يالوافي على هذه الفارهه تقبل مروري وسجل إعجابي |
هلا ومسهلا اخوي عقاب
ومرحبا بك وبحضورك ومرورك الكريم من هنا وصح بدنك ولااتهون جعلك تحيا دمت ودام تواصلك الراقي تحاياي وكل تقديري |
السليس
الله عليك شاعر مبدع صح لسانك |
هلا ومسهلا أخوي سفير المعاني
ومرحبا بك وبمرورك الكريم على هذه المتواضعة صح بدنك ولاتهون اخوي وانا هو السعيد بهذا الحضور الوارف وشهادة تضيف لي الكثير اخوي سفير دمت ودام تواصلك الراقي تحاياي وكل تقديري |
عبدالعزيز
قصيده كلها معاني استمتعت بما عبرت عنه صح لسانك |
الساعة الآن 11:20PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية