تموت الجروح وجرح الغدر مـا مـات
وتبقى المعاذير وسـط جرحـي دفينـة
مضمونها صدى الايام صرخة تنهـات
عنوانها الحـزن وسـط عين(ن)حزينـة
مرسولها ريح عطر وبحرهـا عبـرات
ولياليها مواجع ترفع رصيـد الخزينـة
رصيدها ..جرح..ندم..توجد.. متاهـات
مـن بنـك قلبـي شيكهـا تصرفيـنـة
جوابها ..حرمان ..شوق ..عذر..شرهات
توقيعها بحار ارخـاء شـراع السفينـة
تحيى ..تموت ..اموت ..تبقـى شتـات
مخلوق من طينة ومدفون وسـط طينـة
ارضها نجم ونجمهـا وسـط المجـرات
نجـم ومليـون نجمـة حولـي رهينـة
تموت الجروح وجرح الغدر مـا مـات
وتبقـى المعاذيـر وسـط قلبـي دفينـة

وجع حب.. وجع خوف.. وجع شوق.. وجع ضيقة
على كيفك وهاك اختار.. هذي سلة اوجاعي
غلا واسمع نزيف الجرح.. كلام الصمت ماطيقة
انا محتاج اسولف لك عن اول وآخر اوضاعي
ابد ما يجرحك صوتي.. حياة الطير تحليقة
عليك الله تصير الكون والمسباق والداعي
انا اصدق طير في الدنيا عشق حتى مسابيقة
ولكني بقيت اذكر معك ايام مرباعي
تعال افتح كفوفك حلم.. اموت بيوم تحقيقة
تعال ارسم بحور العشق واكسر لو تبي شراعي
ابي غيمٍ سرق ربعي وذللهم بتشويقة
اكون اول بشر مجنون تزوره بالعطش قاعي
وحتى لو وهم.. تكفى.. ابتوهم بتصديقة
ابي ذاتي.. ابي مولد يوازي صرخة الناعي
احس بداخلي عالم.. حرام اقتل مخاليقة
حرام اسكت وانا صوتي نثرته وجه لاتباعي
يا أول قلب يبكيني وتبكيني مواثيقة
انا طباعي مهي زينة.. ولكن هذي اطباعي
تغربني قوافي الموت واقود العمر تشريقة
اعيش بشبه غيبوبة واعرف ان الزمن واعي
اكمل لك.. وجع خوف.. وجع شوق.. وجع ضيقة
على كيفك ترتبني.. حلالك كل اوجاعي

لا جيت ابنسى واتراجـع واسامحـك
صاحن جروحي واشتكن لي طعونـك


كلك خيانه قول .. وشلـون ابمنحـك
وش موقفك من شخص دايم يخونك !!


اكبر خطا.. لو جيت يمـك اصالحـك
اول تحـوّل .. لاتـغـرّك إلحـونـك


اللي تقوله صح .. لو كنـت جارحـك
(مير) انت غارق للاسف في ظنونـك


وصفك نسيته بس .. باقي ملامحـك
بنهيـك وانهـي بالنهايـه جنـونـك


ماتستحـق امـد (كفـي) واصافحـك
مثلك غلط عمري وابحيـا .. بدونـك


لعبـت دورك شاهـداتٍ مسـارحـك
خدعتنـي واظهـرت خافـي فنونـك


كنت اعتقد .. قلبي هو ابرز مطامحك
اللي يبيـع النـاس لجلـه يصونـك


تعبت اسوق الشوق يمك واصارحـك
اخلصت لك بالحب .. شوفت عيونـك


لكن خسارة صرت غايـة مصالحـك
ياليتنـي ماجيـت .. لحظـه بكونـك


بالامس كنت بنشوة الحب .. امازحك
اخيـل برقـك واتحـرى امـزونـك


واليوم من صفحة حياتي .. ابمسحـك
هديت صرحـك ثـم طاحـت ركونـك


ولابي عيوني لـو تصـورت تلمحـك
اعلنت موتك .. وانسجن لي كفونـك


وان جيت تطلب .. ترتجيني اسامحك
بهديك طعنه .. مـن بقايـا
طعونك