(( الـمــهـــلـــــّـــي مــــا يـــــو لـــــــّــــي ))
مساكم الله بالخير جميعا ومن بعد غيبه حبيت اول شي إني أسلم عليكم ومن ثم أطلب منكم العذر والسموحه
لعدم إنضباطي بالحضور من والله فوضويتي وفوضى الذات لذا حبيت أسلم عليكم بنص جديد عسى ان ينال إعجابكم ويفوز بقبول ذائقتكم ,,,,
المهلـي مايولّـي يـا مْحـلّـي=جدّه..ومِضوي ظلامـات الليالـي نلـوي ذراع المسافـات ونخلـي=المساء اللي به عنينالـك يلالـي مالنا في جـده ضعـون ٍ تفلّـي=ولا ورثت البحر الأحمر من خوالي جيت أوسّع خاطري وأشـم فلـي=وأعلن بغرب السواحـل كرنفالـي الخنـا ماهـو بلـي ولا لخلـي=لأجل هذا جيتـك مميـل عقالـي يوم قالت ليتهم شمـر هـلٍ لـي=ماتمنـت مـن فضـا ياهملالـي النقـا والجبّخـان المستجـلـي=والسخا والطيب والصدرٍ الشمالي كل واحد لا بغـى يجـي يصلـي=يدعي إن شمر هل ٍ له يا حلالـي أربع أيام ٍ مـن أربعينـي اللـي=حارق ٍ زهر ربيعـه حـر لالـي ماتولعنا بـك إسفـاف وتسلـي=ولابنا خِفّـه ولا الميـدان خالـي من سنين مقفِّل القلـب المولـي=ما سكنبه من سنين العمر والـي أربعيـن مـن التنكّـر والتخلـي=والشفايه وأزرق الدمـع الزلالـي مثل ماقال السديري قلت من لـي=أرتجي لاخـاب ضنـي بالموالـي إنت غالي يا الخشيف المستظلـي=بس تكفا لا إتغـلا وإنـت غالـي لاوقـع (سلامه)الحاقـد يـدلـي=الرماح بصدر أبو زيـد الهلالـي ياعذيـات المراهيـش إسفهلـي=وإرحمي عزيـز قـوم ٍ ذل تالـي هملالي ذا وأنا اللي جيـت كلـي=يا عسى ما للرموش العِكش والي يابعد حيي وميتـي لـي محلـيّ=بين ربعي مثـل شيّـال الثقالـي البقـا بـك والمهلـي مايـولـي=كفو يامن رحب وله شان عالـي صدري العرش وتربع منهو اللـي=غيركم متربـع ٍ بـه يـا حلالـي |
البستان
مرحبابك والحمدلله على سلامتك وصح لسانك منور منتداك تحياتي . |
الله يبقيك أخوي : عقاب
والله إن البعدعنكم مرير ويشهد الله إن هالمنتدى وأهله الطيبين دااااايم على البااااال وإن القصور مني لكن داري إنكم سمحين الخواطر و تعذروني لاهنت |
الغالي
الشاعر غازي البستان اهلا وسهلا بك ومن حضر ما غاب وانت تعلم بقيمتك عندي خاصة وعند الجميع ومن طول الغيبات جاب الغنايم وما هذه الشامخه واللتي سوف نسهر كما استشهدت بتوقيعك لذلك ويكفي اننا سوف ننهل من بحر متلاطم الامواج بحق بدون ملل انت شاعر مميز ولك باع طويل وتجارب شعريه وما اقول الا صح لسانك مدد بلا عدد وحياك ربي تقبل تحياتي |
ستاذي الغالي وأخي المتألق دائما ً بفكره و سجاياه و بيانه : سفير معانينا
سلمت و طاب فالك وطول الله بعمرك يا إبعدي والله إنك إنت والأخوان و الخوات المتواجدين بتميز هنا كالدر المكنون عندما يطل في بهائه بنص أدبي أو تحريري من جوف هذه الديماسة الأدبية .. ويعلم الله يعلم الله إن لمنتدى( رهب ) الفضل الكبير و الجميل الوافر فية ترك لي فضاءآت شاسعه ومن دون قيود للتحليق في النص مع السِّرب و خارجه مثلي مثل أي قلم أتى هنا و كلل بالود والترحيب و التقدير والإحترام عموما ً لولم نكن على ثقة برحابة صدوركم لما أتينا هنا من بعد غياب لنشر نص نريد رأي القراء فيه وحنا مقصير معهم في قراءة إطروحاتهم فلله دركم يا ...( الرهـــبـــيـــّـيــــــــن يــا رهـــيـــبــــيـــــــــــــــن ) |
اقتباس:
والله ونعم وصح لسانك مع اجمل تحية وتقدير |
اخي الشاعر غازي
عودهـ ميمونه وهلا وغلا بك ومليار صح لسانك على ها الابيات الرائعه بعد طول غياب لا تحرمنا منك ومن روائعك افتقدناك ما نفقدكم بشر يا رب مليون هلا بك ودام نبضك شاعرنا العزيز وفي انتظار لطلات غياب اشتقنا لهم معنا تحياتي لك رهب |
القدير غازي البستان
والله ما ادري وش اقول يا بعدي انت رائع بكل ما تكتب صح لسانك وقلبك وعز الله انك فقيده تقديري |
رااااااااااااااااااااااااااااااائعه
لي عوده |
صح لسانك ومرحبابك
ومن طوول الغيبات جاب الابداع.. |
الساعة الآن 10:17PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية