المزاج
اي نعم كنت ناجع في مداراً بعيد = اي نعم جيت راجع للهوى والغرام مقبلاً لك وشوقي كل لحظه يزيد = مالت الروح يمك والخطاوي همام تحت هتان غيمه كان موقف فريد = يرجف القلب لهفه للقا بالزحام في لقا ارواحنا المشهود ذاب الجليد = كان فيه اتفاق وفيه نقطة نظام فرصةً كان فيها عمر حظي مديد = ابتدت في سلام وودّعت في سلام كنت صعب المراس وكان راسي عنيد = جيت طفلاً يبي له منك زود اهتمام كان عقلي رزين وكان رأيي سديد = صرت اشاهد بدربي نور صبح وظلام كان صبري رصيد وباح كل الرصيد = لا عرفت الطريق ولا رغبت المقام هز قلبي هواك وهز خضر الجريد = فوق تمثال حبك حام رف الحمام حايراً فيك مدري من هو المستفيد = لا حلالك حلال ولا حرامك حرام ترزم النوق عطشا بعد جهداً جهيد = السراب يتوارى والظوامي حيام يوم فرقاك هم ويوم لقياك عيد = غير عيد الضحيه غير عيد الصيام ايتجدد غرامك كل صبحً جديد = انت حبك وجود وغير حبك عدام غير سود المقانع لك مكاناً وحيد = بين عوج الضلوع بمجلس الاحترام كان تبي الصراحه والكلام الاكيد = في كلامك غموض وفي عيونك كلام اعرف اسرار قلبك لو تظاهر سعيد = رغبة النفس دايم ما تحقق تمام فيك جرحاً عميق وفيك هماً شديد = لا تركت الطموح ولا بلغت المرام ما يطيب المزاج ولا يزين القصيد = كان ماهو لعينك يا رشيق القوام اطلبك عطف قلبك كان ماهو حديد = شربة الما ترد الروح بعد الهيام جيت ولهان ظامي 0 جف دم الوريد = حطني بين صدرك والثغر واللثام |
عبدالله
صح لسانك مبدع كالعاده تحياتي |
كان تبي الصراحه والكـلام الاكيـد في كلامك غموض وفي عيونك كلام صح لسانك |
حـايـراً فـيـك مــدري مــن هــو المستفـيـد///لا حــلالـــك حـــــلال ولا حــرامـــك حــــــرام
صح لسانك ملايين كلمات في قمة الروعه |
الله الله رائعه كروعتك اخي عبدالله المفضلي صح السانك مدد بلا عدد
تقبل مروري واعجابي |
الغالي الشاعر عبدالله المفضلي الشمري الله انه يسعدك ويوفقك بجميع اوقاتك اسعدني ان اكون ضمن المصافحين لهذا النزف الشعري المبهر بقوته وروعته وصح لسانك وعلا شانك مليون ولا يكفون تقبل تحياتي |
الشاعر
عبدالله المفضلي الشمري صح لسانك أيها الكريم وعلا شانك وتقبل مروري واعجابي بنصك تحياتي وتقديري لك |
عبدالله الفضلي
الله الله عليك مبدع صح لسانك |
عبدالله المفضلي
صح بوحك ولاهنت تحياتي.. |
الله الله
صح لسانك وسلمت وسلم بوحك لاهنت تقبل مروري المتواضع تحيتي |
الساعة الآن 01:36AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية