((( قطعة جمر ..!! )))
ضفت ظفاير جيدها مثل وهج قطعة جمر=وفـ /انكسار الكبرياء طاحت وهي ملتمه الشفق لملم شعاعه واكتست ثوب ٍ حمر=وارتمت لحظة حضنها واختفت بـ/اطراف كمه واسدل ستاره نديمي ينتظر طيفك يمر=انتظرتك..وانتظرت .! وراح ليل ٍ كنت همه وانكسر ليل النديم وغابت نجوم وقمر=وضاعت افكار وملامح والوله تاه بـ/معمه مثل ماضعت بدروبك في متاهات العمر=وتاهت الاقدام خلفك في سنين ٍ مدلهمه واجدبت ارض العطايا !! لاربيع ولاثمر =والورود اللي شذاها يستثير اللي يشمه مالت بجو الخريف ولفها برد وظمر=ياوجودي وجد طفل ٍ مالقى منهو يضمه مانفطم توه رضيع ٍ واليتم ادهى وامر=تاه مابين الاقارب وانقرد في بيت عمه يمسي بجوءٍ كئيب ودمع عينه منهمر=وافتقد روح الحنان وكثرة الاهمال سمه بين كان وبين ليت وصورة اشباح ٍ تمر=في عيونه دمعتين وفي خياله صورة امه الهوى روح ومشاعر ! وان عطيته يستمر=وان جحدته ماعطيته صارت دروبه مذمه رحمتك يا منزل الفرقان وآيات الزمر= حافظ ٍ عبدك من امواج البحر زمه ويمه وسلامتكم ,,,, فهد جنب الفريدي |
فهد الفريدي صح لسانك وإحساسك من جمرها قطعة جمر تناثر شرارها حروفا رائعة لتوسمها وسام إبداع تقبل مروري ودمت ليلي وايت |
اقتباس:
الاخوه والاخوات الاعزاء / انا سويت اقتباس للنص ..والسبب تعديل صدر البيت الاول كان فيه خطأ املائي .. ولا يوجد خاصية التعديل لدي ,, عشان كذا سويت اقتباس ... شكرآ للجميع |
الـهـوى روح ومـشـاعـر ! وان عطـيـتـه يسـتـمـر*** وان جحـدتـه ماعطـيـتـه صـــارت دروبـــه مـذمــه صح لسانك يا الشاعر نص رائع تقبل مروري واحترامي |
الغالي
الشاعر فهد الفريدي الله انه يسعدك ويوفقك بجميع اوقاتك اسعدني مروري على متصفحك ومصافحة هذه القصيده الاجمل من جميله وذات العذوبه وصح لسانك وعلا شانك ولاهنت وتقبل تحياتي |
صح الله لسانك وابات في غايه الروعه والجمال
|
فهد الفريدي مساء الشعر نص قطعة جمر ..حروفه .. كسرات عود كمبودي ..فاحت بعذب الكلام ..صوره فلسفة فكر ..وحرفنة شاعر. فهد استمتعت بهذا النص... تحياتي ودمت بخير |
الفهد
ما اروع قصيدتك قصيده معبره مؤثره جدا شكرا لك |
اقتباس:
الشاعر فهد الفريدي قصيدة رائعة من أول بيت الى آخر شطر دمت بخير وتم تعديل شطر البيت المطلوب |
اقتباس:
لله يعطيك العافيه على روعة حضورك حضور رائع دمت بخير |
الساعة الآن 09:01PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية