(((أغتيال حلم)))
لاتسأليني عن رجا داخلي مات = وشلون مات السر بالقلب مدفون تعبت اشتت بالظلام المسافات = وخطاي عجزت تلحق اللي يسيرون آمنت واجد بالقصص والروايات = ولادريت ابطالها من يكونون واللي وعدتني بالمطر مابعد جات = خلت همومي من عنا بعدها مزون ودي ولو هو في (لقاء النهايات) = احكيلها عن ظلم الايام وشلون ليل أنتظاري للمواعيد آهات = أحس به ماهوب قول(ن) يقولون الظاهر أن الوعد صدقه خرافات = وجنون لو صدقت في وعد مجنون والثعلب اللي فات ياصاحبي فات = اجتاح حلم أطفال باسمه يدورون اطفال كنّا ننبهر بالحكايات = ونصدق ان الذيب والشاة يحكون واليوم شبنا والامل عندنا مات = خله يموت السر بالقلب مدفون |
يعطيك العافيه محمد وصح لسانك ولا هنت يا ذوق
قصيدة رائعه تحياتي لك |
الله الله الله الغالي محمد العياده يعطيك العافيه وصح لسانك ولا هنت يا ذوق قصيدة رائعه تحياتي لك |
آمنت واجد بالقصص والروايات ولادريت ابطالها من يكونون محمد العياده صح لساااااااااانك ولاهنــت تقبل مروري وتحياتي لك |
محمد العيادة اهلا بك في هذا الصرح
وثانيا اهلا بك بالشعر واهلا بالشعر بك جميل جدا ما كتبت صح لسانك |
محمد العياده وحظور مميز .. تعبت اشتـت بالظـلام المسافـات = وخطاي عجزت تلحق اللي يسيرون آمنت واجد بالقصص والروايـات = ولادريت ابطالهـا مـن يكونـون واللي وعدتني بالمطر مابعد جـات= خلت همومي من عنا بعدها مزون صح لسانك واحساسك على ها الابيات الرائعه ويا هلاا بك في مكانك وبين اخوانك منور منتداك اخي الكريم .. وافر التحايا .. رهب |
u-w Lw7
(مشرف المنتديات العامه) 1000 شكر لمرورك الجميل لاعدمت تواجدك خالص تحياتي |
الشاعر البارز
مرورك وسام اعتز به كثير خالص تحياتي |
وائل العواجي
مرورك لمتواضعتي تشريف لها دام اسمك متواجدا فان ذلك يسعدني |
.
صح لسانك يامحمد لاهنت |
الساعة الآن 10:00PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية