قصه لجدي
 

بسم الله الرحمن الرحيم
السلام عليكم ورحمه الله وبركاته وبعد

هذه القصه لاحد اجدادي اسمه خلف بن عياد بن معزي من السلقا اللي هو اب لجدي رحمهم الله
طبعا الكلام هذا قديم جدا سمعتها في احد المجالس
كان جدي عنده احد بناته اسمها دله
وكان وقتها مافيه ماء يعني قليل الماء ماهو متوفر مثل هالوقت بكل مكان
جابت له ماء كانت مخبيته
وكان جدي الله يرحمه يعشق القهوه
فسوى قهوته من الماء اللي جابت له البنت
وعلى ماخلصت القهوه وجهزت فارت وحاول انه يمسكها بسرعه قبل تفور وتنكب
فزلت منه وانتثرت الدله فقال بيت شعر
يقول فيه
ياحيف يادلتي فاحت .... خميتها وانتثرماها
يانيت الخير ماراحت .... عند الاجاويد تلقاها
مدري وش يقول ... بالاخير قال عند دله وشرواها
اللي هي بنته اسمها دله بعد ماسمعت منه القصيده جابت له ماء وسوى قهوته ثاني مره
طبعا جدي كان شاعر معروف لكن لم نستطيع ان نحصر اشعاره لان ذاك الوقت ماكان فيه كتتاتيب مثل الحين متوفر كل شي والناس اول الاغلب منهم مايعرف يكتب والبعض منها نسي والبعض الاخر يردده الشيبان اللي كانو عايشين ذاك الزمان في حائل وهم الان قليل