لنقرأ الشعر سويًا..
 

أحبة الروح ..

طابت صباحاتكم برضا رب العباد ورحمته ..

كل عام وأنتم الأجمل والأبقى والأطهر ..

ورمضان مبارك..


هنا موطن قصائدهم التي أضاءت على قلوبنا حين تدفعنا الرغبة لنقرأ لا لنكتب ..

سالم السيار هو ضمن قائمة الشعراء الذين أحب السكون بين قوافيهم

ولهذا سأبدأ المتصفح به ..

حين قال


ليــه..؟؟!!
هذا هو اللي تبيه..اني ارحل من حياتك..
واشعل عيوني بـ ليه..!
بس خلاص..!!
هذا هو اللي قدرته وقدرك ربي عليه...؟
بذمتك هذا كلام ..؟
اني ارجع من جديد ..
ارجع افرش كل تعب عمري وانام..
زين لحظه.. لسألوني الناس وينك..؟
وان دروا ضحكه عيونك عن عيوني فارقت..
سافرت ردت لعينك.. بذمتك وش اقول..!!
قول..قول..
قول قول الله يخرب بيت بيتك.!
توني يادوبي بديت ..بعت عمري واشتريتك..
خطوه ..خطوه...واشتريتك
توني باطراف البدايه!
مدري وشلون انتهيت..
ياأخي حسّ ..والله عيب إللي تبيه..
إني ارحل من حياتك وأشعل عيوني بـ ليه..
لا جبينك شمس واحساسك مطر..
لاعيونك شوق وشعورك دفا..
جبت لك بإيدي ابتسامات العمر ..
ليه تكسرها على اطراف الشفا...
شوف.. شوف بعثرني احتياجي بالنظر..
شوف وجهي إمتلا منك بـ أفا ..!!
ما تجي منك ولكن يابشر:
منت اول من طعني بالجفا..
إبركتهن كل جروحي بالسهر..
ولا افكر من ورا قلبك شفا..
ولّ ياقلبك ما يجيب الا القهر ..
ولّ ياعمرك ماعرف طعم الوفا..
وإلا انا مثل النهر ابقى نهر..
من تحوسه ..ترجع تشوفه صفا..
فيني والله احساس لامنه ظهر..
يشعل ضلوعك اذا قلبك طغا..
هذا هو اللي تبيه ..؟ وهذا هو اللي قدرته؟؟
وقدرك ربي عليه ..بذمتك هذا كلام ..؟
اني ارجع من جديد..
ارجع افرش كل تعب عمري وانام..!!
وين اروح....؟!
شلون اجيب لقلبي المجروح روح !
هذا هو اللي تبيه.

:r:

:وأيضًا هو سالم السيار

أعشق القصائد الممتلئة بالشموخ والكبرياء
وأعتقد بأن حامد زيد أيضًا كثيرًا ماكتب بهذه الطريقة

كونو مع سالم السيار : )
حتى إشعارًا آخر نصل به إلى حامد زيد


لعلمك والزمان اللي رمانـي لـك يعلمنـي
أعز النفس وبصبر الشموخ بدمـي ارويهـا
حسبتك من جروح الوقت والأيام ترفعنـي
وتحط روحي على كيفك في عز وتداريهـا
حسبتك راس اكيد الراس للأمجاد ياخذني
ولافكرت مثلـك للوطـى عيونـه يمشيهـا
تبي ذلي تهبى لا انت ولا هالوقت يذللني
عيونك للوطى وعيني على القمرا اضريهـا
صحيح الشوق لأوراق الرصيف المر يدفعني
وتفاصيل الحنين هناك في بالـي اناديهـا
ولكن توصل لنشـوة غـرورك ماتقدرنـي
تحسب اني ارد باشواق عمري لك واهديها
غريبة كنت احسب انك مع الأيام تعرفنـي
مع انك تدري اني لابغيت اعميها اعميهـا
صحيح احساسي ضيعني وطيبي حيل بهذلني
ومعك ماينفع الأحساس والطيبـة ومعانيهـا
واذا في يوم أشواقي تبي عندك توصلني
ومن كفوف الوله تاخذ يديني لك توديها
يمين الله ولالـك غيـر يميـن الله تحلفنـي
اذا نفسي توصلنـي لمثلـك والله لـفنيهـا
:r:

كان صباحي هذا اليوم بين جنائن |حمد العيد ..
صدى أحرفه يروق لي كثيرًا ..



ينتابني إحساس رائع لطرياك
.......وافرح وكاني بين يديني حضنتك
وشلون لو شافت عيوني محياك
......لشهق واصوت سيدي لاعدمتك
مثل الحلم كان انتظاري لملقاك
.....ومثل الحلم طيف بحياتي رسمتك
وان جيت رايح ضاق صدري لمسراك
.....ودي أصارح حضرتك يوم شفتك
هي كلمتينٍ تاصلك ماتعداك
.....انت الغلا وانا جنوني بصمتك
وان مرت الإيام بعشق بقاياك
.....كافي علي أجمل خيالٍ عرفتك..

مذهل
مذهل
مذهل

وشوشة | ترفة شكرًا لضوءكِ يانور قلبي ..:r:

احب مثل هذه البصماااات العذبه

عيون الفجر :. اروينا من فيض ما تحبين ............. نحن هنا كلما مررتي

كل التقدير ايتها الفاضله

صباحاتي بكم جنة
 

منت بكفو عشان قلبـي يراعيـك
ولا انت بكفو تطوع النفس لرضاك
راجعت نفسي واكتشفت الخلل فيك
انسان تمشي كيف ماتطلب اهـواك
تمشي كذا من غير تحسب خطاويك
تفكيرك السطحي وسبب لك ارباك
مجرد انسـان وغـرورك يقديـك
غرور من لاشئ غششك واعمـاك
حلمك تحط الشمس في راحة ايديك
وتفوز في بدرٍ كمل ضمن اشياك
وياقوة الله للاسف فيـك مافيـك
كتلة جمـاد ومابهـا حـس وادراك
ليت الحظوظ اللي رقت بك توطيك
في شر اعمالك وفعلـك وبلـواك

الشاعر / غازي العصيمي ..

وشوشة | فواز / خلف ..
كونوا بالقرب ممتنة لذلك البياض..

:r:

يمين الله ولالـك غيـر يميـن الله تحلفنـي
اذا نفسي توصلنـي لمثلـك والله لـفنيهـا

............



ذوووق راقي في اختيار الابيات

سررت لمروري هنا