لا .. جيت أبكي يستحي جفن عيني
لا .. جيت أبكي يستحي جفن عيني = لين داخلي أمست دموعي بحور وتنفجر في سجدة(ن) من جبيني = ودمعتي .. لله كم فيها فــخور وان جيت أتـّـلفت يسار ويميني = من كثر أتــّـلفت مضيعني الشعور واضم قلبي بين راحة يديني = من كثر احسه في ضلوعي يثور والحزن صاحب كل ساعه يجيني = عشاه عندي والصبح له فطور والهم بايعني ويوم مشتريني = صاير على كثرة همومي يبور حتى الدفاتر تنزعج من أنــيني = وحتى حروفي تنتحر بين السطور فيا .. المسافر خذ لزادك حنـيني = واترك لي الريحان عـُـزوه للزهور فدايم الحسرات غرسه بطيني = واجنى من البسمه بقايا قشور الشوك في ظهري غدا مرتديني = مثله كما ثوب(ن) تهادته الدهور ومثل دارن ساكنه بالدفيني = وكل من عنها تحاشى أو .. يزور فيا .. رحى الأيام كافي طحيني = كافي شفاتك تشتهيني خمور بقلم اخوكم ميلاد اليماني |
ميلاد اليماني دام الابداع لك عنوان ودام نبضك لي شرف التوقيع الأول هنا ومعانقة حروفك تحياتي لك رهب |
الشــاعر . ميلاد اليماني صـــح الله لسـانك وبيض الله وجهك تســـلم ولاهنت على هالقصــيده الجميله والمعبره . بارك الله فيك .. تحياتي لك ولقلمك |
الساعة الآن 04:35PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية