لا .. جيت أبكي يستحي جفن عيني = لين داخلي أمست دموعي بحور
وتنفجر في سجدة(ن) من جبيني = ودمعتي .. لله كم فيها فــخور
وان جيت أتـّـلفت يسار ويميني = من كثر أتــّـلفت مضيعني الشعور
واضم قلبي بين راحة يديني = من كثر احسه في ضلوعي يثور
والحزن صاحب كل ساعه يجيني = عشاه عندي والصبح له فطور
والهم بايعني ويوم مشتريني = صاير على كثرة همومي يبور
حتى الدفاتر تنزعج من أنــيني = وحتى حروفي تنتحر بين السطور
فيا .. المسافر خذ لزادك حنـيني = واترك لي الريحان عـُـزوه للزهور
فدايم الحسرات غرسه بطيني = واجنى من البسمه بقايا قشور
الشوك في ظهري غدا مرتديني = مثله كما ثوب(ن) تهادته الدهور
ومثل دارن ساكنه بالدفيني = وكل من عنها تحاشى أو .. يزور
فيا .. رحى الأيام كافي طحيني = كافي شفاتك تشتهيني خمور

ميلاد اليماني
دام الابداع لك عنوان
ودام نبضك
لي شرف التوقيع الأول هنا ومعانقة حروفك
تحياتي لك
رهب