انا لامن ذكرت البعد من بعد الوصل يانوت =ذكرت ان كل شي فاني وكلٍ وله ميته
مشاوير الغرام اللي بها ورد اللقا منبوت =بعد فرقاك ذابل والسبب مرّيت ماسقيته
انادي ياهل الركب المقفّي لين بح الصوت =انادي والرّجا لامن سمعت الصوت لبّيته
يناديك الشعور وكل صوتٍ يظهر المكبوت =مضيت بركبك وداعي اللّقا جاك وتحاشيته
الا ياجمرة الخافق رمادك يملي التابوت =بقايا من حطب عشقٍ بصدق الحب شبّيته
حبيبي قلة الحيله وخلك ذاق طعم الموت =بعد ماامكنت خنجر بعدك بصدره وخلّيته
عطاك من الغلا عقدٍ يغيض الماس و الياقوت = يغار بشوفته من يمكلك الدنيا وسط بيته
و لكن وش جزا صدق الغلا اللي فالصدر منحوت= يا كود الونّة اللي بعدها دمعه و تنهيته
أنا اللي ما جنيت إلا التعب في معركة جالوت = و انا اللي ما نسيت الود حتى لو تناسيته
وانا لامن ذكرت البعد من بعد الوصل يانوت=عرفت ان كل شي فاني وكلٍ وله ميته

[table1="width:95%;"]

[table1="width:95%;"]

اخي الكريم سعود
صح لسانك قصيده تشبع الذائقه
ويسعد القلب ويبهج الروح وجود هذه الكوكبه من الشعراء المميزين على الساحه وممن لهم بصمات واضحه
شرف كبير للمنتدى تواجدهم
دام نبضك اخوي سعود لا عدمناك وصح لسانك مدد
تحياتي
رهب