ياهاجسي لا يلحقك فالزمن حيف=ارقى علي روس الرجوم المطلّه
لاتنثني لو تبتليك الصواديف=متني لها وشعيل حمله يشلّه
ميعادنا روس الطوال المشاريف=في منزلٍ ما كل رجل يدلّه
شاعر واشرف لابتي خير تشريف=ماني على ماقيل للكبد علّه
مجبول عن قولة هروج التخاريف=والعلم لاجبته يجي في محلّه
اكتب على معناي من دون تكليف=مما يخلّي القاف محدٍ يملّه
مع اجتماع الليل والحبر والكيف=وفكرٍ يقدّم للعرب كيف دلّه
اجود من بدع المثايل محاريف=مصيونتٍ عن كل عيبٍ وزلّه
مثل الذهب في زاهيات النفانيف=ماكل مخلوق(ن) يبيه يحصلّه
هنا القلم يفعل كما يفعل السيف=يبقى بوسط الذاكره لو أسلّه
يغنيك بدعه عن كثير السواليف=لامن نثر ورده وشيحه وفلّه
يشفقله المتذوق ان كان حريّف=اللي يعرف الشعر دقّه وجلّه
لاصرت واضح مالحق منهجي زيف =تبقى وسومي واضحه مستقلّه
مما يسبب عند ناسٍ ملاقيف=ربكه شديده وارتباشه وخلّه
اللي على الهرجه سوات الصراريف=تجمع شريط السالفه ثم تفلّه
مغبونةٍ تسعي لكسر المجاديف=الكذب طبعٍ .. و النمايم جبلّه
لكن يابرق(ن) سرى ماطرك صيف=يموت عودك مارتوي في محلّه
بآشوم عنك ماني لماطرك ضيف=الحر مايقبل طمان المذلّه

[table1="width:100%;"]

[table1="width:95%;"]

اكتب على معناي من دون تكليف ممـا يخلّـي القـاف محـدٍ يملّـه
مع اجتماع الليل والحبـر والكيـف وفكـرٍ يقـدّم للعـرب كيـف دلّـه
اجود من بـدع المثايـل محاريـف مصيونتٍ عن كـل عيـبٍ وزلّـه
مثل الذهب في زاهيـات النفانيـف ماكل مخلـوق(ن) يبيـه يحصلّـه
هنا القلم يفعل كمـا يفعـل السيـف يبقى بوسـط الذاكـره لـو أسلّـه


شاعرنا سعود نمر نستمتع مانمر نقيم بيض الله وجهك ترتوي الذائقه كل مامريت على مشاركاتك من غيرقصوربباقي الاعضاء
ســـــــــــــلمت وصــــــــــح ال:yasser:ســـــــــــــــــــانـــــــك