الزين ماهو من شروط الرجولــه
الزين ماهو من شروط الرجولــه
قالت تـرى منـت بحلـو قلـت رجـال والزين ماهو مـن شـروط الرجولـه الزين يلقـى عنـد لباسـة الشـال والرجل زين ان كان زانـت فعولـه قالـت علامـك تلبـس شمـاغ وعقـاال انت بدوي؟ قلت بـدوي ومـن حمولـه ما ألبس بناطيل لها الوان واشكال وامتـر الـشـارع بعـرضـه وطـولـه قالـت اجـل راعـي معامـيـل ودلال شـرب القهـاوي تحسبـونـه بطـولـه كيفي يابنـت الحضـر دلـه وفنجـال وحليـب خلفـه بالـمـراح معقـولـه وحب الكرم والجود وعلـوم الابطـال مغروس فينـا مـن زمـان الطفولـه قالت ترى بنت البـدو حظهـا مـال قلت احـذري حـذرا تكونـي جهولـه بنت البدو يابنـت مضـرب للامثـال فـوق الجمـال وطـاعـة الله خجـولـه ماحـطـة اصـبـاغ ولا حـطـت ظــلال ولا سيـرة بالـسـوق سـيـر مهبـولـه هـي مهـرة تصعـب علـى كـل خيـال وانتـي ومثلـك عسفهـن بالسهـولـه قالت تغـزل بـي وشـف حبـة الخـال ناظـر عيونـي والرمـوش الكسولـه قلـت العفـو مايجتمـع حـب وهبـال ولـكــل ذوق فالمـزايـيـن جـولــه قلتي وقلـت وكلمـة الصـدق تنقـال الزين ماهـو مـن شـروط الرجولـه منقوووووول مع التحية |
صح احساسك قصيده رائعه.... يسـلم الناقـــل والمنقـول ...... تحيـاااتى لك ...... عــــــــــــــــرب http://www.moq3.com/img/uploads/fkp93478.gif |
صح لسان الشاعر
قصيده رائعه وتسلم على النقل اجودي .. |
فـوق الجمـال وطـاعـة الله خجـولـه
ماحـطـة اصـبـاغ ولا حـطـت ظــلال ولا سيـرة بالـسـوق سـيـر مهبـولـه قصيده جزله والله صح لسانك قايلها وصح احساسك وحياك الله ياغالي في منتداك منور |
صح السانك
ونعم الرجوله وهذي المواصفات المطلوبه برجال |
الساعة الآن 05:35AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية