ياعالمً فيه البشـر اشكـال واصنـافً كثيـر =مانجمعـه مانوصفـه والله وأكبـر يابـشـر
يالله تستر والمشاكـل كنّهـا سلـك الحريـر =بستنتج الفكر الصريح اصدق بلحظـة يافكـر
ابجمع حروفي على شعري على المعنى الخطير =يامؤجز النشره يافكـري هاتلـي كـل الخبـر
منهم من اللي يدعي بالكذب والقـول العسيـر =يضحك على نفسه يحسب الناس بعقول البقـر
مايدري ان الكذب قالو بالمثـل حبلـه قصيـر =هذا مثال اهل العقول اللي تعرف المختصر
وشخصً تحصّلـه يتأمـر ماتقـول الا اميـر =ان كان ماخذها بذراعه .. يبشر نطيع الامر ؟!
والمشكله لاصار ماهـو لا اميـر ولا وزيـر =ماغير من زود الميانه صدّق الكـذب وفشـر
والمؤمن اللي قال ربي كاتـبً لـيّ المصيـر =مالي مفر مالي مفر هذا قضـاء هـذا قـدر
ياذيب في دنيا العجب ماشفتلي ذيـبً كسيـر =اتعالج جروحك ماتلقى لك عـلاج الا السهـر
تعوي طوال الليل واحوالك مثل حال الاسير=في سجنك ويومك ثقيل وكنـه بعينـك شهـر
والخاتمه بعض العلوم امدمدمه في وسط بيـر =دام المثل قال بكلامـه ماخفـى ادهـى وامـر
وان كان ودك يبن ادم تكسـب الدنيـا بخيـر =اقم صلاتك وارض ربك واعمل اعمال الاجـر

النوايا مطايا والله عليم ٍ خبير=والسليمه سالمه لوطال حكم البشر
خالق الاارواح في شهيق وزفير=لو خذلوك بعض ناس من تعاليم الدهر
كم تفاجئنا من علومآ عكس خير=الطيب في مبناه والردي ياصاح مايلوث بحر