|
::غفوه ::
يانخبـة النخبة ويا صفوة الصفـوه=صوتك وحزنك لوحده مايكفيني ياعمة الزين في مثناتك الدفوه=ضمي يدينك على يديني ودفيني اليامتى حبنا بالسرق والخفوه=ومتى زمانك يوفق بينك وبيني يلوح طيفك ويلقى الطيب والحفوه=وان هل مزنك ضميتك وانبتت عيني! وان كان طال الغياب وكبرت الهفوه =من عاد في غمرة احزاني يسليني؟ قلبك تعود على الجحدان والجفوه=واصبحتي آخر عنا يطرد عناويني! ماعاد افكــــر بشيٍ ماني بكفوه=الحب سجن ومشاعرنا مساجيني ! روحي فمان الذي كلٍ يبي عفوه =بعدك همومي على قلبي توصيني! أخذت لي في ملذات الهوى غفوه =واليوم ما ابغى من الدنيا سوى ديني! |
الغالي
الشاعر غلاب عايض الله انه يسعدك ويوفقك بجميع اوقاتك ولقد اسعدني ان اكون اول المصافحين لهذه القصيده ذات الجمال بما تحويه من شعررائع وصح لسانك وعلا شانك ولاهنت وتقبل تحياتي |
غلاب بن عايض
صح بوحك ولاهنت تحياتي,, |
صح لسآنـك ولأهنت ..
|
صح لسانك ولاهنت
تحياتي |
اخذت لي في ملذات الهوى غفـــــوه
واليوم ماابغى من الدنيا سوى ديني الله عليك .. غلاب عايض بوح مبدع تقبل مروري |
غلاب مسيت ب الخير نص به ..نخبة شعر ..وصفوة احساس ,,وقافيه عذبه ...وروحانية قلب .. كنت هنا ..واستمتعت ..بماقرأت ...تحياتي ..ودمت بخير |
سفير المعاني
تسلم ياذوق وجعلك في الوجود.. |
الله يثبتك على الدين
و اختيار جدا صائب و صح لسانك على الجزله ولاهنت يالقرم تقديري |
مبدع ..
صح لسانك ومعوض خير بإذن الله تحياتي. |
| الساعة الآن 08:28PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية