في صمت موجع (مها بنت محمد ترثي رفيق دربهاالامير نايف )
ألعام يا ام سعود كان الحزن ضيف واليوم دق اوتاده الحزن فينا .. الحزن غيمة غيبت نجمة الصيف وبااسباب جوره ياجواهر شكينا .. غاب الحبيب ولا بقى للهنا طيف والاه يانوره تهاوت علينا .. كن الظهر ياسعود فيه انغمد سيف والصدر صار لكل الاوجاع مينا .. اقول يا محمد متى فارق وكيف واصيح ياسارة متى هو بيجينا .. يانوف من عقبه ترى بسمتي زيف جف الفرح من حولنا وانطفينا .. أبوك يانواف ماله تواصيف وانشد مشاعل كان مثله لقينا .. والكون ياهيفا بلا ظله مخيف واعذر بكانا يافهد لو بكينا .. كان القمر كان البحر والمجاديف كان الحنان اللي بحضنه دفينا .. وكان الملاذ لشاكي الضيم والحيف كم شال عنا كم خذا عن يدينا .. عاش ورحل كله مهابة وتشريف جار الحرم فوق الحكي وان حكينا .. والله لو كان المقدر على الكيف ماغبت يا نايف ولا احنا ظمينا .. كل مارخيت الجفن جدت عواصيف والشوق ثار وفارقتني السكينة .. وشفتك مثل شمس بروس المشاريف نورك يناديني وانا اقول وينه؟ .. والقاك واصحى والمحك راقي النيف حي ولو صلت عليك المدينة .. أحسك بجنبي ماهي تخاريف ياساكن عيون المهاة الحزينة .. في ذا جلسنا بين صمت وسواليف وفي ذا الممر اثنينا كم مشينا .. وفي هالزوايا كم جمعنا مواليف وياما على ذيك المرايا ضوينا .. عشرة عمر ماتنتهي بالصواديف وذكرى تبي تحيا ولو مابقينا .. الموت يانايف كتاب وتصاريف وحنا بحكم اللي خلقنا رضينا .. مهـــــا بنـــت محمــــد الأحمــــد الســــديري |
الغالية الاميرة ام نواف الله انه يسعدك ويوفقك ويزيدك من زوايد فضله واسعدني ان اكون اول المصافحين لقصيدة الاميرة مها بنت محمد السديري الرثائيه بزوجها صاحب السمو الملكي الامير نايف بن عبدالعزيز رحمه الله وغفر له ولقد اسندت الى جميع اسرة النايف من حبها ووفائها لكل ما ينسب لنايف من اسرته الكريمه كلا باسمه قصيده احزنني كثيرا كل حرف فيها لما يحمله من معنى وربي يخلي لها كل من اسندت عليهم من اسرة الامير المغفور له بأذن الله والله لايوريها بعده مكروه وان يتغمد الفقيد بجنات النعيم وان يجمعها الله به بعد عمر طويل وصح لسان الاميرة مها بنت محمدالسديري مليون وشكرا لك اميرتنا ريما بنت محمد على اتاحة الفرصة لنا لنعزي الاميرة مها ام نواف وابنائها وبناتها واسرتها ونقول احسن الله عزاكم بالفقيد الغالي والهمكم الصبر والسلوان والله يتغمد الفقيد برحمته وفسيح جناته امين تقبلي تحياتي |
...
الغالية رهب مؤلمة هي الحياة لا يدوم البقاء بها مهما كان فالموت يعصف بالجميع رحم الله الامير نايف رحمة واسعة ان فقده أليم موجع قصيدة تحمل الالم و الحزن من قلب محب صح لسان الشاعره مها بنت محمد رزقها الله و أبنائها الصبر و السلون على ماهم فيه لكي خالص التحايا ريف |
رهب
صح نقلك **ودامة انفاس **المها. رثائيه صادقه لسمو الأميره مها وبمن **في اسد السنه نايف الأنسان **نايف الأميرفقيد الأمتين العربيه والأسلاميه رحم الله نايف واسكنه الفردوس الأعلى مع الشهداء والصديقين استوقتني كثيراً هناصدق احساس وشعور . اطيب التحايا. |
صح السان الشاعره مها السديري واحسن الله عزاها وعزانا جميعأ في والد الجميع نايف بن عبدالعزيز ولاهنتي اختي ام نواف على النقل الجميل اسمحيلي اختي بيتين مجارات للخت مها
ايوالله صيف الحزن جـــاله عواصــيف = مكتــوب شــئنا الحــزن ولا ابيــنا راح الحصان اللي حمى طارف السيف =نايـــف الياء عـدت على كل ميـنا تبكــى منــى ويكنـــها مســجد الخــيف=وتبكـــيه مكـــه لو تطول السـنينا |
ألعام يا ام سعود كان الحزن ضيف
واليوم دق اوتاده الحزن فينا .. الحزن غيمة غيبت نجمة الصيف وبااسباب جوره ياجواهر شكينا .. غاب الحبيب ولا بقى للهنا طيف الله حزن دفين صح لسانها ورحم الله أسد السنه رحمه واسعه مشكورة رهب لنقل الرائع تقبلي مروري وتقديري |
عز الله انها قصدت ورثت
وفي صميم القلب فوق الوصف شاعريه انتبتها العفويه والقوه في آن واحد ورحم الله الامير نايف واسكنه المولى فسيح جناته |
قصيده مؤلمه لنا محبي
امير القلوووب نـــــــــــــــــــــــااااااايف يشهد االله ان حزنا كثير لفراقه والله يصبر قلبها على فراقه فالامير نايف فعلاااااا فقيـــــــــــــــــــــــده وباذن الله انه في جنة النعيم صح لسان الاميره مهــــــــــــــا السديري وقصيده مؤلمه لنا الله يغفر له ويرحمه ووالدي وجميع موتى المسلمين ولاهنتي يالغاليه رهب |
قصيدة مؤثرة جداً .. ! العاطفة متدفقة .. ثمة معانٍ في سطورها ، ومعانٍ أخرى خلف السطور .. إنا لله وإنا إليه راجعون .. صح لسانها ولسانك ، وبارك الله فيكما وفي الجميع .. |
مؤلمة بكل ماتعني هذه الكلمة من معنى
|
الساعة الآن 06:20AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية