|
لا[الجرح] طاب ولا توقف [نزيفه] !
هنا اتكلم بلسان صديقي الجامعي الذي اصبح من ضحايا البطاله والله المستعان ....
هذي ثمـــان سنين من دون توظيف = واكبر قهر لاصار مالك وظيفه ! اطرد ورى الآمال من صيف لا صيف = متحمل ظروف الحياه الكليفه! جبت الشهاده بالسهـــر والتكاليف = ولاحدٍ كتب لي تهنئيه فالصحيفه ! تحرجني أسئلة الخبول الملاقيف = واغير الموضوع لوهو كسيفه ! اليا متى وانا على والــــدي ضيف =واخــــوي يعطيني بقـــــايا رغيفه؟ والعــــــود مستاجر ودين ومصاريف = الله ولا عيش الحياه القصيفه ! الوضع مزري تالي الوقت ومخيف = حتى الليال البيض صارت مخيفه ! يوم انها بالــرمح والخـــيل والسيف = جـــدي من اللي وحدوها بسيفه ! داري واحبه ماحسبت التكاليف = ابقى تحت رحمة ربيعه وصيفه ! وين انت يامشرّف سما المجد تشرّيف =وفعلك يقارن بالجبال المنيفه ! ابوك وحــــدها من السيف للسيف = على الشداد ولانزل في رديفه ! وانته ملكنا لك علينا معــــاريف = والك المحبه والنوايا نظيفه ! المملكه لك غطرفت بالغطاريف = من جود رب البيت صارت مريفه! ياكاسب العلــيا بروس المشاريف = احمــولنا والله مــــــاهي خفيفه ! باسباب قوم الكذب والزور والزيف = اللي تقاسم رزقنا بالنصيفه ! ياسيدي ذخر الفقــــــارى المـــــلاهيف = اكبــر أمانينا (الحياه الشريفه) ! انجـامل الايـــــام بالكم والكيف = لا[الجرح] طاب ولا توقف [نزيفه] ! |
غلاب بن عايض
صح ألسانك والله يكون بعونه والله يعز بلادنا ويديم نعمه الامن والامان علينا لاعدمناك |
غلاب بن عايض
صح لسانك على هذه الرائعه بما تحمله من مضمون تحياتي |
الله عليك
صح لسانك واحساسك قصيدة في قمة الروعه وقمة المعاني التي بداخلها صح احساسك ننتظر جديدك |
غلاب بن عايض صح ألسانك والله يكون بعونه والله يعز بلادنا ويديم نعمه الامن والامان علينا وافيه من وافي |
غلاب بن عايض صباحك ورد جميل جدا هذا الموضوع انت لم تتكلم بلسان صديقك فقط بل تكلمت عن كل الالسنه احييك واهنيك على هذا الابداع وعلى هذا الاختيار تقبل مروري ولكـ تحياتي |
اخوي غلاب
صح لسانك على هذه الابيات الجميله لك تحياتي |
الشاعر الكبير والقدير ... غلاب بن عايض
صح لسانك وعلا شانك قصيده رائعه تحمل مضامين مهمه ومشاكل تعاني منها شريحه كبيره من المجتمع وأنت هناء واكبت معانة صديقك ومعناة الأخوة كثير لنا .. ونتمنى من الله أن يفرج عليهم وأن يجدوا المكان المناسب لهم ... فالشاعر حين يطوع شعره لأمور يعاني منها المجتمع فهناء يصنف في ناظري شاعر حداثه مواكب لمشاكل الشعب ويغوص في هموم ... راائع اخي القدير ... موفق بأذن الله |
الغالي الشاعر غلاب بن عايض الله انه يسعدك ويوفقك بجميع اوقاتك اسعدني مروري لمتصفحك ومصافحة قصيدتك ذات المعنى والرائعه بروعتك وصح لسانك وعلا شانك ولاهنت وتقبل تحياتي التوقيع |
متعب هلابك
شرفني مرورك يالغالي اخووك ,, |
| الساعة الآن 06:49PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية