شبكة رهب الأدبية-ريما محمد السديري - الشاعر فهد المساعد :: ديـوان الاسرار

الشاعر فهد المساعد :: ديـوان الاسرار :: هنا

هذا الألبوم يأتي بعد غياب 4 سنوات منذ آخر ألبوم ( المدينة و الغريب ) .

وتم التحضير له في مدة زمنية طويلة و ذلك لاختيار القصائد و ما يتناسب مع جو كل قصيده من الموسيقى الخاصة .

و يضم العمل 18 قصيده وهي على التوالي :

حبيت أوضح لك , الأسرار , سكة الذكرى الحزينة , تعال , العذر , آخر دروبي ,
سحابه , الغربة , تحت الأرض أحبك , التفاصيل الصغيره , 19 عام , وحده بوحدة ,
سؤال , عين بدوي , بسم الله عليك , تمنيت موتك , صلاة و عناقيد , مشاوير

وهي قصائد بعضها سبق نشره في المجلات و بعضه لم يسبق له النشر و يعتبر حصري فقط بالألبوم .

اتمنى لكم وقت ممتع مع أسرار فهد .. ..

* *

الاســرار

يا رفيف الماء .. وفجر العيـد .. وأحـزان الموانـي

يا أكثر أهل الأرض طيبـة قلـب .. وأسـرار دفينـه

المكـان اللـي هنـا .. مليـان ضحكـات ، وأغانـي
والكلام اللـي بغيـت أقـول .. يحتـاج ل سكينـه !

شوفي الركن البعيـد هنـاك .. كنـه صـدر حانـي
هذا هـو اللـي يليـق ب شاعـر وبنـت حزينـه!

أنسـي الشـارع ، وعتمـات الـزوايـا، والمبـانـي
هاتـي يدينـك نلـف الغـيـم ونشـكـل مديـنـه !!

عنـدي الليلـة كـلام وصمـت .. وأخـاف الثوانـي
تظلمه .. أو تظلـم اللـي فيـه كـم ضاعـت سنينـه

بـس لازم تسمعيـن الـلـي أبــي ولا تـرانـي
لو ب أعيده لك .. نسيت .. ورحت أقول اللـي تبينـه

شي واحد قبل ما أبدأ .. مـا أبـي أي شـي ثانـي
يخطر ف بالك .. وأنا أكشف لك شعـور تجهلينـه !

إن أنا .. وبكـل مـا تحملـه "أحبـك" مـن معانـي
كنت،وراح أبقى أحبك .. لين .. مدري وش هو لينه !!

بـس والله ماقـدرت أنسـى .. ولا همـي نسانـي
لا ذكـرت إنسـان .. فيـه أسـرار مابينـك وبينـه

كـل مـا تطـري علـي فكـرة هـواك الأولانــي
أشعـر إنـي أنطعـن مليـون مـره مـن يديـنـه !

أشعـر إن عيونـك.. الله مـا خلقهـا إلا عشـانـي
كيف كانت تبتسـم لـه ؟!.. قولـي إنـك تخدعينـه !!

صورة إنه كـان يمسـح دمعـك .. تزلـزل كيانـي
وكيـف كـان يلـم شعـرك .. ويتبعثـر فـي يمينـه

حتى اسمـك يـوم رحـت أدلله .. حظـي رمانـي..
بنفس الاسم اللي يقول .. بذمتـك ماهـي غبينـه !؟

وكنـي اللـي .. كـل مـا أناديـك بالاسـم الفلانـي
أطلـب النسيـان .. يتـرك منـه شـي تذكرينـه !!

لا تظنينـي أنانـي .. لا .. أنــا مانـيـب أنـانـي
لو سلمت من الغرق . بـأموت في ظهـر السفينـه !

يا إني ما أكمـل وأعانـي .. أو أكمـل ثـم أعانـي..
كل ما اسمع طاري اسمه .. أو تجي عيني في عينـه!

أينا كـان الضحيـه ؟.. وأينـا اللـي كـان جانـي ؟
مـدري !.. ولكـن قـراري لازم إنــك تقبليـنـه:

مثل مـا أكـره فكـرة إنـه واحـدٍ ياخـذ مكانـي
ما أقدر أجلس في مكـان إنسـان.. كنتـي تعشقينـه!

*

http://www.al7an.com/ar/song-41167.ram

19عـام

19 عــــام .. وبــقــى لك بــعـــد عـــام
ويــصــير عـمــرك مـثـل مـاأنـتي تحبين

عـقـبـال مـاتـمـضـي اللـيـالـي والأيــــام
ويـمــر يـوم ٍ فــيــه اشـوفــك تـقولين : ..

ياشــاعـــري قـــل للـدفـــــاتر والأحـلام
مـرت سـنـه والـيـوم كـمـلت عـــشــرين

قـلـّـي كبرتي .. قـل كبرتي .. من العام ..
وأنا احتريها .. وأنت ساكت لهالحين ؟!

وأقــول هـذي كـلـهـا حـسـبـة أرقــــام
هو للسحابه عمر !
ردي ؟!
وبعدين ..

مـهـمـا تكـبـّـرك اللـيـالـي والأيــــــام
تـبـقـين طـفـلـة قـلـبـي اللـي تـحــبين

*
http://www.al7an.com/ar/song-41161.ram

اخــر دروبـي

يابشر تكفون حلّو عن سمايه
مايصيب الهرج لو الهرج صوبي

كم سكت لكم بما فيه الكفاية
اشتموني لو زعلتوا واشمتوا بي

عيبوني واتركوني في عمايه
واتركوا لي واحدٍ يرضى عيوبي

اتركوا لي واحدٍ يمسح شقايه
كل ماحط الزمن دوبه و دوبي

ذاك والله لا ذكرت انه ورايه
أشعر ان الكون كله وسط ثوبي

يكفي انه لو يسولف للمراية
كنّ صوته يهمس لصورته ذوبي

كيف انا ما اذوب مادامه معايه
اسمعه واسهر معه لاخر ذنوبي

كل ما قال: السهر درب الغواية
قلت: كله من عيونك هبّلوا بي

كل ماقال: الخطا ماهو خطايه
قلت له: قل للعيون السود توبي

ضيعتني واسأل الله الهداية
وين اجيب العقل؟؟ اجيبه من جيوبي!

من يعرفك ما يدل العقل رايه
ياشروق العمر مدري يا غروبي

أذكر انك كنت لي مثل الهواية
لو تروح ولو تجي يبقى شحوبي

بس مدري كيف صرت اليوم غاية
صرت اجي واروح مدري عن دروبي

يا بعد عمر الكتابة والقراية
يا الشمالي يابو الملح الجنوبي

لا قريت اللي كتبته يا رجايه
رح وبلّغ ربعي اللي جننوبي

قل لهم يمكن يخلّون الوشاية
وان تمادوا خلّهم مهمها حكوا بي

انت خلك بس فـ الدنيا عزايه
لا تفكر فـ العواذل وانت صوبي

ادري انّه كل درب وله نهاية
بس انا باقي معك لاخر دروبي

*

http://www.al7an.com/ar/song-41165.ram

التفاصـيل الصـغيره

ازعل عليك احيان
وأزعل على نفسي قبل ماأزعل عليك

وأرضى عليك احيان
وأرضى على الدنيا وانا راضي عليك

وأنت عمرك
مازعلت .. وماعتبت ... ومارضيت

أزعل علي لو كذب
أعتب علي لو كذب

هذي التفاصيل الصغيره
اللي تخلينا نحب

ماأحب انا ازعل عليك
ازعل انا لأني احب

***
ياأدفي من حروف الشعر
ياأرق من حلم السنين

إذا تركتك تنتظر
حسسني إن انتا حزين

مابي تقول مسامحك
قل : ماأبيك

وإذا رجعت اصافحك
أبعد يديك

أنا انجرح قبل اجرحك
وأبكي عليك

لكن أبي مره تحس
وشلون أنا أمووت فيك

هي التفاصيل الصغيره
اللي تخلينا نحب

ماأحب أنا أقسى عليك
أقسى أنا لأني أحب

***
أدري فيك تموت فيني
وأنا ميت من برودك

لي متى وانتا تبيني
وماتحسني بوجودك

ايه ... حسسني بوجودك

لمّ صوتي
بعثر حكاية سكوتي

لاتخلي الحب يفقد همسك العذب ويمووت
قل احبك ..
قل احبك بأعلى صوت

انا مليت السكوت

***
ياإبتسامة قلبي ولهفة حنينه
ياشقاه وياحنانه

يابعد كل المسافات الحزينه
معك امانه

الدروب اللي مشينا .. لاتضيع وتغترب

بالتفاصيل الصغيره
نقدر نعيش ونحب
*

http://www.al7an.com/ar/song-41169.ram

العــذر
* *

~ ~
يعني كـذا يـاأم الوفـا والمحبة
كـذا المحبـة والوفـاء ياوفيـه
أغيـب عنـك أيـام ولا أتنبّـه
إلا وانا أشوفـك زعلتـي عليـه
وش زعلك ؟ وش هز قلبك وشبه ؟
يعني عشاني غبت صارت قضيه !
ياام القوام اللي من أدنـاه هبـه
يميـل كـن الخيـزران أدمـيـه
وأم العيون اللي من يخـاف ربـه
يذكـر عليـه الله ويذكـر نبـيـه
إن كنت مخطـي فالخطـا مايجبـه
إلا العذر وانا اعتـرف بالخطيـه
وهذي بعد من فوق الأعـذار حبـه
لاتزعلـيـن الله يخلـيـك لـيـه

*

http://www.al7an.com/ar/song-41166.ram

الغــربــه

أيـ والله أن شوفتـه تستاهـل عـنـادي
اللي عشانـه تركـت الـدار والتربـه
مااقـول لـك شوفتـه نستّنـي بـلادي
لكنّـهـا يافـهـد نستّـنـي الغـربـه
وش عاد لو قلت عني ضايع وغـادي ؟
وش أبركه مـن ضيـاعٍ دلّنـي دربـه
تبغاني ارجع ! وأنا ياصعـب معـوادي
مـادام همّـي نسانـي وأنقلـع سربـه
الهم هاللي تشـوف انـه علـيّ بـادي
ياليتك تشوف كيف يصيـر فـي قربـه
الله يحـرم ... عيونـي لّـذة رقــادي
أنّي معه .. مااعرف حزني ولااشعربـه
هرجك فـوادي وأنا ياخوك فـي وادي
الله يخلّـيـك ... حـالـي لاتعّـذربـه
راضي بحالي كذا ... واللي يجي عادي
لعيون منهو ركز فـي قلبـي الحربـه
بصوته , شقاوته , مزحه , طبعه الهادي
يملا عليّ الفضا .. من شرقـه لغربـه
يكفيني أنـه غـدا هـو شربـي وزادي
أو تقدر تقول أنـا اللـي زاده وشربـه
ياخي أذا الحب عيب ! فـشفني آنادي :
سجل ..... أنا من عرف عيبه وجاهربه
وسجّـل هنـا كلمـةٍ تستاهـل عنـادي
بقولها قبـل أسافـر وأتـرك التربـه :
والله ماأقسى من الغربـه عـن بـلادي
الا .. شعوري وانا في بلادي بالغربـه

*

http://www.al7an.com/ar/song-41168.ram

بسـم الله عــليك

جيـت فـي ليلـة وداعــه تـايـهٍ بـيـن البـيـوت
وصحت : "وينك؟!.. جيت اوادع عمري اللي ضاع فيك"
مـا سمعـت الا صـدى صوتـه وكـان آرقّ صـوت
ينطق اسمي..ثم يهمس : "من متـى وانـا احتريـك؟!"
قلـت وهمومـي تغافـل زفـرة الـحـزن وتـفـوت :
"هذا انا جيتك..يا ليـت المـوت جانـي قبـل اجيـك"
بعدهـا يـا دوب عـدّت عبـرتـه حــد السـكـوت
قـال وعيونـه تغـارق دمـع : "بـسـم الله علـيـك"
قلت : "يا ابن الناس عـادي مـاورى هالمـوت مـوت
وش وراهـا لا فقـدت عيونـك ولمـسـة يـديـك"؟!

*

http://www.al7an.com/ar/song-41170.ram

تحـت الارض احـبك

مي هذي مثل طلّ الصبـح لأغصـان الحدايـق
يبتسـم قطـر الـنـدى لاباسـتـه أو باسـهـا
مي هذي بنت لامن شفت صدر الليل ضايـق ..
أدري ان عيـون مـيّ اليـوم طـال نعاسهـا !
من هنا تصحى ويصحى الحب في عيون الخلايق
ومن هنا تغفى وتنسى الارض ضحكـه ناسهـا
يسعد الله قلب ميّ اللي كثـر ماهـوب بايـق ..
..من قلوب الخلق..مااذكر مـرّ يـوم وداسهـا
لأن مي أرق بنت..ولو قسـت ماهـوب لايـق
حيّرتني مي..الأجمل : هي..والا أحساسهـا !؟
بالها لاضاق زانت..كيف لامن صـار رايـق!؟
في انتباهتها براءه..كيـف اجـل هوجاسهـا !؟
العمر لو كـان ضحكـه مـي تكفينـي دقايـق
بس اخاف ان مت..تحني مـي فوقـي راسهـا
مي لـو تبكـي لموتـي مالـي الا افـز فايـق
من قبـل لاامـوت أكثر..مـن نشيـج انفاسهـا
مي .. لاتعطين بال لمن يقـول المـوت عايـق
الجسـد موتـه يفـك الـروح مـن حراسـهـا
ماأحبك فـوق الارض وبـس ياكـل الخلايـق
حتى تحت الارض أحبـك يابعـد مـن داسهـا
مي لـو ماقلـت فيهـا بيـت واحـد ماتضايـق
لأن مالي شعـر ينشـر لـو رفـض كراسهـا

*

http://www.al7an.com/ar/song-41176.ram

تــعال

من عز نومي صحيت وشفت فـي عينـي
دمع تهـادى علـى جفنـي وأنـا غافـي
ستـرت دمعـي بكمـي قبـل يغريـنـي
وأخذت هذا الجسـد مـن باقـي لحافـي
وسريـت تايـه ورا خطـوات رجلينـي
لا الوجه وجهي ولا أوصافي هي أوصافي
أمشـي وأقـول لطريـقـي لا توديـنـي
لعيون نـاس تبـي تـدري عـن الخافـي
أمانتـك.. خلهـا مـا بيـنـك وبيـنـي
خابرك يالـدرب خـوة عمـر وسنافـي
مـا ودي النـاس تـدري وش يبكيـنـي
كرامـة النفـس ورث أبـوي وأسلافـي
أمشي وأحـس الخناجـر فـي شرايينـي
والبرد يمشـي وراي وينهـش اطرافـي
وحـيـد واللـيـل بـردونـه يغطيـنـي
تقـول كـن البلـد روح بهـا السـافـي
إلين مـا أوحيـت لـي صـوت ينادينـي
صوت أعرفه مثل ما أجهل وش خلافـي
قمـت أتلـفـت وانــادي لا تخليـنـي
ما غيره.. الصوت هـذا صوتـه الدافـي
ولمحت زوله من أقصى الـدرب لافينـي
مدري وش اقول لكن حـي هـا اللافـي
تعال.. شف غيبتـك كيـف أثـرت فينـي
تعال.. شفني وأنا أغرق عقـب مجدافـي
تعال.. خذنـي ورحبـي مـن عناوينـي
تعبت أعدي علـى جمـرك وأنـا حافـي
تعال واقطـف بصوتـك زهـرة سنينـي
كـل المواعيـد عقبـك شمعهـا طـافـي
تعـال وازرع خصـل شعـرك بكفينـي
بضمهـا ليـن أحـس بليلـك الظـافـي
تعـال وشفيـك خايـف؟ أنـت ناسينـي؟
قطعت صوتـي عليـك وطـال ميقافـي
حتى بديـت أشعـر أن الحـب معمينـي
وان أنت حلم عثـى فينـي وأنـا غافـي
لكـن أمانـة تـرى اللـي فـي كافينـي
إن رحت منك كـذا مـا رحـت متعافـي
بصـدق الحلـم وأحـذر لا تصحيـنـي
فـي خاطـري كلمتيـن إن قلتهـا كافـي
أمانـة الله عليـك إن غبـت عـن عينـي
لا يكون قلبك مثل قلـب الزمـن جافـي
مـع كـل دمعـة تذكـر رعشـة يدينـي
ومع كل ضحكـة تذكـر قلبـي الوافـي

*

http://www.al7an.com/ar/song-41175.ram

تمنيت موتك

اللي بقا لـي فـي غيابـك .. سكوتـك
واللـي فقدتـه مـن غيابـك .. حنانـك
عـذرك معـك لوخبـرونـي بمـوتـك
وحقي عليك ان كـان عـذرك زمانـك
ماكان موعد .. وأعـذرك لـو يفوتـك
أنـا انتظـرت العمـر كلـه عشـانـك
غبت ورضيت .. وبعدها .. غاب صوتك
وأبطيت أكذب .. من يقولـون : خانـك
بالله كيـف تحـس فـي طعـم قـوتـك
لامن ذكرت إنسان .. خنته .. وصانـك
ماكـن قلبـه واحــد مــن بيـوتـك
من تحت سقفـه كـم شعـرت بأمانـك؟
وراك خليتـه .. لعتـمـة سكـوتـك؟
وأنـا مـا غيـر أعشمـه فـي حنانـك
فـي غيبتـك ياكـم تمنـيـت مـوتـك
أقل شـي .. أرتـاح وأعـرف مكانـك
*

http://www.al7an.com/ar/song-41177.ram

حــبيت اوضح لك

في عز ماكنت أهوجس فيك وافتح لـك
أبـواب قلبـي خذتنـي رجلـي لبابـك
وجيتك وأنا مااذكر إني كنت رايـح لـك
بس اذكـر انـي كـذا لاطـول غيابـك
ياما ترددت مدري كيـف بشـرح لـك
أجيك وارجع .. أبيك تقول وش جابـك
ياابن الأوادم تـرى مليـت ألمـح لـك
أنا أعزك .. وأحبك .. واعشق ترابـك
لاضقت اضيق .. ومتى ماتفرح أفرح لك
ولاغبت أموت ومتى ماشفتـك احيابـك
ان كـان ودك ترسيّنـي علـى كحلـك
لمّيت عمري .. وخاويتك على أهدابـك
لكن قبل تنجرف .. حبيت أوضـح لـك
مستقبلي في يدينك .. وأعمـل حسابـك
لوضاع مستقبلـي مانيـب سامـح لـك
يكفيني الماضي اللـي ضـاع بأسبابـك

*

http://www.al7an.com/ar/song-41163.ram

ســوال

لاتكدر خاطرك ضيقة حبيبك يوم قال
ايه احبك يابعدهم بس انا وين اغدي
ضيقتي ماهيب بس اليوم يابنت الحلال
ضيقتي لها ثلاث سنين تاكل من يدي
ضيقتي مافي وفاها يابعد عمري جدال
كل ليله تبسط يديها وتفرش مرقدي
ودي اسكت بس اعرف الحظ لامن مال / مال
لي متى والصمت ينهش في ضلوعي وجسدي
شوفة عيونك .. هموم وضيق خلق وقل حال
وش اسوي دام حظي يابعد عمري ردي
هي كذا عيشة حبيبك لو تظاهر بالكمال
اقرب ايامه سعاده بعدها بعد الجدي
هي كذا وانتي بكيفك بس باقي لي سؤال
فيه دمعه في عيوني تنتهي او تبتدي ؟!
كلها مابين كلمة روح او كلمة تعال
كلمة منها اضيع وكلمة فيها اهتدي
هذا كل اللي بقوله .. واعذري قل الوصال
والله ادريبك زعلتي بس انا وين اغدي
*

http://www.al7an.com/ar/song-41174.ram

سكـه الـذكرى الحـزينه

مرّني طيفك .. وطيفـك صاحبـي مـدري عـدوّي
جايبٍ صوتك .. وصوتك سكـة الذكـرى الحزينـة

قال أنا جوّي تكـدّر .. قلـت : ماهـو كثـر جـوّي
قال فرقانـا غبينـة .. قلـت : وأكثـر مـن غبينـة

قال : أنا بـأموت من غيبتك قل لي ويـش أسـوّي؟
قلت : أنا أبغى الموت في غيبتك .. قل لي بس وينه؟!

قبل ترحل .. كنـت أقـول بيسـرح أيـام ويضـوّي
مثـل ماعودنـي اليـا اشتقـت لـه جابـه حنيـنـه

بـس هالمـرة ثمـان شهـور وضلوعـي تــدوّي
كل يوم أشتاق لـك .. يلعـن أبـو الشـوق وسنينـه

كـل ماعشمـت قلبـي .. قـال ياضلوعـي تقـوّي
ورحـت أنـا ويـاه نرقـب رجعـة اللـي فاقدينـه

نوب أقـول اليـا رجـع بكـون فـي قمـة هـدوّي
ونـوب أقـول الا أبزعـل وأتلـى مابينـي وبينـه

كل يوم أجلس على جـال البحـر وأقـول تـوّي ..
.. لاسألني : مافقـدت الحلـم فـي لمسـة يدينـه ؟!

مادريـت أن البحـر ماقـال لأمواجـه تــروّي !
و مادريت أن الغـرق هـو حجّـة غيـاب السفينـة

مادريت .. أو مابغيت أدري .. ولاأدري وش بسـوّي
لو رجعت .. وشفت طيفك فـي الممـرات الحزينـة

وين ابنسى وانت طيفـك صاحبـي مـدري عـدوي
مارضى يترك لغيـره شبـر واحـد فـي المدينـة!

*

http://www.al7an.com/ar/song-41173.ram

سحــابه

جف الكلام ومـدت يدينهـا فـوق : ..
.. أخترت هذي .. وأنت شف لك سحابه

قلت .. ويديني تحتضنها مثل طوق .. :
أختـرت هـذي هـذي أكثـر رحابـه

هذي دفا صوتٍ مـن البـرد مخنـوق
هذي سـؤالٍ نصـف عمـري جوابـه

هذي هي اللي عرّفتني علـى الشـوق
هذي قدر .. ماكنـت حاسـب حسابـه

قطعة حزن في جيب بالـي ومشقـوق
ومضة فرح في عيـون نـاسٍ غلابـه

أن سولفت فـي ثغرهـا لمعـة بـروق
وإن سرّحت في عيونها صمـت غابـه

واليا اضحكت نورٍ من الفجر مسـروق
واليـا بكـت تحـزن عليهـا الكـآبـه

حبي لهـا لـوأدري ان فيـه مخلـوق
قدّ حبّ مثلـه .. قلـت : "ياللغرابـه"

هالآدمي من وين له قلـب وعـروق؟!
والصبر هالمسكين مـن ويـن جابـه؟

وأنـا أتكلّـم .. ردّت عيونهـا فــوق
ثم تمتمت : من هي هالأكثر رحابـه؟؟

قلت ويدينـي تحتضنهـا مثـل طـوق
فـي ذمتـي ماشفـت غيـرك سحابـه

*

http://www.al7an.com/ar/song-41172.ram

صـلاه وعناقيـد

عدّى عمر .. ياليت الأعمـار تنعـاد
وأرجع بـلا شيـب وبليـا تجاعيـد

أرجع وأضم أبوي وأقـول: لا عـاد
تموت وتتركنـي مثـل ليلـة العيـد

يوم اسألوا عنـك الصبايـا والأولاد
وقلت:أمي تقول انـه مسافـر بعيـد

بكيـت ليلتهـا وناديت..مـا فــاد
وظليت أصوت لك .. وأناديك وأعيد

عوّد يا بوي وجب لي ثيـاب جـداد
يا كثر ما تنسى يـا بـوي المواعيـد

بكيتـك لحالـي وأنـا كنـت معتـاد
تكف دمعي بـإيد وتضمنـي بـإيـد

كم كنت محتاجك تجي كنّـك رقـاد
تمطر من كفوفـك صـلاة وعناقيـد

احتجت لك طفلٍ كسر قلب الأعيـاد
واحتجت لك طيش وشباب وتناهيـد

واحتجت لك شاعر له أحباب وأضداد
واحتجت لك رجال يخشـى المناقيـد

احتجت لك .. واحتاج لك ظل وسناد
العمر ينقص واحتياجـي لـك يزيـد

*

[/b]http://www.al7an.com/ar/song-41164.ram

عــين بـدوي

*

http://www.al7an.com/ar/song-37695.ram

مــشاوير

ياقلب طالـت قسوتـك وأنـت ليّـن
في قسوتك ياقلب ويش انت لاقي !؟

اللي تعـدّى عمـر ماهـوب هيّـن
والعالم الله كم مـن العمـر باقـي !

يمكن يطول .. ويمكن اليـوم أعيّـن
موتي .. ويبكون الحبايـب فراقـي

وش عاد أسوي وسط قبري وأزيّن ؟!
لاجفت عروق .. وعيون .. وسواقي

لا عاد بـه فرصـة عشـان آتحيّـن
ولا عاد به زفـرة وأفـك اختناقـي

باكـر وكـل اللـي سترتـه يبيّـن
وانا علـى هالحـال ميّـس وهاقـي

مـدري متـى يهدينـي الله وأديّـن
وأكف عن بعض المشاوير ساقـي !

*

http://www.al7an.com/ar/song-41171.ram
وحــده بوحده

ياغايـبـه وان كــان فيـهـا جمـالـه
تجمّـلـي يــاام الـحـلا والظـفـايـر

بالله شوفـي صاحـبـك كـيـف حـالـه
شوفيـه فـي غيبتـك وشلـون صايـر ؟!

صارت حياته ضيـق خلـق .. و بطالـه
هم .. وسهر .. واوراق شعر .. وزقاير !!

يعنـي حبيبـك صـار حالـتـه حـالـه
مابـاقـي الا انــه يــدّن العـبـايـر

الله لامـنّــه ذكـــر مـامـضـالـه
قـبـل الـدوايـر ماتـجـر الـدوايــر

يــوم الطفـولـه والشـقـا والجهـالـه
يـوم الصغايـر فـي عيـونـه كبـايـر

ايــام كــان معـانـده راس مـالــه
ويـسـوق لهـبـال الشـقـاوه بشـايـر

يامـا امتلـى بالحـب والطـيـش بـالـه
ويامـا امتلـت مـن شخبطتـه العـوايـر

يكتـب عليهـا : ( عااااشقـك للثمـالـه )
ويخـطّ توقيعـه : ( جريـح الضمايـر )

يامـا اشتكـاه ابـوك فـي بيـت خـالـه
ويامـا تحصّـل مـن هـواك العـزايـر

مـره حـلـف بـأنـه يبّـطـل هبـالـه
وقبـل يكمّـل .. فـك اخـوه الستـايـر

ثـم طالـع الشـبـاك.. ليـنـك قبـالـه
وفي اقل من لمـح البصـر جـاك طايـر

علـى صغـر سـنـه ممّـيـل عقـالـه
كااااشـخ وناسـي لايـصـك الـزرايـر

لاشـافـك يتمـتـم لـحـالـه بـحـالـه
لعيـون هالشـوفـه تـهـون الخسـايـر

ولاشـاف زول ابـوك حــذّف نعـالـه
الحـب جايـر .. لكـن العـود جـايـر

طفـلٍ يتيـم ورغـم الأحــزان دالــه
مايـدري ان حظـه مـع الوقـت بـايـر

كنتـي طموحـه .. كنتـي أغلـى حلالـه
كنتـي وصرتـي بـس يــاام الظفـايـر

طفـلٍ زرع مـن ضحكتـك فـي خيالـه
ليـن اثمـرت شعـرٍ هـزالـه حـرايـر

لاتتركيـنـه فــي غيـابـك لـحـالـه
بالله شوفـي كـيـف هالطـفـل صـايـر

ووحـده بوحـده كـان عـنـدك عـدالـه
اتبّطلـي غيـبـه .. و ابـطّـل زقـايـر

*

http://www.al7an.com/ar/song-41178.ram