الله من شمس ٍ تأخر شروقها
الله من شمس ٍ تأخر شروقها=ونفس المحبة زود البعد شوقها من سبّة اللي ناظرتني وسلهمت = وحالي غدا عوق المحبّه يعوقها من أبعدت خلّت مع الروح حزنها=ذكري من الماضي لقلب معشوقها الروح راحت من تجافيه وامحلت=وحتى القصايد مبطيه عن أطروقها من عقب فرقاها تحريت شوفها=أرتاح بالملقى ويركد خفوقها يابوعيون ٍ زينها يفطر الحجر = من شافها يشكي مواجع فتوقها كم مرةٍ ناديت وأنطق بأسمها=أحلا والذ من العسل طعم ذوقها حبيبتي دايم أفكر بطيفها=حبه بوسط الروح يسكن عروقها هي منوتي بين المزايين كلها=هنيّ من يمسك طوارف سبوقها ياهم قلبي من سبايب فراقها= فرقاه مثل النار وألا يفوقها ياليت تجمعنا الليالي ونهتني=وأحطّها بالعين وحجور موقها |
مبدع البحر الهلالي
فرج الدهمشي ما اجمل ماتبوح به مشاعرك صح بوحك تحياتي,, |
الغالي
الشاعر فرج الدهمشي الله انه يسعدك ويوفقك بجميع اوقاتك بكل خير ولقد اسعدني ان اكون من ضمن المصافحين لهذه القصيده الاجمل من جميله و الاروع من رائعه وصح لسانك وعلا شانك مليون ولايكفون تقبل تحياتي |
اقتباس:
الشاعر القدير / خيالها أشكرك على الأطراء الجميل وأشادتك وصح بدنك ولاهنت يالغالي دمت بخير |
صح لسانك
وعتلاشانك يافرج تحيتي وتقديري |
اقتباس:
سفير المعاني صح بدنك طال عمرك شاكر لك مرورك العطر تقديري |
فرج
صح لسانك على هذه الرائعه تحياتي . |
فرج
يعطيك العافيه على مابحت به وصح السانك تقبل مروري |
فرج الدهمشي
صح نبضك نص اكثر من رائع .. مودتي |
ياليت تجمعنا الليالي ونهتني---وأحطّها بالعين وحجور موقها ان شاء الله الليالي المقبله تحمل خير صح لسانك يا الشاعر ولاهنت |
الساعة الآن 08:08AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية