شبكة رهب الأدبية-ريما محمد السديري - الشايب والبيك اب ..لوووول

الشايب والبيك اب ..لوووول

الشايب والبيك اب

يسولفون عن شايب نوى يشتري له بيك اب علشان يسقي الحلال , وهالشايب متقاعد

وشاريله رعية غنم وفوقها خمسين ناقه , فأخذ يجمع له دراهم لين صار عنده حول الخمسة وثمانين ألف درهم فقام و توكل على الله وعزم يروح يدور له بيك اب.

صدفه و هو يمشي إلا ذيك الناس مجتمعة في أرض فضاء كبيرة ولآَ حولهم بيك اب واقف.

عجب خويناالشايب شاف البيك اب وهو ماشاء الله يبرق من بعيد ووقفته شي عجيب , قال بس لقيناه خلني اروح أوصلهم وأشوف كم هو واصل سومه و إذا هم حادينه اشوف كم هو عليه.

وصل عندهم الشايب ووقف يسمعهم يحرجون , وأستانس بالحيل لأنه ماهو غالي.

ولا ذاك الرجالماسك الميكروفون ويحرج 50,,52,,55,,ومن قال زود ,

قال الشايب بس شكلهم يحرجون على اللبيك اب ولا هو غالي وإن شاء الله يكون من نصيبي.

ودخل معهم بالمزاد ,,,56,,,ويزودون...ويزود...ويزودون...ويزود.

المهم وصلوه 75,,,قام خربها وقالهم ,,,80

هو قالهم ,,80,,

يوم طخوا كلهم و سكتوا..!..وهجدوا..!!..والتفتوا عليه!!!

يناظرونه..و يناظرون بعضهم..يوم تغامزوا ونقزله واحد منهم.. وسحبه على جنب

وقاله شف يالطيب أنت باين عليك أبن حلال وطيب بالحيل , وش رايك لو نعطيك شيك

بمليون ريال والحين ,, هالحزه

بس مانشوف وجهك واقف معنا بالحراج .

انصدم الشايب ..أفتر راسه شوي وقال هااااا..وش السالفة..؟؟؟

مليون ريال ..وليه..؟؟

قال له الرجال (خويهم) بس خذ هالشيك وتوكل على الله والله يستر عليك ولالك بالطبخه.

وش اسمك ؟؟. عطاه أسمه وكتب له الشيك بمليون ريال وصرف الرجال من الحراج وهو مايدري

وش السالفه!!!.

طيب وش العلم علمني ..؟؟

علمه بالعلم. أثر ذا الجماعة يحرجون على الأرض وواقفين بالصدفة جمب الوايت اللي

جايبينه يرشون به الأرض علشان يحرجون.

والحراج من اليوم بــ 56 مليون و 75 مليون..وابو الشباب (الشايب) خش عليهم عرض ولايدري شو السالفة.

وهم بعد أخترشوا شوي يحسبونه هامور وبيلطش عليهم المخطط ..قاموا صرفوه بمليون ريال..

وهو ماصدق. طاير من الفرحه,,مليون,,ويقول بخاطره عجزت وأنا اجمع خمسة وثمانين ألف ويجيني ذا الرزق من الله

فسبحان الله مقسم الأرزاق على عباده.

الرزق مثل الأجل يتبعك

******

الله يرزقنا بمخطط بالغلط.

ماحولكم بيك اب

للبيع هههههههههه....