منصور عنده كل جرح وضماده=واليا وقفتي شامخه مايخليك
سوّي بريق الشاي سكر زياده=وأنا قبل مايجهز الشاي أباجيك
لا شفتني جالس بصمت وركاده=عندي خبر وأنا بفكري حواليك
الصمت عن هرج المّسفه عباده=لا تنشغل في شي ماكان يعنيك
الليل ماغطى النجوم بسواده=يافجر لا تظهر ترى البدر يغنيك
ياغادة المعنى ترى الشعر غاده=والشاعر الحّساس يغرقك يسقيك
لو الاماني ماتجي .. بالاراده=لكن علّيْ أني أضحّي وأراضيك !
أنتي ملاك الغيد ؟ لكن شهاده :=أنا ملك من فوق كل المماليك
ماجيت أبزرع في ثراك السعاده=جيت آخذك فوق الكواكب وأهنيك
شاعر ولا يحتاج منهم أشاده=أذن (بلال) وجاوبه صوت هالديك
الزيف مازعزع قوّي الاراده=والصدق من زمُرة هل الزيف ينجيك
ضمي خفوق الشاعر اللي أبلاده=ضاقت وشاف الحلم بأهداب عّينيك
العشق فارس والاماني جواده=وأنتي سحر هاروت مافيه تشكيك !
الله عطاك بفضل سحرك قياده=وشاعرك جاك بكل مابه ومافيك
بس أسمعيني؟ وأفهمي بالافاده=صحيح ضايق وأعترف لك ولا أخفيك
هاذي حياتي .. ياحياة القراده=والله على باقي حياتك يهنيك ؟
يابنت خوذي من كلامي وكاده=البوح بوحي .. والمعاني معانيك
صّحيت جرحي؟ والقصيد ومداده=جرحن بصدر الشاعر اللي يغنيك
سجيت عنك وصار للجرح أعاده=وهربت منك وجيت كلي أناديك
وفي كل حالاتي وجودك سعاده=شفاي منك أو كان موتي على أيديك