|
(( باشة الحور ))
تجاوزي عن غلطتي واعذريني = لو اني ادري صرت ماني بمعذور وعن اندفاعي لك .. لا تسألني = ماهو طبيعي بس ساورني شعور شعور كبّر صورتك وسط عيني = وشفتك كما القنديل في ليل ديجور هاجس غرامك بالهوى محتويني = يشعل فتيل الذاكره بالمدى نور أنا كتبتك بالورق .. وأرسميني = اصدق مشاعر والاحاسيس دستور ياحلم عمري . ياغلاي . وحنيني = باقة حروفي بالغلا ورد وزهور يانبض قلبي .. ياخفايا كنيني = ورد المحبه داخل القلب منثور ياما انتظرتك طيف عيا يجيني = بين الامل والياس والهم والجور ياما سهرت الليل والشوق فيني = يحرق عروق القلب ياباشة الحور الحلم يكبّر .. والغلا يعتريني = شوقي مسافه مالها درب وجسور عهد الوفا والحب بينك وبيني = صفحة معاني خالده مابها زور وانتي مكانك بين قلبي وعيني = وحبك ترى بالقلب له ساس وجذور |
الفلاحي
صح بوحك ولاهنت تحياتي.. |
الغالي
الشاعر الفلاحي الله انه يسعدك ويوفقك لمافيه الخير اسعدني مروري وان اكون ضمن المصافحين لقصيدتك الجميله بجمال حضورك الاجمل وصح لسانك وعلا شانك لاهنت تقبل تحياتي |
الفلاحي
صح لسانك على هذه الرائعه تحياتي |
خيّالها
اسعدني مرورك شكري وتقديري لشخصك الكريم |
الفلاحي
صح لسانك على هذا النص السلس والبديع سلمت وسلم نبض قلبك مودتي |
شعور كبّر صورتك وسط عيني = وشفتك كما القنديل في ليل ديجور
الشاعر الفلالالاحي رائع هذا النص صح قلبك |
| الساعة الآن 03:08PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية