|
قطو المدينة وقطاوة الحارة
http://www.sfgate.com/blogs/images/s..._cat_white.jpg
قطو المدينة وقطاوة الحارة مروان <<< دلع الاسم بأي طريقة قطو مدلع يمشي بغنج من صغره وهو نايم في البراد والمكيفات والدلع مربيته بنت دلوعه حيل اسمها سوسو ودايم تروشه وتلبسه على رقبته طوق احمر فيه جرس واذا مشى بغنج يرن الجرس بطريقة دلع كثير النوم والاكل اذا طلع للحديقة اقل من نص ساعة اعتبره انجاز في تاريخه يعاني من زيادة بالوزن يحب الشيل والحط يحب سوسو لمن تجيبه عند صاحباتها وتخليهم يناظرونه وتبدا رحلة مروان مع النواعم والتدليع ياخذ بوسة حضنه طبعا هو مو قايل لا هالدلوع مرت الايام ومروان او ميمي جالس بهالقصر لاشغلة ولا مشغلة الا النوم والاكل والتسدح والتبطح وبيوم وبتاريخ اسود تتجاة العائلة لتمشية خارج المدينة وقف رب الاسرة الشايب وركض مستعجل لدورات المياة والبنات وامهم والشغالة نزلو للسوبر يتقضون طبعا مروان اخذ له طرف من الجمس وساحبها نومة والمكيف يهف على راسه ولا احلى فجاءة صحى مروان وفتح عيونه ولا حصل احد بالسيارة طبعا حصل الدريشة مفتوحة وقال ويش فيهم يتمشون ويتركوني نايم ونزل وجلس يفرفر ويدور عليهم ما في احد طبعا من كثر الكسل اللي فية فهو سهبة ودلخ مسك خط يمشي ولا يناظر وراه في ذيك اللحظة رجعو للسيارة ومشو العائلة وكملو طريقهم ومروان جالس يمشي لحارة شعبية ورى المحطة من دون ما يدري حس بتعب وطفش وحر وقال شكلي مضيع وين راحو هذولا ؟ فجاءة اخذ لفة مقابلته والا فية قطوين شرسين نزالين مكامخ ومهابد ببعض طبعا مشهد اول مرة يشوفه مروان القطو الاول سداح يقول لو اشوفك توطوط جنب سطل هالقمامة لا احش رجولك فاهم والثاني عبوش يقوله ليش بأسمك هو لا قول بأسمي ورجعو للوطيس حقهم وطبعا مروان بكل ادب واقف يتفرج وساكت شوي تعبو وقال سداح دقيقة خلينا نريح والله تعبت قال عبوش انا بعد تعبت ... ناظرو والا مروان يناظرهم وساكت قال مروان هاي كيفكم تسدحو من الضحك سداح وعبوش قال سداح ويش هالقطو النظيف من وين جاي هالحبيب قال عبوش الله واعلم من حارة ثانية اول مرة اشوفه قال عبوش خله عندي اشوف ايش سالفته هلا يالحبيب ايش تبي اول شئ انت قطو والا قطوة قال مروان انا قتو واسم الدلع حقي ميمي عبوش فقع ضحك وقال سداح تعال تعال شف شف لقينا شئ نتونس علية يقول كتو واسمه ميمي هههههههههههههههههه الله واعلم ليلتنا انس هلا ميمي يالحبيب انت من وين ؟ قاله عبوش رد ميمي والله ما اتدري كليل اتلع من البيت انا تايمن اكون نايم بالبيت ولا اعرف فين قاله سداح يعني انت من اي سطل جاي اول وين كنت مستأجر لا يكون من الحارة اللي ورانا حقت سويدان وربعه قاله عبوش يا كمخة سويدان وربعه خوال وهذا ابيض ونظيف ويش اللي جالس تقوله انت انت شف النظافة والريحة لو راح لحارة سويدان يرجعونه لك قطوه هذا الله واعلم الله واعلم من الحواري اللي فوق اللي زباليهم فيها اكل جديد تخبرها يومن نروح بالعيد اللي طاف لهم قال سداح ايه ايه تذكرت يومن بغت تدعسني لكزس وطاح عبوش من الضحك قاله سداح ويش فيك تضحك لمن اموت يقولون ادعسته لكزس مو وانيت مقربع انت ووجهك والحل هالحين هذا بيخلي القطوات يلجونا ويصجونا مشكلة والله تنظفو زي ميمي نبيكم الخالق الناطق ميمي تدري الشمس غابت وابيه ينام عندي الليلة دامه مضيع ولا يعرف وين ارضه عصب سداح وقاله افا ليش عندك يالحبيب لا والله ما ينام االا عندي انا عندي مكان وسيع وبراح يالله من فضلك حوش تركض فيه الخيول اما انت حدك تنكة تمر منطولة ورى وايت مجاري قال عبوش تخسي والله ما ينام الا عندي وطبعا ميمي ساكت ومؤدب وجالس يتفرج قال سداح خلاص خذ السطل حلال زلال عليك وخلي ميمي ينام ويسمر معاي قال عبوش معصي الا عندي وانت خل سطلك لك ما عاد ابيه وبعدين تعال المعزبة قطوتك عندك تخلي قطو يدخل ويشوفها ضحك سداح وقاله يا اخوك هذا نحطه مع باقي القطوات يسليهم ويلعب معهم لا يغرك الجسم وبعدين المعزبة عند اهلها تولد عندهم واذا قامت ترجع بالسلامة هي وباقي الدرزن قال عبوش بحكم اني عزوبي وكل قطوات الحارة بس ديت الى الان ولا فكرت في الارتباط ميمي بينام عندي فجاءة قال ميمي يا جماعة شكرا شكرا انتو خجلتوني مرة مرة بحرصكم عليه وخوفكم علية من الضياع انتو ناس بريفتك وااااااااو كول كول مرة مرة اصلا انا اخاف كتير لمن انام لوحدي لازم احد ينام معايه زي سوسو ناظرو ببعض سداح وعبوش وقالو والله عندي قال الثاني لا والله الا عندي انا 1 - هل يبقى ميمي دلوع والا الحياة تخلية عربجي ؟ 2 - هل راح ينعرف في الحارة والا سداح وعبوش يخفونه عن القطوات ولا احد يدري عنه ؟؟ 3 - تتوقعون سويدان وربعه يدرون عن ميمي هل ستقوم حرب بين حارتين بأسباب الدلوع ميمي ؟؟ 4 - تتوقعون يرجع للدلع والا الحارة تعجبه ؟؟ |
ههههههههههههههههههههههههههههههههه
الله يعين ميمي هكذا الدنيا غدارة خخخخخخخخخخخخخخخخ تسلمي انا كلي شموخ تحيتي لكي |
ههههههههههههههههههههههههههه
والله اللي راح فيها وطب ديرتن مهي ديرته انا اتوقع انها راح تمر عليه ايام وعصيبه يعني افلام رعب ومغامرات واكشن كلي شموخ الله يعطيك العافيه تصلحين مخرجة افلام كرتون دمتي بصحه وعافيه |
ويسلم من قال ولعيونكم هذا الجزء الثاني http://www.yabdoo.com/users/71066/ga...87_p163072.gif ومع زغاريد الصباح وصوت العصافير صحى ميمي وهو متكسر وعبوش نايم وراه وحاضنه ميمي عبوش شوية الله يخليك خليني اعرف اقوم من النوم ايش هدا مرة سريرك ضيق وصغير عبوش يصحي بتثاقل وفاتح عين ويقوله صباح الخير يا حلو كيف نومة البارح والله اسف المكان مو قد المقام بس صدقني وعد مني اضيفك في مكان احلى وارقى من هالتنكة المصدية ميمو ايش راح تجيب لي فتور والله جيعان مرة مرة عبوش ضحك هههههههه قال اجيب لك ههههههه ويش اللي اجيب لك امش حلنا ندوج على هالمطاعم والا سطول القمامة ندور رزقنا شوي صوت سداح من بعيد يا عرب احم احم عبوش يقوله عرب بوجهك ايش اللي ياعرب داخل غرفة بنات انت واحد وخوية بالعزبة نايمين تعال يا مؤدب يا اخلاق تعال خلينا نسوي رحلة الفطور وندور عن شئ ناكله رد سداح خلها على ربك البلدية جات شركة جديدة ومن اذان الفجر الله لايوريك مسحو نص السطول اللي بالحارة يعني شوفونا ترانا احسن من الشركة اللي قبل قاله عبوش يومين بالكثير وما نشوفهم الا حزة العصر ما عليك تتدبر تدري يا سداح انت ومروان ايش رايكم نروح لمطعم عبده صالح ترى خلف المطعم يرمي اللحم والعظام نروح نعرش فيها ونجي ميمي ايش هدا عبدو وسطول لا انا ابي تونة وشوية بيض زي ما كانت تسوي لي سوسو رد سداح والله اذا عبوش بيصير سوسو مو مشكلة ناظر فيه عبوش بنص عين و طنشه المهم وهم يمشون متهجين للمطعم قال سداح لعبوش هاه كيف البارح انبسطت ناظره عبوش وقاله ويش تقصد قسم بالله لو اسمعها ثاني مرة لا عاد تعرفني ولا اعرفك زين ... وساد الصمت للثلاثة كلهم وفجاءة ميمي سألهم ليش اسمائكم كدا رد علية عبوش انا اغوص بالبراميل وانزل تحت مرة واطلع معبش من الوسخ من صغري فسموني عبوش اما سداح اسمه كذا لانه دايم متسدح الا في حالتين يا انه لاقي اكل او قطوة يغازلها لكن دايم تلقاه متسدح مرة على جدار مرة بحوش ببيت بأي مكان قال ميمي اها يعني اسمائكم مرة كيوت وظريفة وصلو للمطعم طبعا مطعم شعبي ما في ابواب ولاشئ قال سداح لعبوش انت رح للطاولة هذيك اللي عندها الشايب هذاك وتمسح برجوله وتعطف الين يحذف لك شئ رد عبوش يا كرهي للحركات هاذي تخبر اللي رفسني وربي يومين ما قدرت امشي قال انت يا ميمي قاله ميمي نو نو انا اعرف اتصرف لاتقولي باااي وطبعا سداح طلع برا المطعم لمكان في الخلف وجلس ياكل ولا قالهم عبوش تمسح الين صار يشم ريحة رجلين الشايب ولا حياة لمن تنادي اما ميمي اتجه لطاولة عليها اثنين شباب عاطلين ومعهم ملف علاقي يدورون وظايف زي كل يوم فيصل هلا خالد شف هالقطو ابد مو قطو داشر باين انه ولد عيلة خالد يناظره ويقوله ولد عيله ايش ؟؟ ويش تقول انت قال شف هالقطو والله مدلع ونظيف ايه ويش فية يؤؤؤؤ لاترمي له شئ ويش فيك انت يا اخي اعجبني رد علية فيصل قال فيصل ايش رايك ناخذه معنا البيت ناظره خالد قاله حنا مو لاقين ناكل تبينا نوكل قطو اقول مشينا ندور وظيفة مجرد ما راحو نط ميمي على الطاولة وبدا بالاكل والا صوت صريخ ومصارخ خلا ميمي ينط من الفجعة برا المحل ويهرب هو وعبوش عبوش هاه عساك افطرت يا ميمي ايوة افطرت بس اليمني معسب ليه ما اعروف ؟؟ ايوة انت نطيت على الطاولة والله انك مهبول احمد ربك والا كان مسكك وقطعك يااااااااااااااااي يقطعني ليه ؟ رد ميمي قاله انت يبي لك شرح لكل شئ خلينا نرجع الحارة وربك يحلها الا وين سداح ماله شوفه ميمي انا اخبرو معنا لمن دخلنا المطعم بعدها اختفى شوي صوت من بعيد عبوووووووووووش يا خاين يا قليل الذمة ياللي ما تستحي تخوني وبعز الصبح وتمشي مع قطوة وتتفشخر يا مخيس يا معفن وانتي تعالي ما تدرين ان هالقطو خطبني وانشاءالله الزواج قريب عبوش وهو يضحك لالالالا يا سمسم هذا قطو مو قطوة ويش قطو ؟؟ قطو كذا واااااااااو هذا قطو ويش هالزين عبوش اص يا قطوة ترى بديت اغير سمسم قالت تغير تطير اللي يعجبك ايه هاذي هي القطوة اللي تفتح النفس مو عبوش وسداح الله يحوم كبد العدو انت ويش اسمك ومن وين ؟ سمسم تسأل ميمي ويرد ميمي انا ميمي ويش ميمي ههههههه انت قطو والا قطوة قال لا كتو وكتو شرس مرة مرة قالها عبوش هذا قطو بس مع وقف التنفيذ وهم يسلوفون كان فيه قطو اسمه عصعص سمع سالفة سويدان وربعه لمن سداح سأل ميمي وراح ركضة لحارة سويدان طبعا هو عميل مزدوج اذا سمع خبر في حارة سويدان يعلم سداح والعكس صحيح دخل حارة سويدان وجلس يراكض ويدور على سويدان شوي حصله جالس مع الشلة والربع قال يا سويدان نعم ايش تبغى مع الصوبح رد عصعص انا عندي سالفة من امس في الليل بس حارتكم تخوف وماتنطب في الليل قلت اجي الصبح وابلغك ايوة ايش عندك خلص مو فايق لك وربي هات الزبدة وانقلع طيب طيب قاله عصعص فية قطو من حارتكم حابسه سداح بحارتهم التفت سويدان له بغضب وقاله ايش تقول ؟؟ وكيف ؟؟ ومتى ؟؟ |
مووووووت ضحك تجنن القصه وبطلها ميمي والكوميدين سداح وعبوش.
سرد قصصي رائع ولا فيه اجمل من قصص الحيوانات وانتي بداعتي فيها...والله ميمي زي القطو الي عندي لازم اجل نعطيه كورس مع سداح وعباش يتعلم شوي ويبطل دلع ويقدر النعمه الي هو فيها عندي. تنفعين تكتبين قصص وسيناريوا حواري لافلام دزني حقت الحيوانات بصراحه راح تبداعين ماشاء الله عليك. في انتظار مصير ميمي المجهول |
هههههههههههههههههه بسرعه نبي التكملهـ
لازم نشوف مصير ميمي>>عشقته كك هع هع |
الله اقرا هذي كلهاااااااااااااااااااااااااااااااا
اذا خلصتوها علموني عشان اضضضضحك ههههههههه |
ياثقل دمك عبووودي جده مو مثل غيرك الله يخليهم بس |
هههههههههههههههههههه
شـكــ وبارك الله فيك ـــرا لك ... لك مني أجمل تحية . |
| الساعة الآن 07:49AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية