لعيون نوت الوايليه وغلا أمويس
لعيون بنت تنخــــي بالســـناعيس"...."جيت بظفر هايس ومركاض ضاري ماني عصا موسى ولاغيري بليس"...."ذيب وابى القىلــــي سباع ضواري كل من مقدّم مهرته بساحة الريس"...."والحظ سوق وفيــــــه بايع وشاري بس دام انا ربعي على الخيل فريـس"...."ماهزتن هــوج الريــــــاح الذواري وأنا من الي لاأنتخو في قفا العــيس"...."نسكر طــــنا وماكن للموت طــاري من يوم شمّر فارس بدار بلقــــيس"...."فينا السطر والــجود مالـــه أمباري حث المطايا لأجل كسب النواميس"...."يشهد أبــن ثاني ويشهد مــــشاري ياما طوينــــا مــن بعيـد المراميس"...."لعيون من تلـــــــبس زبون وهباري كلمة وحرشا عــــن عشره تماليس"...."شفي مــع المره بعــــــيد المـساري والبيرق اللي راح لمحــــمد فطيس"...." لولاه انا ماجيت في الليل ســــاري لعــيون نوت الوايليه وغلا أمويس"...."كان السـعد غاب الضحا بالعصاري كم فرخ حر هــــاش وأدمى قرانيس"...."والطــــير بأول هدتــــــه له مواري وانا بــلغت من الطـنـا والهـواجـيس"...."تفكير سـكران الخـــمر في المثاري مارافــق التـاجر أجالس مفالـــــيس"...."ياللي تــهز الراس لا ماأنــــت داري تبدلت في الــــوقت كل المقايــــيس"...."عصر المصالح وين عصر البخاري دولارهــــــم بــعيون مثلي قراطيس"...."والرأس مالـــــي في حياته أجباري لو عند راعي المـــال ذرة أحاسيس"...."ماحــط عنــــده بالقصور أستشاري مالي ومال مدوّريـــن الدنافـــــيس "..."ديمـــومة أفكاري مــــزون وخباري ماعاد أفــرق بيـــن حلم وكـوابيس"...."ولابين عيني غير غير يوم المثاري |
انت رائع هذا اول رد لي بالمنتدى اجبرتني ان اقول صح كلك ياذوووووووووق تحية محبه واخآ |
شكرا ولي الشرف
بمرورك وهطول عذبك اخوك |
قصيده والقاء رائع
صح لسانك حماد الخريصي ماننحرم من جديدك دمت بكل خير |
سلمت وغنمت يا الشاعر البيطار
قصيده رائعه تحمل من المعاني الساميه والمضمون والقاء رائع بروعة حماد لاعدمناه تحياتي |
صح لسانك واحساسك قصيده والقاء رائع صح لسانك حماد الخريصي ماننحرم من جديدك دمت بكل خير |
حماد الخريصي هنا ياهلا ويامرحبا حياك الله وسعداء بمصافحة جديدك صح لسانك وعلا شانك ياحماد اسمحلي هنا اختلف معك في وجهة نظرك لو عند راعي المـــال ذرة أحاسيس"...."ماحــط عنــــده بالقصور أستشاري الاحاسيس مالها دخل بالمال ياعزيزي |
,’ أَحسدِكْ يَآ نُـوتْ .. :) صَحْ لسَآنكْ وعَلا شَآنكْ شَآعِرِي القَدِيرْ .. قَصِيدَه رآقتْ لِـي كَثِيراً .. سَمِعتهَآ أكثَـرْ مِنْ مرّه .. دُمتَ شَآمخِاً .. :r: |
والبيرق اللي راح لمحــــمد فطيس لولاه انا ماجيت في الليل ســــاري لعــيون نوت الوايليه وغلا أمويس كان السـعد غاب الضحا بالعصاري اسمح لي أولاً أن ارحب بك هنا في منتديات رهب القصيد فهلاً وسهلاً ومرحبا وأسمح لي ايضاً أخي حماد الخريصي الشمري هل من أجل ابن فطيس تنتخي بعيون االوايليه وغلا أمويس فقط .. ؟؟! ام هناك أمور أخرى لا نعرفها لك كل الحب والتقدير واهلا ومرحب بك . |
ارجع مرة ثانيه االشاعرحماد
حيرتني الكلمات قراءتها اكثرمن مره لروعتها ياليت تشرح لناتفسيرها انتخيت بعيون الوايليه نوت ومما لاشك فيه انها تملك المال والاحساس والله يرزق الجميع والملك لله قبل كل شي وفي البيت هذا قلت لو عند راعي المـــال ذرة أحاسيس"...."ماحــط عنــــده بالقصور أستشاري مالي ومال مدوّريـــن الدنافـــــيس "..."ديمـــومة أفكاري مــــزون وخباري كيف يتناسب هذاالبيت والفتاه بطبيعتها ممالاشك فيه تمتلك اعذب الاحاسيس وتقبل مروري يعافيك ربي مودتي وتقديري |
الساعة الآن 04:58PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية