السيوف المرهفات
مشــــاركتي فــــي المســـابقه الشعـــــريه فــي ( أم رقيبـه ) قصيـده بعنوان ( السيـوف المرهفـات ) بســــــــم الله الرحمن الرحيـــــــــم
اتعب على جزل الفرايد من رحيـق المعضـــــلات = اجـــيبها لؤلؤ درر تلمــــــع مابيـــــــن الفيلقيـن نقيتها نقــــي المــــزاين فــــي البكـــار الغاليــات = وأنا بعــــــد لاجــبتها مليـــت فيهــــا كـــل عيـن مادامـها فــي دار ابو متعــب زبــــون الطايــلات = فـي ذا الشنـب ما تقلطيـن الاعلـى فطحـت سـمين يادار هلـــي قـذلتـــك دونـــك صنـــاديد عصـــات = قضــي جعــودك فــي حمـانا عقــب رب العالمين يادار حن درعـك حمى لك مـن نفــوس حاقــدات = درعـك حمــاك إن كشـــرت الانياب بين الشـفتين لاظبظــب البــارود حــقك مــن كبـــار الواجبــات = حنـى علــى بيعــت ابو متعــب رجــال مخـلصـين نحفي على كتفك بنات الريــح صــفر مســرجات = ويحـرم علينا لو عجــزنا عـن حمـاك الأســودين لو يشهــب الحـــوثي بدار العــز راس النايفـــات = مـن دونها نارد حيــاض المــوت بالضــلع المتين ذراك ابو تركـــي بكمـــه فــي السنين الماضـيات = وعقبـه عياله شيدو مــن دونها حصــن حصـين دن القلــم خــلها تخـــط افعالهـــم راس الـــدوات = تبقــى علــى مــر الدهــــر للغائبيــن الحاضـــرين الله يطـــول عمــــر عبــــدالله ويــــرزقه الثبــات = ويبطــي بحكمـه يا اله الكــون فــي صحــه ودين ابو الصغيـر أخوالكبيرغيـث النفـوس الضاميـات = عضـــد لمـن خانــه زمــانه مــن كبــار مقـعدين نحمـــد اله (ن) رد ســــلطان المكـارم والصــفات = قبـل دعاء اللي فـي سـجود الوتر نادو خاشعين ولـي عهـــد المملــكه ريــف اليتــاما الأرمــلات = سـعد الدريـك اللـي عداه الوقــت وهمومه قـطين هـو قـايد صـــقور الجـــزيره لعتــلو بالســابقات = سـتر وذرا يــوم العــــرا يدحـم زنـــود الطامعين رده بديع المـلك في دار السيــــوف المرهفــــــات = ومـن بشــفاء ريــس هل البيعـــه كعــام العايلـين مقــــدم هل العوجــــاء وريسهــم نهــار الكـايـدات = ســــفيرهم حلحيــل حـــلال المشــاكل مـن سـنين احيــا التـــراث وســيس النخبــه وثبتهــا ثبـــــات = عـــز الحــلال وميـــز النـــدر كمــا الـــدر الثمـين عراض اللحي جـرد الرقـاب الراهيــات الطافحـات = سـند الغوارب باهـرات الطـول جرعـات الحنـين اللــي حمـــوها جـــــدودنا يــوم الفعــــول الأولات = فــي شــفها يمشــون معهــا مشملـين وسـاندين واليوم فـي حكـم الملـوك اللــي يضــدون الطغــات = نعمــه وآمـــان وكل قاســي بأمــر مــولانا يليـن يادار حبــك ثابـت(ن) فــي مهجتــي مثل الســرات = ولا تـزعــزع مـــن كـــــلام اليائسـين البائسـيـن حــدك جنـوب مـن اليمـن لانهــر دجـله والفـــرات = ومـن البحـرالأحمر ليا شـاطـي الخليج مشرقين أشــــم فــي أكمامـك خليــط ورود وزهـــور النبات = وأشـوف في ذروت سنامك قلعـة(ن) للناضجين وأشــوف فــي محجـــر عيونـك مرتــع للجـــاريات = وأشـوف فــي غــرت جــبينك معلـــم للسـاجدين يامـوطنـــي يكفــي فخــــر انـــك مــــأم للصـــلات = شــرفك ربــي عــن ســـواك بنــور ثان القبلتين شــرفــك سبــحانه إلهـــي بالصـــور والمعجــزات = وأختـار ربـي منـك خاتـم الأنبيــاء والمرسـلين الشـاعر/ عبـدالعزيز بن محمـد الشـلوه القحــطاني |
الغالي الشاعر عبدالعزيز الشلوه الله انه يسعدك ويوفقك لمافيه الخير اسعدني مروري وان اكون ضمن المصافحين لقصيدتك الجميله بجمال حضورك الاجمل وصح لسانك وعلا شانك لاهنت تقبل تحياتي |
عبدالعزيز
صح بوحك ولاهنت قصيده وافيه بس بشر عساها رقمت بالمسابقه؟ اتمنى لك التوفيق يارب تحياتي.. |
اقتباس:
|
عبدالعزيز
صح لسانك صح لسانك تحياتي |
مرحبا
عبد العزيز القحطاني صح لسانك على هذه العصماء الوطنيه وادام الله لهذا الوطن عزه وسيادته ونصر جنوده البواسل على حدوده بيض الله وجهك ولا هنت مودتي من القلب |
اقتباس:
صح بدنك اخوي خيالها من ناحية المسابقه النتيجه يوم الاحد الجاي 1/3 /1431على ما اعتقد ان شالله اكون من العشره الاوائل مع العلم بان المتسابقين في بدايه الامر(8200) متسابق والحمد لله اختياري من الاربعين انجاز طيب الله يجملني عندك وعند المطاليق اللي شرواك يالقرم تحياتي |
اقتباس:
صح بدنك اخوي عقاب لاهنت على مرورك العطر |
الساعة الآن 01:27PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية