لهفة الشوق
أهديت لك نبض المعاني ومديت = فنجال شعري بالغلا لادعيتك تعال وأكتبني على ماتمنيت = أشرب شهد حبك ليامن ضميتك تعال مل الحلم صبري ومليت = طال أنتظاري بالرجا مانسيتك جيتك على صوت الوفا ماتناسيت = مافيه يومٍ بالمحبه جفيتك أجيك أسابق لهفتي لا تغليت = لا قلت يالبّى خفوقي فديتك رغم الجفا عن الوفا ماتخليت = أهديتك حروف الغلا وأحتويتك ياما شربتك شوق لكن مارويت = من لهفة الشوق والله مارويتك ياما بكيتك بأزرق الدمع وإبكِيت = اللي لمح دمع الحزن لا بكيتك لا جابك الطاري على البال عديت = ورد المحبه في غيابك هديتك كم ليلةٍ مريت بالي وسجيت = لاسج فكري بالتجافي رثيتك كم ليلةٍ من لاهب الوجد ناديت = على دروب الوصل ياما رجيتك لعيونك أشعلت القناديل وأطِفيت = جمر المشاعر ليتني ماهويتك ياليتني بالحب .. ماقلت .. ياليت = ولا تجاهلت الضياع وسريتك ياللي على رجم المشاعر تعلّيت = بين الضلوع العوج ياما لقيتك تستوطن اعروق المعاليق وتبيت = تسكن خفوقي غلا والبيت بيتك ضحيت في كل العذارى وصديت = بعت الحبايب كلها وأشتريتك غنيت في ذكراك بيتٍ ورى بيت = وأفنيت عمري بالقصيد وبنيتك عاهدتك أنسى الحب لكني أزريت = خنت الوعد لجل الغلا ماسليتك خنت العهد وأنا بحبك تماديت = ياللي بخيالي وين مارحت جيتك طيفك يجيني كل ماغبت واقفيت = وأنا على ذكرى الغلا ماعزيتك ياحلم عمري .. يابعد كل ماغليت = لا تلوم قلبي لا طريت ونصيتك . . |
طيفك يجيني كل ماغبت واقفيت
وأنا على ذكرى الغلا ماعزيتـك ياحلم عمري .. يابعد كل ماغليت لا تلوم قلبي لا طريت ونصيتـك / راقت لي كثيرا صح كلك ياجزل |
الله ياعذب
عذوبة ليست مستغربة على شاعر بقامتك رعاك الله صح لسانك وتقبل اجمل تحية لسمو حرفك |
لكل من شرفي بمروره الكريم
على متصفحي شكري وتقديري والسموحة على التقصير اخوكم \\ صالح الفلاحي |
الغالي الشاعر الفلاحي اسعدك الله ووفقك بجميع اوقاتك بكل خير سرني كثيرا ان اكون ضمن المصافحين لهذه القصيده الاجمل من جميلة والاروع من رائعة وصح لسانك وعلا شانك مليون ولا يكفون تقبل تحياتي |
الاخ الشاعر
سفير المعاني سررت بتشريفك وحضورك الكريم الذي زادها جمالن بحضورك لك مني كل الشكر اخوك \\ صالح الفلاحي |
الساعة الآن 11:34PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية