الثريا
أسعد الله مساكم بكل خير أتمنى أن تحوز على رضاكم مع خالص شكري وتقديري , , خلوني أحيا مثل ما أنا ثريا عقلٍ رزين وقلب أنصع من الشاش . خلوني أحيا مثل ما أنا كذيا انقى من الماء من ينابيع ورشاش . أجنب برجلي دروب الرديا ولا ماشي قلوبن مريضات وغشاش . عصفورة الأحلام تاهت هنيا تبحث لها في خافقي غصن وعشاش . ولا لقت إلا ضلوع ٍ بليا صفراء حنايا القلب و ضلوعه هشاش . صمت القبور الموحشات الخليا استوطنت قلبٍ مداهيله قراش . تبكي ندم عمرن قضى من يديا يا للأسف عمرٍ تعداني إبلاش . كفوف حزني طايلاتن سخيا ومصايب الدنيا سعيدات وبشاش . لو قلت لي يا حادي الركب هيا لأقولك ظميا المواريد وعطاش . ولو قلت لي شف هالربيع وتهيا لأقولك جدب المرابيع ودشاش . ولو قلت لي شف هالغصون وتفيا لأقولك ما تذري غصونه اللاش . وهذي أنا رغم المصايب هذيا شوفي بعيد ولا على عيني غباش . أمشي على وضح النقا ما عليا أقلط على جزلات ما أقلط على عراش . وأنا كذا فوق السحايب ثريا عقلي رزين وقلبي أبيض من الشاش . |
عصفورة الأحلام تاهت هنيا تبحث لها في خافقي غصن وعشاش . أهلاً بالهطول الممطر شعر ٍ وابداع حجزاول الشاعره/ ثرياء الشرق أقف كثيرا أمام هذى القصيده التى جمعت الشاعريه والابداع والشموخ والثقه بالاعتزاز بالذات وبحكم زمالة الحرف منذو سنوات اشهد بالله/ وأن كنتي لست بحاجة شهادتي انها قصيده جسدت ملامح ثرياء الشاعره/والانسانه التى استطعت أن تفرض احترامها على الجميع بشاعريتها الفذه وأخلاقها العاليه فااحترموها الجميع وأحبوها \ ثرياء لنا عتب على غيابك الطويل عنا . \ الجميع هنا يجمعهم الحب الشعر والادب بإسمهم جميعاً أطالبك بالتواصل , أنتي شاعره رائعه وأنسانه راقيه وانا على ثقه تأجدين نفسك بينهم /لكن بالتواصل يا ثرياء:d شكراَ مره ثانيه وصح كلك يامبدعه تحيااااتي لك . :r: |
[table1="width:95%;"] | [/table1]امشي على وضح النقا ما عليا اقلط على جزلات ما اقلط على عراش الله الله الله وانتي كذلك شعر وجزاله ثريا الشرق صح لسانك على هذه الرائعه تحياتي |
الشاعره _ ثريا الشرق صح لسانك .. قصيده رائعه وتستحق الاشاده . ومن خلال صياغة هذا النص الرائع من الصعب أن نفرق بين مايقال عنه شعر نسائي أو رجالي . نص رائع .. أسجل اعجابي بكل ماقرأت تحياتي وتقديري . |
وأنتي كذا فوق السحايب ثريا
......... شعرك أصيل وقلبك أبيض من الشاش |
وهذي أنا رغم المصايب هذيا
شوفي بعيد ولا على عيني غباش . أمشي على وضح النقا ما عليا أقلط على جزلات ما أقلط على عراش . وأنا كذا فوق السحايب ثريا عقلي رزين وقلبي أبيض من الشاش ياسلام ياسلام ثريا الشرق صح لسانك ولاهنت على هذا البوح الناصع |
ثريا الشرق
كلمات معبرة ودمتي بخير وسعادة |
ثريا الشريف
صح لسنك وطاب بنانك رائعه بما تعنيه الكلمة دمت بخير في حفظ الله |
الغاليه الشاعره ثريا الشرق اله يسعدك ويوفقك لمايه الخير اسعدني حضوري لمتصفحك واللي يحمل نص شعري كله شموخ ونقاء انتي شاعره متمكنه ورائعه ومبدعه صح لسانك وعلا شانك مليون ولا يكفون تقبلي تحياتي |
ثريا / أنتِ شاعرة تكتبين لنا بماء الذهب ....!!
أقف إحتراماً لهكذا شعر وشاعره ...!!! شكراً تليق بك أختي الكريمه ...!!! |
الساعة الآن 12:32PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية