مرثية الشاعر عبدالله بن حمد المزيد (بسموه)
/ / يالله يللي كل خلق ترجّاه =يا واحدٍ ماصك بابه لداعيه يا عالم من فوق سمع السماواه= كل الملا تحته تخافه وترجيه تفرج لقلب نافل داه برداه= ما اخفاه دمع العين للناس يبيديه هم لجا بالروح و ازريت انا اقواه= إلى اندمل جرح تجدد مكاويه تعاقبت لوعاة بقعا وبلواه= على فوادي لين كسّر مجانيه وايّست من قلب تحيرت بدواه= بين الملا ماله طبيب يداويه و العين مني هلّت الدمع بدماه = ولا عودتني كل من فات تبكيه نجم توارى طيب الله مثواه= وما قدّر المولى على العبد راضيه محمد اللّي باوسط الروح سكناه= بالحلم و ايضا العلم جنبه تباريه قالوا تنسيه لت انا كيف بنساه = خيال زوله قدم عيني تراعيه راع الكرم و الجود و ان حل طرياه= الشاهد الله يبهج القلب طاريه حل اللسان و كلمة الخير بشفاه= سمح الميّا ظاهره مثل خافيه ما علّمت يسراه مبذول يمناه = و الطيب ما هو من هل الطيب شاريه هذي طبيعة عرقت فيه بصباه = واخر حياته بالوفى مثل ماضيه له منزل شاه على العز و ارساه= باقصى الشمال بظل شيخ وثق فيه عبد العزيز بحكمة منه ولاّه= حيثه يعرفه بالمواجيب يشفيه شيخ الجزيرة سايسه لين خلاه = صديقه اللي له مودٍ ويغليه واهل اليمن ما ظن تنكر لحسناه= ونور الضحى ما احد بكفّه يغطيه من قال ابو زيد "أم أمير" تبناه= عز الصديق و ذل من هو يعاديه لا قال قول تم ماتاهن ارياه= و الي براسه حب نبت يوطيه و لا فادنا يا زيد كثر المعاناه = غصبٍ علينا نعطي القوس باريه عز الله انّا كل ابونا فقدناه = وين الذي للصبح يحي لياليه للضيف و العاني بشوش لمن جاه= له مجلس ماصك بابه لناحيه مثل النهر صعب تعدل لمجراه= و الفرع بالراحه تعدّل مجاريه مسكين يا روض ذبل عود مرعاه= جفت النهر و الكل كبت مراعيه فيك العوض يا زيد تسلم و تحماه= يخضر عود الروض ما دمت حاميه عندك فهود منوة اللي تمنّاه= اخوانك اللي ما نزح عنك تدنيه الكل منهم بالمواجيب تلقاه= و الحر لابدّه تشيله خوافيه انت وانا في لوعة عقب فرقاه= يالله عسى همه عن الكيل يجليه يا علنا نذكر جمله و حسناه = ابدى لنا ما كان للغير مخفيه بابيات شعر من تدبّر لمعناه = يلقى الذي فيها عن الناس يغنيه |
الساعة الآن 04:19PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية