قصيدة انفلونزا الخنازيرh1n1
نسأل الله السلامة والعافية وان يحفظ بلدنا خاصة وبلدان المسلمين عامة من هذا الوباء المسمى انفلونزا الخنازير
هذة كيبورية متواضعه جادت بها القريحة واحببت ان تشاركوني قراءتها ولا أمن لنا إلا بالايمان في هذا الزمان الذي كثرت فيه الأمراض والأوبئه الغريبة00وكلي أمل ان تحوز على اعجابكم والعذر على التقصير 00مع تحياتي وتقديري لكم، من [h1n1] العالم يِوِن = ومصدعٍ من هالوباء دوم رأسه يقولون فيروسات في الجو يِحْوْن = (زكام حيوان القرف والنجاسة) اخسى على الخنزير واخبث والَعن = ياشين شكله هو وطبعه وساسه ( أصله وباء قايم) ومن قبل يْعِلن = الغرب عن خدعة وباء 0هو أساسه وقعدن ذياب الغرب عالكسب يِعْون = والقصد واضح اقتصاد وسياسه فَكَر بِشركات الدواء وش يسوّن= وخلا السليم يخاف كثرة عطاسة وان كان حس جسمه بانه مصخن = ومجهد ويتقياء وفاقد حواسه ويتنفس بسرعة وللمرقد يحن = وإسعال وإسهالٍ 00تجيه انتكاسه ويمكن من أعراض المرض عقله يجن = وصاحب عقار( التمفلو ) في وناسه وحاشى يسي بالخالق الحافظ الظن = من يمتلك الايمان هو والكياسة ويارب تحييني موحد ومؤمن = مؤمن قوي مايغلبه كبر يأسه |
صح السانك والله يكفي المسلمين شره لاهنت
|
ورب البيت مبدع مبدع
صح لسانك حتى ترضى لاهنت اخوي |
مبروك الماضي
صح لسانك على هذه الرائعه والمعبره بمضمونها الصحيح الله يكفينا واخواننا المسلمين شر ذالمرض... تحياتي |
اخوي مبروكـ موضوع فعلا رائع وجديد وغير مسبوق اهنيك على مبادرتك الجميله كما اهنيك على على هذ الابداع تقبل مروري ولكـ تحياتي |
الشاعرالقدير
مبروك بن ماضي صح لسانك وعلى شانك على هذه القصيده الرائعه ونسأل الله ان يحمينا من هذا الوباء وجميع بلاد المسلمين حفظك المولى |
صح لسانك
تقبل مروري |
مبروك بن ماضي
صح ألسانك على القصيده الجزله والله يكفينا شر هالمرض لاعدمناك |
الغالي
الشاعر مبروك بن ماضي الله انه يسعدك ويوفقك لا فيه الخير واسعدني مروري على متصفحك ومصافحة قصيدتك الرائعه والله يكفينا شر المرض واياك وصح لسانك وعلا شانك مليون ولا يكفون وتقبل تحياتي |
مبروك بن ماضي
الله يحمي المسلمين من عرفتك وانت مبدع صح فكرك النقي |
الساعة الآن 04:39AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية