السلام عليكم ورحمة الله وبركاته
بدون مقدمات
قصيدة
لشاعر المبدع / ماجد بن مهنا الدوسري
شبريّتي
السهر مجـلاس وادموعـي نديـم
خذوا من اطبوعي وغدوا ماريّتـي
وأنتي وسلم العشق والليـل العتيـم
أدرى بمباديـي وفـي نوعيّـتـي
أقسم بـرب البيـت والله العظيـم
أنـي بدونـك فاقـدن هويّـتـي
وأني حزين ومنغبن حتى الصميـم
بعدك لعـب بخلاقـي وبنفسيّتـي
كان حبك لـي كمـا كافـل يتيـم
واليوم صار اكبر خطاي وسيّتـي
تذكريـن الشعـر والحـب القديـم
يومـك ذبحتينـي وسقتـي ديّتـي
وأغني أبياتي إلـى هـب النسيـم
واجـي لعبّقـر واحتقـر جنيّتـي
واقول ياعذب من صدى عبدالحليم
روفي بجمهـوري وجمهوريّتـي
مشاعري والعقل والجسـم السليـم
آتابعك مـن ويـن منـوي نيّتـي
كل ما صحتي للشاعـرك الوسيـم
أتلبي اعروقـي واباشـر هيّتـي
واغرس اطعونـي بخفـاق اللئيـم
واللعق بقايا الـدم مـن شربيّتـي
لكن حظي واقف ابموقف خصيـم
وأنتي معـاه ومفلحـت وصيّتـي
بعلمك بالصدق أنا مانـي غشيـم
( وأرفض أستغلال رومنسيّتـي )
أنتي خذيتيني لرضا اغرورك حكيم
لعيون شعري صح ! يا حوريّتي ؟
الله اللـي يحيـي العظـم الرميـم
مايعجزه يحـي ضميـرن ميّتـي
نتفـق مـا نتفـق ربـك كريـم
لله يغـفـر ذنـبـك وخطيّـتـي
وسلامتكم
عبير الروح
